ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
តំបន់កម្សាន្តបែបធម្មជាតិ ទឹកធ្លាក់ថ្មក្រាល បានក្លាយជាទីចាប់អារម្មណ៍នៃភ្ញៀវទេសចរដែលមកដល់ឱ្យខ្សឹបបន្តប្រាប់គ្នា ឱ្យមកលេងកម្សាន្តដើម្បីទទួលយកនូវអារម្មណ៍ប្លែក និងបានស្រួបយកក្លិនធម្មជាតិក្នុងតំបន់មួយនេះ។
បានមកដល់ខេត្តកំពង់ឆ្នាំងហើយបើសិនមិនបានមកងូតទឹកលេងនៅ ទឹកធ្លាក់ថ្មក្រាល ហាក់ដូចមិនគប្បីចំពោះខ្លួនឯងខណៈតំបន់ទេសចរណ៍ធម្មជាតិលាក់ខ្លួនក្នុងព្រៃមួយនេះមានសម្រស់ស្រស់ស្អាតនិងសក្ដិសមបំផុតសម្រាប់ការចំណាយពេលចុងសប្ដាហ៍របស់អ្នកនៅទីនោះ។
ពិតណាស់តំបន់ទេសចរណ៍បែបព្រៃភ្នំដែលមិនត្រឹមតែអាចងូតទឹកលេងកម្សាន្តត្រជាក់ចិត្តតែទីនោះក៏មានដើមឈើធំៗ មានម្លប់ត្រឈឹងត្រឈៃដែលអាចអង្គុយសម្រាកនិងពិសាអាហារជុំគ្រួសារ សាច់ញាតិ មិត្តភ័ក្ដិនិងមនុស្សជាទីស្រលាញ់បានយ៉ាងរីករាយ។
ទឹកធ្លាក់ថ្មក្រាល ជាទីឋានដែលមានទឹកត្រជាក់ស្រឹបដូចទឹកអម្រឹត ថែមជាមួយទេសភាពពណ៌ខៀវខ្ចី សំឡេងសត្វយំជែងគ្នាប្រៀបបីដូចជាចម្រៀងបំពេសោតាឱ្យបំភ្លេចអស់រាល់ទុក្ខកង្វល់ពេលបានស្ដាប់លឺ ថ្មភ្នំតូចធំដុះប្រៀបមាត់ទឹក រីឯខ្លះទៀតត្រូវបានទឹកហូរបំពេញពីលើសល់ត្រឹមស្រមោលពណ៌ខ្មៅដែលចាំងចេញពីខាងក្នុងនៃទឹកអាចឱ្យអ្នកទេសចរទាំងចាស់ក្មេងងូតលេងកម្សាន្តបានយ៉ាងរីករាយ។ តំបន់ទេសចរណ៍ដែលបន្ថែមថាមពលដល់អ្នកដែលបានទៅលេងកម្សាន្ត និងផ្ដល់អារម្មណ៍ស្រស់ស្រាយមួយនេះពិតសក្ដិសមបំផុតនៃជម្រើសតំបន់ទេសចរណ៍ក្នុងខេត្តកំពង់ឆ្នាំង។
រមណីយដ្ឋានដ៏ស្រស់ស្អាតមួយនេះស្ថិតនៅភូមិកោះក្ទម្ព ឃុំជៀប ស្រុកទឹកផុស ខេត្តកំពង់ឆ្នាំង មានចម្ងាយប្រមាណ ៥៧ គីឡូម៉ែត្រ ពីក្រុងកំពង់ឆ្នាំង។ ភ្ញៀវទេសចរដែលចង់ទៅលេងកម្សាន្តនៅរមណីយដ្ឋាន ទឹកធ្លាក់ថ្មក្រាល ត្រូវធ្វើដំណើរចេញពីទីរួមខេត្តកំពង់ឆ្នាំង តាមផ្លូវជាតិលេខ ៥៣ ទៅដល់ផ្សារស្រុកទឹកផុស ត្រូវបន្តដំណើរឆ្លងកាត់ផ្លូវរថភ្លើង រហូតដល់ជិតវត្តក្នុងខ្លុងពពក ដែលមានចម្ងាយជាង ៣០ គីឡូម៉ែត្រ រួចបត់ស្តាំតាមផ្លូវក្រាលកៅស៊ូ និងក្រួសក្រហមជាង ២០ គីឡួម៉ែត្រ ទើបដល់ទៅដល់រមណីយដ្ឋានដ៏ស្រស់ស្អាតមួយនេះ៕
ប្រភពរូបភាព ៖ ប្រជាជន ខេត្តកំពង់ឆ្នាំង
Account
Security
Favourite Content