ផ្លូវបុប្ផាលាក់ខ្លួន ( ផ្លូវអន្ទង់អាំង ) គឺជាផ្លូវមួយដែលពត់ពេនតាមជ្រលងដងភ្នំ១៥០០ ជ្រែកព្រៃព្រឹក្សាធំតូច ដែលជាទស្សនីយភាពសែនល្អត្រជាក់ទាក់ទាញទេសចរ ។ សម្រាប់រដូវរំហើយនេះ គឺជាពេលវេលាយ៉ាងល្អបំផុតសម្រាប់ទៅទស្សនាទេសភាពនៅតាមបណ្ដោយផ្លូវបុប្ផាលាក់ខ្លួន ឬភ្នំ១៥០០។ នេះបើតាមទំព័រហ្វេសប៊ុកផេក មន្ទីរទេសចរណ៍ខេត្តពោធិ៍សាត់។

ផ្លូវបត់បែនពត់ពែនដូចអន្ទង់អាំង នៃជ្រលងភ្នំ ១៥០០ បានក្លាយជាផ្ទាំងទស្សនីយភាពដ៏អស្ចារ្យ មានទេសភាពហ៊ុមព័ទ្ធជុំវិញបៃតងខ្ចី ទាក់ទាញបេះដូងភ្ញៀវទេសចរគយគន់មិនចេះជិនណាយ។ ក្រុមវិស្វករ បានពុះជ្រែកទម្លុះភ្នំ និងជម្រាលភ្នំ ដែលអំណោយផលដល់ការធ្វើដំណើរកម្សាន្តបែបធម្មជាតិ បន្ធូរអារម្មណ៍តានតឹងជាមួយនឹងខ្យល់អាកាសដ៏ល្អបរិសុទ្ធ។ អ្នកចូលចិត្តការថតរូបជាមួយនឹងទេសភាពបាន គឺត្រូវម៉ាច់តែម្ដង មិនខ្វះជ្រុងថតនោះទេ។

ភ្នំ១៥០០ មានទីតាំងតាមបណ្ដោយផ្លូវជាតិលេខ ៥៥ ប្រវែងសរុប ១៨២,១៦ គ.ម ចាប់ពីខេត្តពោធិ៍សាត់ (ផ្លូវជាតិលេខ ៥ គីឡូម៉ែត្រលេខ ១៩១) ទៅដល់ វាលវែង-ថ្មដា (ព្រំដែនកម្ពុជា-ថៃ) ដែលសម្ពោធបើកឱ្យប្រើប្រាស់ជាផ្លូវការ ស្របជាមួយការបើកការដ្ឋានសាងសង់ ផ្លូវជាតិលេខ ១០ ប្រវែងសរុប ១៩៨,៧១ គ.ម ចាប់ពី ខេត្តបាត់ដំបង (សំឡូត) កាត់ខេត្តពោធិ៍សាត់ (វាលវែង) ទៅដល់ខេត្តកោះកុង(ក្រុងខេមរភូមិន្ទ) កាលពីថ្ងៃទី០៩ ខែមីនា ឆ្នាំ២០២០៕





























Account
Security
Favourite Content