បានបញ្ចប់ការថតរួចរាល់ហើយសម្រាប់ខ្សែភាពយន្ត ‘Omniscient Reader’s Viewpoint’ភាពយន្តបែប Action និងអភិនីហារផ្អែកលើប្រលោមលោកដ៏ល្បីល្បាញដែលមិនថាអ្នកស្នេហាភាពយន្ត ឬអ្នកគាំទ្រប្រលោមលោកសុទ្ធតែទន្ទឹងរង់ចាំ។

មូលហេតុដែល “Omniscient Reader’s Viewpoint” ជារឿងដែលគ្រប់គ្នាចាប់អារម្មណ៍ គឺមិនត្រឹមតែដោយសារតែសាច់រឿងល្អមើល តែតួសម្ដែងវិញគឺសុទ្ធតែលំដាប់ៗ ដោយមានតារាប្រុស Ahn Hyo Seop និង Lee Min Ho ជាតួឯក រួមទាំងតារាល្បីពោរពេញដោយទេពកោសល្យផ្សេងៗទៀតដូចជា Jisoo ក្រុម BLACKPINK, Nana, Chae Soo Bin, Jung Sung Il និង Park Ho San សុទ្ធតែបានចូលសម្ដែងក្នុងរឿងនេះ។






បន្ទាប់ពីបញ្ចប់ការថត Lee Min Ho បានបង្ហោះនៅលើ Instagram ផ្ទាល់ខ្លួន បង្ហាញពីការដឹងគុណចំពោះការគាំទ្រទាំងអស់ដែលនាំឱ្យលោកបានដើរតួជា Yoo JungHyuk ហើយ Ahn Hyo Seop ក៏បានបង្ហោះរូបភាពបញ្ចប់ការថតលើកនេះដែរ ធ្វើឱ្យអ្នកគាំទ្រកាន់តែរំភើបចង់ឃើញថាតួអង្គម្នាក់ៗនឹងសម្ដែងចេញមកបែបណា។




សម្រាប់អ្នកមិនទាន់ស្គាល់ ‘Omniscient Reader’s Viewpoint’ គឺជាប្រលោមលោក webtoon ដ៏ល្បីដែលមានសាច់រឿងចាប់ផ្តើមនៅពេលដែលតួអង្គ Kim Dok Ja (សម្តែងដោយ Ahn Hyo Seop) ជាបុគ្គលិកការិយាល័យធម្មតាម្នាក់បានធ្លាក់ចូលក្នុងពិភពប្រលោមលោកដែលគេអាន ដែលពិភពនោះគឺពោរពេញដោយគ្រោះថ្នាក់។ លើសពីនេះទៅទៀត គេគឺជាមនុស្សតែម្នាក់គត់ដែលដឹងពីការបញ្ចប់នៃប្រលោមលោកនេះ ហើយដើម្បីមានជីវិតរស់ គេបានបង្កើតទំនាក់ទំនងជាមួយអ្នកផ្សេងនៅទីនោះ រួមទាំងបានជួប Yoo JungHyuk ផងដែរ។
អ្នកដឹកនាំរឿង លោក Kim Byung Woo ក៏បានបង្ហោះសារផងដែរថា៖ “ការថតបានបញ្ចប់ហើយ បន្ទាប់ពីតួសម្តែង និងក្រុមការងារបានធ្វើការអស់រយៈពេលជិត ៦ ខែពេញ” ព្រមទាំងបានបង្ហាញពីកាលបរិច្ឆេទចេញបញ្ចាំង គឺនៅកំលុងត្រីមាសទី៣នៃឆ្នាំ ២០២៥ ៕

























Account
Security
Favourite Content