តំបន់តូចមួយនេះនៅក្បែរវិមានឯករាជ្យ មានកន្លែងថតរូបស្អាតៗហួសពីការគិត

ជិះ​កាត់​វិមាន​ឯករាជ្យ​ជិត ១០ ឆ្នាំ​ហើយ ប៉ុន្តែ​មិន​ធ្លាប់​ដឹង​ថា​នៅ​ក្បែរ​នោះ​មាន​តំបន់​តូច​មួយ ប្រៀប​ដូចជា​កូន​ទីក្រុង​រាត្រី​មួយ​ដែល​មាន​ទេសភាព​ស្អាត​ៗ​យ៉ាង​នេះ​សោះ។ ជីវិត​នៅ​រៀន​ផង​ធ្វើការ​ផង គឺ​ពិតជា​ស្មុគស្មាញ​មែន ប៉ុន្តែ​បើ​អ្នក​ចេះ​ចំណាយ​ពេល​វេលា​ដែល​អ្នក​មាន​សេសសល់​ពី​រឿង​ទាំងអស់​នោះ​ឲ្យ​បាន​ត្រឹមត្រូវ នោះ​អ្នក​ប្រាកដ​ជា​អាច​ដោះលែង​ខ្លួនឯង​ពី​ទុក្ខ​កង្វល់​ទាំងអស់​នោះ​បាន​ជា​មិន​ខាន។ ថ្ងៃនេះ​ខ្ញុំ​នឹង​នាំ​អ្នក​ទាំងអស់​គ្នា​ទៅ​ស្គាល់​តំបន់​មួយ​ដែល​អាច​ឲ្យ​យើង​ថត​រូប​ស្អាត​ៗ ហើយ​ថែម​ទាំង​អាច​ចូល​ញាំ​អាហារ ឬ​ភេសជ្ជៈ​តាម​ហាង​តូច​ៗ​នៅ​ក្បែរ​នោះ​បាន​ទៀត​ផង។

កូន​ប្លុក​តូច​មួយ​នៅ​ចំ​កណ្ដាល​ក្រុង​ក្បែរ​វិមាន​ឯករាជ្យ​នេះ តែងតែ​បង្អួត​សម្រស់​ភ្លើង​ពណ៌​នា​ពេល​រាត្រី​ស្អាត​ប្លែក និង​មាន​អារម្មណ៍​ថា​ដូចជា​កំពុងតែ​បាន​រស់នៅ​ក្នុង​ប្រទេស​អ៊ីតាលី​អ៊ីចឹង។ បើសិន​ជា​ប្រិយមិត្ត​ចង់​សម្រាក​លំហែ​ពី​ការងារ ហើយ​ចង់​ទៅ​ថត​រូប​លេង​កន្លែង​នេះ គឺ​មិន​ពិបាក​រក​ទេ​ព្រោះ​តំបន់​មួយ​នេះ​មាន​ទីតាំង​ស្ថិត​នៅ​ជាប់​គ្នា​និង​សណ្ឋាគារPatioតែម្ដង។

បើ​និយាយ​ពី​សោភ័ណភាព​របស់​កូន​ទី​​ក្រុង​តូច​មួយ​នេះ គ្រាន់តែ​ជិះ​ម៉ូតូ​ចូល​ទៅ​ដល់​ភ្លាម​ចំណាប់​អារម្មណ៍​ផ្សេង​ៗ​ក៏​ចាប់ផ្ដើម​ផុស​ឡើង​ពី​ខួរក្បាល។ ពេលខ្លះ​ក៏​ឆ្ងល់​ថា ហេតុអ្វី​បាន​ជា​តំបន់​នេះ​សម្បូរ​ទៅ​ដោយ​ជនបរទេស​ច្រើន​ម្ល៉េះ ហើយ​ពេល​ខ្លះ​អារម្មណ៍​បែរ​ជា​ហោះហើរ​លួច​សរសើរ​ទៅ​ដល់​រចនាសម្ព័ន្ធ​របស់​កូន​ហាង​តូច​ៗ​ក្បែរ​ផ្លូវ​ទៅ​វិញ។ ចំពោះ​ផ្ទះ​នៅ​ទី​នោះ​គឺ​គេ​សង់​ជាប់​ៗ​គ្នា ហើយ​មាន​ការ​ច្នៃ​ប្រឌិត​ប្លែក​ៗ រី​ឯ​ផ្លូវ​វិញ​មាន​ទ្រង់ទ្រាយ​តូច​ៗ​ដែល​អាច​ចូល​បាន​តែ​ម៉ូតូ និង​កង់​តែ​ប៉ុណ្ណោះ។

ការពិត​ជាក់ស្ដែង​កូន​តំបន់​តូច​នេះ ជា​តំបន់​ដែល​មាន​ជនបរទេស​រស់​នៅ​ច្រើន ច្របល់​គ្នា​តាំង​ពី​ជនជាតិ​អ៊ីតាលី បារាំង អង់គ្លេស អាមេរិក អាល្លឺម៉ង់ ខ្មែរ និង​ជនជាតិ​ផ្សេង​ៗ​ទៀត។ ហេតុ​ដូចនេះ​ហើយ​ទើប​បាន​ជា​រចនាសម្ព័ន្ធ​របស់​ហាង និង​ផ្ទះ​នៅ​ទីនោះ​មាន​លក្ខណៈ​តាម​បែប​បរទេស។

អ្វី​ដែល​ជា​ចំណី​ចក្ខុ​ដ៏​អស្ចារ្យ​នៅ​តំបន់​នោះ​គឺ សម្រស់​​ភ្លើង​ពណ៌នា​ពេល​យប់។ នៅ​ពេល​​ដែល​ព្រះអាទិត្យ​ចាប់ផ្ដើម​លិច​​សន្សឹម​ៗ​ភ្លើង​ពណ៌​នានា​ក៏ និង​លេច​ឡើង​មក​ក្នុង​ពេល​ជាមួយ​គ្នា​នោះ​ដែរ ហើយ​បើ​សម្រាប់​អ្នក​ដែល​ចូលចិត្ត​ថតរូប​វិញ គ្រាន់តែ​ដើរ​ថត​ទេសភាព​តាម​ផ្លូវ និង​ទេសភាព​មុខ​ហាង ពី​ច្រក​មួយ​ទៅ​ច្រក​មួយ​ក៏​ធានា​ថា​អ្នក​បាន​រំសាយ​អស់​នូវ​ទុក្ខ​កង្វល់​ផ្សេង​ៗ​បាន​យ៉ាង​ងាយ។

ចំពោះ Color Mood នៅ​ទីនោះ​វិញ​គឺ​ភ្លឺ​បែប​ស្រទន់​ៗ រួម​ផ្សំ​ជាមួយ​សំឡេង​ចម្រៀង​បន្លឺ​ឡើង​តិច​ៗ​ចេញ​មក​ពី​ក្នុង​ហាង​ផង ធ្វើឲ្យ​អារម្មណ៍​ក៏​ហោះហើរ​ទៅ​តាម​ហ្នឹង​ដែរ។

ក្រៅ​អំពី​កន្លែង​ថត​រូប​ស្អាត​ៗ ប្រិយមិត្ត​ក៏​អាច​ចូល​ទៅ​អង្គុយ​ញាំ​អី​នៅ​ក្នុង​ហាង ហើយ​ស្ដាប់​ចម្រៀង​បែបChill ក៏​នឹង​ធ្វើឲ្យ​អ្នក​មាន​អារម្មណ៍​ធូរស្បើយ​បាន​ដែរ ជាពិសេស​គឺ​សម្រាប់​អ្នក​ដែល​ចូលចិត្ត​ពិសា​ស្រា និង Cocktail ជាដើម៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង