ហែម ថុនវិទិនី ដែលវិវត្តន៍ខ្លួនពីអត្តពលិកមកជាគ្រូជំនួយបង្វឹកផ្នែកហែលទឹករបស់ជម្រើសជាតិ កម្ពុជាបានផ្ដល់បទសម្ភាសន៍ដល់ AMS SPORTS ពីអត្ថប្រយោជន៍មហាសាលនៃកីឡាហែលទឹក ដល់សុខភាព និងសុខសុវត្ថិភាពផ្ទាល់ខ្លួន។
១. ជួយដល់ខ្លួនឯង និងអ្នកដទៃពេលធ្វើដំណើរតាមផ្លូវទឹក ជួបបញ្ហាអាសន្ន
២. ជាឱសថទី២បន្ទាប់ពីថ្នាំពេទ្យ។ មានន័យថា ចាប់ពីវ័យ ៣៥-៤០ ឡើងទៅ មិនអាចហ្វឹកហាត់ប្រភេទកីឡាធ្ងន់ៗបានទេ បើមានបញ្ហាឆ្អឹង ឬសរសៃ តែអាចហែលទឹកបាន ដើម្បីសម្រួលបញ្ហាផ្នែកសរសៃ ឬឆ្អឹងបាន
៣. បែកញើស និងធ្វើឲ្យរាងកាយមានកម្ដៅ ល្អដល់សុខភាព
៤. អ្នកហ្វឹកហាត់កីឡាប្រភេទនេះមានភាពអំណត់ខ្លាំង ល្អដល់ការប្រាស្រ័យក្នុងទំនាក់ទំនងការងារប្រចាំថ្ងៃ
៥. មិនធ្វើឲ្យឆាប់ហត់ និងមានកាយសម្បទារឹងមាំ
៦. អាចហ្វឹកហាត់ដង្ហើមបានវែង ហើយអ្នកចម្រៀងអាជីពភាគច្រើនក៏ជ្រើសរើសការហែលទឹក ដើម្បីជួយឲ្យដង្ហើមបានវែងដែរ។
ដូចនេះដើម្បីទទួលបានសុខភាពល្អ និងអាចជួយខ្លួនឯងបាន អាណាព្យាបាលគួរតែនាំកូនទៅហ្វឹកហាត់ហែលទឹក ឬអ្នកមានបញ្ហាផ្នែកសរសៃ និងឆ្អឹងក៏ចាំបាច់ក្នុងការហែលទឹកផងដែរ៕