ខំស្រឡាញ់គេស្ទើរស្លាប់តែគេអត់ស្រឡាញ់វិញផង គួរកាត់ចិត្តបែបណា? សាក ៥វិធី​នេះ!

មនុស្សស្ទើរតែទាំងអស់អាចជៀសមិនផុតទេពីការដែលស្រឡាញ់គេតែម្ខាង ឬ one-sided love។ ហើយ one-sided love​ នេះផងដែរគឺជាទំនាក់ទំនងមួយដែលយើងមិនអាចទៅបង្ខំនរណាម្នាក់ឱ្យមកស្រឡាញ់យើងវិញ ដោយគ្រាន់តែហេតុផលថាយើងខំដាក់ចិត្តស្រឡាញ់គេនោះទេ។ ជាមួយគ្នានេះដែរ នៅពេលយើងស្ថិតនៅក្នុងស្ថានភាពបែបនេះ វាពិតជាពិបាកធ្វើចិត្តទទួលយកការពិតមួយនេះណាស់ដោយវាប្រៀបដូចជាមាននរណាម្នាក់មកដកយកអ្វីមួយចេញពីក្នុងខ្លួនយើងដូច្នោះដែរ។ ដូចនេះនៅពេលដែលដឹងហើយថាគេមិនបានស្រឡាញ់យើងវិញផង តើយើងគួរកាត់ចិត្តដោយរបៀបណា?

១. ត្រូវឆាប់ចេះទទួលស្គាល់ការពិត

ពេលខ្លះការទទួលស្គាល់ការពិតគឺវាពិតជាពិបាកក្នុងការទទួលយកពិតមែន តែទោះបីជាយ៉ាងណាការពិតវានៅតែជាការពិតហើយមិនអាចកែប្រែបាននោះទេ។ ក្ដីស្រឡាញ់គ្មានខុសគ្មានត្រូវនោះទេ ដោយគ្រាន់តែពេលខ្លះយើងអាចគិតលើសពីអ្វីដែលជាការពិត។ ជាឧទាហរណ៍ គេធ្វើល្អ យកទុកដាក់ និងព្រួយបារម្ភចំពោះយើងក្នុងនាមជាបងប្អូន​ ឬមិត្តភ័ក្ដិប៉ុណ្ណោះ ប៉ុន្តែយើងជាអ្នកដែលយល់ច្រឡំលើទង្វើទាំងនោះខ្លួនឯង។ ដូចនេះមិនចាំបាច់ត្រូវបន្ទោសខ្លួនឯង ឬបន្ទោសអ្នកណាម្នាក់ទេ គ្រាន់បើកចិត្តទទួលយកការពិតនៃទំនាក់ទំនងមួយនេះកាន់តែឆាប់កាន់តែល្អព្រោះថាបើយើងនៅកុហកខ្លួនឯងបន្តទៀតក៏វាអត់មានប្រយោជន៍ដែរ។

២. កុំបន្តធ្វើអ្វីដែលខ្ជះខ្ជាយពេលវេលា

បន្ទាប់ពីទទួលស្គាល់ការពិតហើយ អ្វីដែលធ្វើបន្តគឺត្រូវសួរចិត្តខ្លួនឯងថានៅតែស្រឡាញ់គេដដែល ឬត្រូវបន្តជីវិតទៅមុខទៀតជាមួយនឹងបទពិសោធន៍ជីវិតថ្មី។ យ៉ាងណាវាមិនមែនជារឿងអាក្រក់ទាំងអស់នោះទេដែលយើងខំអត់ទ្រាំចាំឱ្យគេមើលឃើញពីក្ដីស្រឡាញ់និងទង្វើល្អរបស់យើង តែត្រូវគិតថាបើសម្រេចចិត្តបែបនេះហើយនោះពេលវេលានិងទឹកចិត្តក៏ត្រូវចំណាយច្រើនដែរហើយច្បាស់អត់ថាគេនឹងបកមកស្រឡាញ់យើងវិញ។ ដូចនេះហើយសាកបើកចិត្តទទួលយកអ្វីថ្មី ក្ដីស្រឡាញ់ថ្មីសិនទៅព្រោះថាពេលខ្លះបទពិសោធន៍ថ្មីនោះអាចនឹងល្អជាងមុនទៅទៀតហើយកុំព្យាយាមបិទខ្លួនឯងនិងខ្ជះខ្ជាយពេលវេលាជាមួយនឹងបញ្ហាចាស់ដដែលៗអី។

៣. មើលថែនិងស្រឡាញ់ខ្លួនឯងឱ្យបានច្រើន

នៅពេលយើងស្រឡាញ់គេតែម្ខាងហើយគេមិនបានស្រឡាញ់យើងវិញនោះទេមិនមានន័យថាយើងមិនល្អ គ្មានតម្លៃ ឬមានចំណុចអាក្រក់នោះទេ។ អាចនិយាយថាយើងគ្មាននិស្ស័យជាគូជាមួយគេ ដូចនេះវាគ្មានហេតុផលណាមួយត្រូវស្អប់ខ្លួនឯងទេ។ បើអ៊ីចឹងដដែល ហេតុអីមិនដកចិត្តស្រឡាញ់ហ្នឹងហើយមលមើលថែខ្លួនឯងឱ្យច្រើនវិញទៅដោយកែប្រែខ្លួនឯងឱ្យស្រស់ស្រាយជាមុន ឬស្អាតជាងមុនជាដើម។ ការដែលស្រឡាញ់និងកែប្រែខ្លួនឯងបែបនេះមិនមែនដើម្បីទៅផ្ចាញ់ផ្ចាលគេ ឬធ្វើឱ្យគេស្ដាយក្រោយអីនោះទេ តែវាគឺដើម្បីតែឱ្យខ្លួនយើងមានទំនុកចិត្តជាងមុនតែប៉ុណ្ណោះ។

៤. ស្វែងរកនិងធ្វើអ្វីដែលថ្មី

ដើម្បីកុំឱ្យចេះតែនៅនឹកដល់គេគឺមិនត្រូវព្យាយាមនៅតែម្នាក់ឯង ឬឯកោនោះទេមានន័យថាត្រូវរកសកម្មភាពអ្វីដែលថ្មីហើយយើងចូលចិត្តវាមកធ្វើ។ បើសិនជាអាចជៀសបាន គួរកុំធ្វើអ្វីដែលជាដើមហេតុបណ្ដាលឱ្យចិត្តនឹកឃើញដល់ម្នាក់នោះ បើមិនអ៊ីចឹងទេចិត្តគំនិតរបស់យើងនឹងនៅវិលវល់ងើបចេញពីបញ្ហានេះមិនបានឡើយ។ ម្យ៉ាងវិញទៀត យើងមិនគួរស្វែងរកលេសណាមួយមកដោះសារជាមួយខ្លួនឯងដើម្បីរក្សារឿងអតីតកាលទាំងអស់នោះទេ។ ជាក់ស្ដែង បើគេចូលចិត្តដាំផ្កាតូចៗហើយយើងចង់កាត់ចិត្តពីគេ យើងអាចបែរមកអានសៀរភៅ ធ្វើម្ហូប ឬដើរលេងកំសាន្តវិញក៏បាន។

៥. បើឃើញរបស់ណាដែលនឹកឃើញដល់គេ បោះវាចោលទៅ

វាមើលទៅដូចជាកូនក្មេងបន្តិចនៅពេលដែលឃើញអ្វីដែលពួកគេមិនស្រឡាញ់ហើយធ្វើឱ្យពួកគេមិនសប្បាយចិត្ត គេនិងបោះរបស់នោះចោលភ្លាម។ ហើយចំពោះពួកយើងដែលជាមនុស្សធំក៏ដូចគ្នា មិនប្រាកដថាទុករបស់ទាំងនោះជាអនុស្សាវរីយ៍វាល្អសម្រាប់យើងទេ។ បើតាំងចិត្តថាចោលទៅស្ដាយ ក៏ត្រូវតែចាំថាយើងនឹងមិនអាចងើបរួចពីការឈឺចាប់បានទេ។ ពេលខ្លះរបស់ទាំងអស់នោះទៅវិញទេដែលធ្វើឱ្យយើងនៅវិលវល់ត្រាំត្រែងដកចិត្តពីគេមិនរួច។ ដូចនេះរបស់ណាដែលគ្មានប្រយោជន៍ក៏បោះវាចោលទៅ ហើយចំពោះរបស់ណាដែលមានប្រយោជន៍អាចទុកបរិច្ចាគឱ្យអ្នកដែលត្រូវការវាទៅ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង