ផលិតករសម័យពួតដៃជាមួយផលិតករសិល្បៈបុរាណ រួមគ្នាបង្កើតនូវផ្ទាំងទស្សនីយភាព ល្ខោនតន្ត្រី “រាជនីសំឡេងមាស” ដែលរៀបរាប់ពីជីវិតពិតលើវិថីសិល្បៈរបស់អធិរាជសំឡេងមាស ស៊ីន ស៊ីសាមុត និងលោកស្រី រស់ សេរីសុទ្ធា។ ល្ខោនតន្ត្រីនិយាយអំពីជីវិតពិតអធិរាជ និងរាជិនីសំឡេងមាសដំបូងបង្អស់នៅកម្ពុជានេះ បានប្រកាសជាផ្លូវការកាលពីថ្ងៃ សុក្រ ទី៨ មីនា ២០២៤ កន្លងទៅ នៅឯសណ្ឋាគារ រ័ហ្វហ្វលស៍ ឡឺ រ៉ូយ៉ាល់។

លោក សុខ វិសាល សហផលិតករ «ល្ខោនតន្ត្រីរាជិនីសំឡេងមាស» បានឲ្យដឹងថា កម្មវិធីនេះ ជាព្រឹត្តិការណ៍ដ៏មានសារៈសំខាន់មួយ ក្នុងវិស័យសិល្បៈនៃព្រះរាជាណាចក្រកម្ពុជា ដែលផ្ដល់ឱកាសដល់អ្នកចូលរួម ធ្វើជាសាក្សីនៃការបើកទំព័រថ្មី របស់គម្រោង។


លោក សួង សុភ័ក្រ ដែលជាសហផលិតករផ្តួចផ្តើមលើគម្រោងនេះបានប្រាប់ AMS-Infotainment ថា៖ “គម្រោងនេះជាគម្រោងថ្មី ដែលជាប្រភេទល្ខោនតន្ត្រីដែលលោកមិនធ្លាប់បានយកមកសម្តែងនៅលើឆាកពីមុននោះទេ ទោះបីជាលោកធ្លាប់ជោគជ័យច្រើនមកហើយលើការសម្តែងលោ្ខននិយាយក៏ដោយ។ លោកបន្ថែមទៀតថា “អ្វីដែលកាន់តែពិសេសនោះគឺជាខ្សែរជិវិតសិល្បៈរបស់ លោកយាយរស់ សេរីសុទ្ធា និងលោកតាស៊ីន ស៊ីសាមុត តែម្តង។ ដូចនេះទាំងការរៀបចំ និងផលិត លោកត្រូវប្រាកដធ្វើឲ្យបានល្អអស់ពីសមត្ថភាព ឲ្យស័ក្ដិសមនឹងតម្លៃរបស់ពួកគាត់ ដែលជាកំណត់ត្រាមួយសម្រាប់សិល្ប:ចម្រៀងនៃប្រទេសកម្ពុជា។

គួរបញ្ចាក់ផងដែរ គម្រោងល្ខោនតន្ត្រីនេះ កំពុងស្ថិតក្នុងដំណាក់កាល រៀបចំផលិត និងការជ្រើសរើសតួសម្តែង។ ហើយនឹងត្រៀមបង្ហាញទស្សនីយភាពអស្ចារ្យតាមរយៈការសម្ដែងលើឆាក នៅអំឡុងខែ មិថុនា ពាក់កណ្ដាលឆ្នាំនេះ។

ល្ខោនតន្ត្រីជាប្រវត្តិសាស្ត្រជារសជាតិថ្មី និងដំបូងគេបង្អស់របស់កម្ពុជា ដែលផលិតដោយផលិតករក្នុងស្រុកនឹងបើកទំព័រថ្មី ចាប់ពីពេលនេះតទៅ។ សហផលិតករបានបង្ហាញក្ដៅរំភើប និងដោយក្ដីសង្ឃឹមថា សិល្បៈវប្បធម៌ខ្មែរនឹងបន្តរីកចម្រើនកាន់តែខ្លាំងទៅមុខ និងទទួលបានការគាំទ្រច្រើនឡើងៗ៕























Account
Security
Favourite Content