គម្រោងអភិវឌ្ឍន៍វារីវប្បកម្មសម្រាប់និរន្តរភាពពាណិជ្ជកម្មនៅកម្ពុជា ទទួលបានការផ្សព្វផ្សាយរហូតដល់ ១.៨ លាននាក់ ក្នុងគម្រោង យុទ្ធនាការឌីជីថលដើម្បីគាំទ្រនិមិត្តសញ្ញាគុណភាពផលិតផលជលផល និងផលិតផលវារីវប្បកម្មនៅកម្ពុជា រយៈពេល ៩ខែ កន្លងមកនេះ។ ភាពជោគជ័យនៃយុទ្ធនាការនេះ មានការចូលរួមសហការយ៉ាងខ្នះខ្នែងដោយគម្រោងខាស់ ដឹកនាំដោយ (អេ អេស អេ) សមាគមសណ្តែកសៀង អាមេរិកសម្រាប់កម្មវិធី សណ្តែកសៀងក្នុងសុខុមាលភាពមនុស្សលោក ជាមួយអង្គការទស្សនៈ ពិភពលោក អន្តរជាតិនៅកម្ពុជា។ រដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទរបស់កម្ពុជា និងអង្គការអភិវឌ្ឍន៍ឧស្សាហកម្ម របស់អង្គការសហប្រជាជាតិ ក៏បានចូលរួមគាំទ្រផ្សព្វផ្សាយយុទ្ធនាការនេះលើប្រព័ន្ធផ្សព្វផ្សាយសង្គមផងដែរ។
យុទ្ធនាការនេះ ក៏បានផ្សព្វផ្សាយយ៉ាងទូលំទូលាយដល់សាធារណជនតាមរយៈ ការបង្កើតជាមាតិកាឌីជីថលជាច្រើន វីឌីអូអប់រំ និងសម្ភារៈ ផ្សព្វផ្សាយដូចជា កាបូបស្ពាយ និងផ្លាកបញ្ជាក់និមិត្តសញ្ញា (ស៊ី ខ្យូ អេស) សម្រាប់បិទបង្ហាញតាមបណ្ដាផ្សារទំនើប តូច ធំ ជាដើម។ យុទ្ធនាការក៏បានចាក់ផ្សាយវីដេអូអប់រំអំពីគុណសម្បត្តិនិមិត្តសញ្ញា (ស៊ី ខ្យូ អេស) នៅលើផ្ទាំង LED នៅមហាវិថីក្រមួនសរ ដែលផ្ដល់ ចំណេះដឹង និងដាស់តឿន អ្នកប្រើប្រាស់ ប្រជាពលរដ្ឋ ជាពិសេសអ្នកម្ដាយគ្រប់រូបឲ្យគិតគូរដល់សុវត្ថិភាព សុខភាព និងជ្រើសរើស ផលិតផលដែលមានគុណភាព និងប្រភពច្បាស់លា់ស់។
បន្ថែមពីនេះ គម្រោងខាស់ក៏បានសហការជាមួយសហគ្រាស និងសិប្បកម្មកែច្នៃត្រី ធុនតូច និងមធ្យមរួមមាន សហគ្រាស Home Taste Food សិប្បកម្មកែច្នៃត្រី សំណាង សុធា សហគ្រាស លាង ឡេង និងសិប្បកម្ម Cambodia Fresh Farm ដែលបានបង្ហាញ ការចូលរួម និងគាំទ្រយ៉ាងសកម្មលើប្រព័ន្ធសង្គមរបស់ពួកគាត់ ព្រមទាំងការតាំងចិត្តចូលរួមក្នុងយុទ្ធនាការដោយរួមបញ្ចូល និមិត្តសញ្ញា (ស៊ី ខ្យូ អេស) ក្នុងអាជីវកម្ម និងសិប្បកម្មរបស់ពួកគាត់ ដើម្បីអនុវត្តតាមក្បួនអនាម័យត្រឹមត្រូវស្របតាមស្តង់ដាជាតិ និងអន្តរជាតិ។
យុទ្ធនាការ បានសហការជាមួយអ្នកធ្វើមាតិកាល្បីៗក្នុងប្រព័ន្ធផ្សព្វផ្សាយសង្គម ដែលឲ្យតម្លៃ និងគាំទ្រដល់ សុវត្ថិភាពសុខភាព អ្នកបរិភោគ ត្រី និងផលិតផលវារីវប្បកម្មផ្សេងៗនៅកម្ពុជា។ ការចូលរួមសហការរបស់ពួកគាត់ បានចូលរួមចំណែកយ៉ាងទូលំទូលាយដល់ ការចែករំលែក ចំណេះដឹងដល់សាធារណជនអំពីសារៈសំខាន់នៃ គុណភាព និងគុណប្រយោជន៍នៃប្រព័ន្ធវិញ្ញាបនបត្របញ្ជាក់និមិត្តសញ្ញា (ស៊ី ខ្យូ អេស)។
គួរដឹងដែរថា ប្រព័ន្ធវិញ្ញាបនបត្របញ្ជាក់និមិត្តសញ្ញា (ស៊ី ខ្យូ អេស) របស់កម្ពុជា តម្រូវឱ្យភាគីពាក់ព័ន្ធនឹងវិស័យវារីប្បកម្មទាំងអស់អនុលោម តាមស្ដង់ដាអនាម័យ ក៏ដូចជាប្រើជាមធ្យោបាយសម្រាប់ការបញ្ជាក់គុណភាព និងសុវត្ថិភាពនៃផលិតផលវារីវប្បកម្មនៅក្នុងខ្សែសង្វាក់ ផ្គត់ផ្គង់ដែលចាប់ពីការផលិតធាតុដើម រហូតដល់ការកែច្នៃ ការចែកចាយ និងការលក់ដល់អ្នកប្រើប្រាស់។ តាមរយៈការផ្សព្វផ្សាយនិមិត្ត សញ្ញា (ស៊ី ខ្យូ អេស) យុទ្ធនាការក៏ជូនដំណឹងដល់អ្នក ប្រើប្រាស់ អំពីរបៀបដែលវិញ្ញាបនបត្របញ្ជាក់ និមិត្តសញ្ញាគុណភាព ផលផលិត ផលជលផលផ្តល់ជាមធ្យោបាយក្នុងការទិញត្រី និងចំណីអាហារ ដែលមានសុវត្ថិភាព ត្រឹមត្រូវតាមស្តង់ដាជាតិ និងអន្តរជាតិ ផងដែរ។
ទំនាក់ទំងប្រព័ន្ធផ្សព្វផ្សាយ
លោកស្រី ពេជ្រ គីមធា | គម្រោងអភិវឌ្ឍន៍វារីវប្បកម្មសម្រាប់និរន្តរភាពពាណិជ្ជកម្មនៅកម្ពុជា
អ៉ីម៉េល: [email protected]
លេខទូរស័ព្ទ: (+855) 10 531 160
អំពីគម្រោងខាស់៖
គម្រោង ខាស់ ជាគម្រោងរបស់ក្រសួងកសិកម្មសហរដ្ឋអាមេរិក ដែលផ្ដល់ជំនួយដើម្បីជំរុញផលិតកម្មត្រី ឲ្យស្របនឹងតម្រូវការ ទីផ្សារ និងជួយអភិវឌ្ឍន៍ឧស្សាហកម្មវារីវប្បកម្មនិងលើកកម្ពស់ផលិតផលត្រីចិញ្ចឹមនៅក្នុងប្រទេសកម្ពុជាផងដែរ។ គម្រោង ខាស់ ក៏ជួយពង្រឹង ការផលិតចំណី និងផលិតផលត្រី ក៏ដូចជាជួយបង្កើតប្រព័ន្ធទីផ្សារ ដែលរកអាចប្រាក់ចំណេញសម្រាប់ ផលិតផលវារីវប្បកម្មនៅកម្ពុជា។
សម្រាប់ព័ត៌មានបន្ថែម សូមទៅចូលទៅកាន់គេហទំព័រហ្វេសប៊ុកផ្លូវការរបស់ CAST ៖
https://www.facebook.com/CASTinCambodia
អំពីអង្គការទស្សនៈពិភពលោកអន្តរជាតិប្រចាំកម្ពុជា៖
អង្គការទស្សនៈពិភពលោកអន្តរជាតិប្រចាំកម្ពុជា (WVC) គឺជាអង្គការគ្រិស្ទបរិស័ទដែលផ្ដោតសំខាន់លើការជួយកុមារ និងគ្រួសារ ទន់ខ្សោយ។ អង្គការទស្សនៈពិភពលោកអន្តរជាតិប្រចាំកម្ពុជា ក៏ធ្វើការជាមួយសហគមន៍ងាយរងគ្រោះទូទាំងប្រទេសដើម្បីប្រយុទ្ធប្រឆាំង នឹងភាពក្រីក្រ និងភាពអយុត្តិធម៌ដែលកើតក្នុងសង្គម ដោយមិនរើសអើងពីសាសនា ពូជសាសន៍ ភេទ ឬទម្រង់នៃការរើសអើងផ្សេងឡើយ។
សម្រាប់ព័ត៌មានបន្ថែម សូមទៅចូលទៅកាន់គេហទំព័រហ្វេសប៊ុកផ្លូវការរបស់ World Vision Cambodia៖