ខែមេសា​ តារាខេប៉ុបល្បីៗច្រើនក្រុមសម្រុក Comeback តកន្ទុយគ្នា

ចាប់ផ្ដើមឆ្នាំ ២០២៦ ឧស្សាហកម្មខេប៉ុបបន្តលេចធ្លោជាបន្តបន្ទាប់​ រាប់ចាប់ពីព្រឹត្តិការណ៍កីឡាអូឡាំពិករដូវរងាឆ្នាំ ២០២៦ និងការវិលត្រឡប់មកវិញរបស់ក្រុម BLACKPINK ក្នុងខែ កុម្ភៈ ក៏ដូចជាការវិលត្រឡប់របស់ក្រុម BTS នៅក្នុងខែ មីនា នេះ។ យ៉ាងណាមិញ​ នៅខែ មេសា ខាងមុខ ឧស្សាហកម្មខេប៉ុបកាន់តែមមាញឹកបន្ថែមទៀត ខណៈទាំងតារាទោល និងក្រុមពីផលិតកម្មតូចធំ នាំគ្នា​វិលត្រឡប់មកវិញជាមួយស្នាដៃថ្មី។

ជាក់ស្ដែង  សមាជិកទាំង ៥នាក់នៃក្រុម TOMORROW X TOGETHER (TXT) កំពុងតែត្រៀមចេញអាល់ប៊ុមថ្មី ក្រោមឈ្មោះថា “7TH YEAR: A Moment of Stillness in the Thorns” នៅថ្ងៃទី ១៣ ដោយអាល់ប៊ុមខ្នាតតូចទី ៨ នេះ គឺជាស្នាដៃដំបូងរបស់ក្រុម បន្ទាប់ពីបន្តកុងត្រាថ្មីជាមួយ BigHit Music។

បន្តមកក្រុម NCT WISH នៅថ្ងៃទី២០ តារាប្រុសទាំង ៦រូបពី SM Entertainment នឹងបញ្ចេញអាល់ប៊ុមពេញខ្នាតទី ១របស់ក្រុម ក្រោមឈ្មោះថា “Ode to Love” ដែលនេះ គឺជាការរួមបញ្ចូលចម្រៀងចម្រុះបែបចំនួន ១០បទ​ក្នុងអាល់ប៊ុមតែមួយ។

ក្នុងថ្ងៃដដែលនេះ CORTIS ក្រុមខេប៉ុបបុរសចុងក្រោយបង្អស់របស់ BigHit ក៏នឹងបញ្ចេញ Tittle Track ពីអាល់ប៊ុមខ្នាតតូចទីពីរ “GREENGREEN” មុននឹងចេញផ្សាយជាផ្លូវកាលនៅថ្ងៃទី ៤ ខែ ឧសភា ផងដែរ។

ដោយឡែក សម្រាប់សិល្បករដែលស្ថិតក្រោមបណ្ដាញផលិតកម្ម HYBE Labels ក៏មមាញឹកដូចគ្នា។ ជាក់ស្ដែង ក្រុម ILLIT ពី Belift Lab នឹងត្រឡប់មកវិញនៅថ្ងៃទី ៣០ ជាមួយអាល់ប៊ុមខ្នាតតូចទីបួន “MAMIHLAPINATAPAI” ខណៈអ្នកគាំទ្រក៏រំពឹងថា Le Sserafim និង TWS ក៏នឹងវិលត្រឡប់មកវិញក្នុងពេលឆាប់ៗនេះដូចគ្នា បើទោះបីជា ទីភ្នាក់ងារមិនទាន់បានបញ្ជាក់កាលបរិច្ឆេទផ្លូវការក្ដី។

ចំណែកឯនៅផលិតកម្ម JYP Entertainment វិញ  ក្រុម KickFlip នឹងត្រឡប់មកវិញជាមួយបទ “My First Kick” នៅថ្ងៃទី ៦ បន្តដោយក្រុម Xdinary Heroes ក៏នឹងមានស្នាដៃថ្មីនៅថ្ងៃទី ១៧ ខែ មេសា ដូចគ្នា។

ក្រៅពីផលិតកម្មធំៗ ក៏នៅមានក្រុម KISS OF LIFE ដែលត្រៀមចេញផ្សាយស្នាដៃថ្មី គឺអាល់ប៊ុម “Who is she” នៅថ្ងៃទី៦ ក្រោយសម្រាកអស់រយៈពេល ១០ខែ ។ ខណៈក្រុមនារីថ្មី ifeye ក៏នឹងដាក់ចេញគម្រោង “As If” នៅថ្ងៃទី ១៥ ខាងមុខ ក្រោយពីបង្ហាញខ្លួនជាផ្លូវការ កាលពីឆ្នាំ ២០២៥ កន្លងទៅ។

ទន្ទឹមនឹងនេះដែរ ក្រុមខេប៉ុបនិម្មិតបុរស PLAVE នឹងបន្តកេរ្តិ៍ឈ្មោះជាក្រុម Virtual ដ៏លេចធ្លោមួយក្នុងវិស័យខេប៉ុបជាមួយនឹងបទថ្មី “Caligo Pt.2” នៅថ្ងៃទី ១៣​ ខាងមុខ។

ក្រៅពីការវិលត្រឡប់ជាក្រុម អតីតសមាជិកក្រុម BIGBANG គឺ T.O.P នឹងចេញអាល់ប៊ុមទោលពេញខ្នាតដំបូងក្នុងរយៈពេល ១៣ ឆ្នាំ ក្រោមឈ្មោះ Another Dimension នៅថ្ងៃទី ៣។ ឯ Dayoung មកពីក្រុម WJSN ក៏នឹងចេញបទចម្រៀងទោលទីពីរ “What’s a girl to do?” នៅថ្ងៃទី ៧ ខែមេសា។

បន្ថែមពីនេះ Park Ji-hoon អតីតសមាជិក Wanna One និង Kangmin ពីក្រុម VERIVERY ក៏កំពុងត្រៀមបញ្ចេញបទចម្រៀងថ្មីក្នុងខែតែមួយនេះផងដែរ។

ស្របពេលដែលសិល្បករជាច្រើនរូប កំពុងតែត្រៀមនាំយកស្នាដៃថ្មីមកជូនទស្សនិកជនជាបន្តបន្ទាប់ ខែ មេសា​ ខាងមុខ នឹងក្លាយជាពេលវេលាមួយដ៏មមាញឹកក្នុងឧស្សាហកម្មខេប៉ុបប្រចាំឆមាសទី១ ឆ្នាំ ២០២៦ នេះ។ ខណៈ អ្នកនិយមស្ដាប់ចម្រៀងខេប៉ុប ក៏នឹងមានបទចម្រៀងថ្មីស្ដាប់ឥតចន្លោះដូចគ្នា៕  



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *