ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
ស្ពានសាងសង់ ដើម្បីឆ្លងទៅកាន់ប្រាសាទនាគព័ន្ធ ត្រូវបានទឹកឡើងប្របអមជាមួយផ្កាឈូករីកស្គុះស្គាយដេរដាសនៅសងខាង បង្កើនសម្រស់ដ៏ទាក់ទាញដល់បណ្ដាភ្ញៀវទេសចរជាតិ និងអន្តជាតិឱ្យនឹកចង់ទៅដល់ ដើម្បីបានមើលដោយផ្ទាល់ភ្នែក។
នារដូវវស្សាឆ្នាំនេះ ប្រាសាទជាច្រើនក្នុងខេត្តសៀមរាបបានបង្ហាញសម្រស់ទាក់ទាញរាងខ្លួន ដោយឡែកប្រាសាទនាគព័ន្ធ ដែលត្រូវបានគេស្គាល់ និងចាត់ចូលជាប្រាសាទមានសម្រស់ស្រស់ស្អាត និងទាក់ទាញមួយនៅក្នុងខេត្តមួយនេះត្រូវបានផេកក្នុងស្រុក Let’s travel /តោះដើរលេង បង្ហោះនូវរូបភាពជាច្រើនសន្លឹកធ្វើឱ្យអ្នកប្រើប្រាស់បណ្ដាញសង្គមហ្វេសបុកជ្រួលច្របល់ទាំងផ្លូវកាយ និងផ្លូវចិត្តចង់ទៅដល់ និងទៅឃើញដោយផ្ទាល់នូវសម្រស់ដ៏ស្រស់ស្អាតពីធម្មជាតិដែលលេចត្រដែតឡើងនៅសងខាងផ្លូវចូលប្រាសាទមួយនេះ។ តាមរយៈរូបភាពទាំងនេះដែរបានធ្វើឱ្យមហាជនជាច្រើនជាពិសេសយុវវ័យក្មេងៗនាំគ្នាដាក់ថ្ងៃបបួលគ្នាទៅលេងខេត្តសៀមរាបដើម្បីបានមើលទិដ្ឋភាពមួយនេះដោយផ្ទាល់ភ្នែក។
គួរឱ្យដឹងដែរថា ប្រាសាទនាគព័ន្ធ ត្រូវបានចាត់ចូលជាប្រាសាទដ៏ទាក់ទាញ និងមានសម្រស់ស្រស់ស្អាតប្លែកម្យ៉ាងបើធៀបជាមួយប្រាសាទផ្សេងៗទៀតនៅក្នុងខេត្តមួយនេះ។ ដោយឡែក ចំណុចពិសេសនៃប្រាសាទដ៏ល្អឯកមួយនេះគឺប្រាសាទត្រូវបានសង់ឡើងនៅកណ្ដាលគូរទឹកព័ទ្ធជុំវិញ ដែលពុំមានភ្ញៀវទេសចរណាមួយដែលអាចប៉ះផ្ទាល់ប្រាសាទមួយនេះបានទេ៕
ប្រភពរូបភាព ៖ Let’s travel /តោះដើរលេង
Account
Security
Favourite Content