កម្ពុជា ជាអច្ឆរិយប្រទេសដែលពិភពលោកស្ញប់ស្ញែង និងជាប្រទេសដែលមានអរិយធម៌ចំណាស់មួយក្នុងចំណោមប្រទេសជាច្រើននៅលើពិភពលោក។ គ្រាប់ពេជ្រដ៏មានតម្លៃដែលពិភពលោកទទួលស្គាល់ជាសាកលរបស់ប្រទេសមួយនេះ គឺប្រាសាទអង្គរវត្តដែលជាបេតិកភណ្ឌពិភពលោក និងទីក្រុងភ្នំពេញដែលជាបេះដូងរបស់កម្ពុជា។





ជាក់ស្តែង នាពេលថ្មីៗនេះ យោងតាមការស្រាវ និងទិន្នន័យដែលប្រមូលបានពីគេហទំព័រ Mornings.co.uk ដែលបានបង្ហោះនៅលើផេកផ្លូវការរបស់ Samdech Thipadei Hun Manet, Prime Minister of Cambodia បានបង្ហាញថា «ប្រាសាទអង្គរវត្ត» បានជាប់ចំណាត់ថ្នាក់លេខ ១ ជាទីតាំងដ៏ល្អបំផុតសម្រាប់មើលថ្ងៃរះ នៅអាស៊ីអាគ្នេយ៍ និងពិភពលោក។ គួរបញ្ជាក់ដែរថា ប្រាសាទអង្គរវត្តរបស់កម្ពុជា បានជាប់ជាទីតាំងដែលទទួលបានការលើកឡើងច្រើនជាងគេ និងចាត់ទុកថាជាកន្លែងដែលល្អបំផុតសម្រាប់ការមើលថ្ងៃរះ ក្នុងចំណោមប្រទេសប្រមាណ៧២ នៅជុំវិញពិភពលោក។


មិនតែប៉ុណ្ណោះ «ទីក្រុងភ្នំពេញ» ដែលជាបេះដូងរបស់កម្ពុជា ស្ថិតក្នុងចំណាត់លេខ ៩ នៃគោលដៅទេសចរណ៍ដែលពេញនិយមទាំង១០ ក្នុងចំណោម ២៥ ប្រទេស នៅលើពិភពលោក ក្នុងឆ្នាំ ២០២៤។ នេះបើតាមទិន្នន័យដែលបង្ហាញដោយប្រភពវេបសាយអន្តរជាតិ Tripadvisor៕




























Account
Security
Favourite Content