ពីអតីតអ្នកលួចប្រាសាទបុរាណ ប្រែខ្លួនមកជាអ្នកប្រយុទ្ធដើរស្រោចស្រង់ និងនាំយកដួងព្រលឹងដូនតាត្រឡប់មកមាតុភូមិវិញ!

ចុងក្រោយនៃជីវិត លោក Lion អតីតចោរលួចវត្ថុបុរាណបានប្រែខ្លួនមកជាអ្នកផ្តល់ព័ត៌មានសម្ងាត់ ជាជំហានដ៏សំខាន់ក្នុងការនាំយករតនសម្បត្តិទាំងនោះវិលត្រឡប់មកប្រទេសកម្ពុជាវិញ មុនពេលដែលរូបលោកទទួលមរណភាពដោយសារជំងឺមហារីក។

ក្នុងចំណោមប្រជាជនកម្ពុជាមួយចំនួន ដែលបានឆ្លៀតទាញយកប្រយោជន៍ពីវត្ថុបុរាណរបស់ដូនតា ក្នុងគ្រាដែលប្រទេសអស្ថិរភាព លោក Lion បានចំណាយពេលជាច្រើនទសវត្សរ៍ក្នុងការលួចយកបដិមាបុរាណខ្មែរជាច្រើន ដើម្បីផ្គត់ផ្គង់ដល់អ្នកជំនួញវត្ថុបុរាណជនជាតិអង់គ្លេស លោក Douglas Latchford។

ប៉ុន្តែនៅចុងជីវិតរបស់លោក បុរសដែលមានរហស្សនាមប្រែជាខេមរភាសាថា “តោ” បានសម្រេចចិត្តត្រឡប់ក្រោយ ដោយបានសហការជាមួយក្រុមអ្នកស៊ើបអង្កេតកម្ពុជា ដឹកនាំដោយមេធាវីអាមេរិក Brad Gordon ក្នុងការតាមដានស្វែងរករតនសម្បត្តិទាំងនោះត្រឡប់មកទឹកដីកំណើតវិញ។

តាមរយៈលោក Brad Gordon លោក Lion បានបង្ហាញអារម្មណ៍ស្ដាយក្រោយចំពោះកំហុសក្នុងគ្រាកន្លងមកថា៖ “លោកមានអារម្មណ៍ខុសយ៉ាងខ្លាំងចំពោះអំពើជាច្រើនដែលលោកធ្លាប់បានធ្វើក្នុងជីវិតនេះ មិនថាការសម្លាប់មនុស្ស និងការលួចប្លន់នោះឡើយ”។

យ៉ាងណាមិញ ពាក្យសារភាពរបស់អតីតទាហានកុមារខ្មែរក្រហមរូបនេះ បានជួយអ្នកស៊ើបអង្កេតយកទៅប្រើប្រាស់ដើម្បីប្រឆាំងនឹង Douglas Latchford។ នេះបើផ្អែកតាមការចុះផ្សាយរបស់ CNN។

លោក Matthew Campbell បានសរសេរនៅក្នុងសៀវភៅ The Man Who Stole the Gods ថា ក្រោយការរំដោះប្រទេសកម្ពុជា លោក Lion បានធ្វើការងារផ្សេងៗ មុននឹងលោកដឹងថា ការលក់ចម្លាក់បុរាណអាចជួយឱ្យលោករកចំណូលបានច្រើនជាងការដោះដូរគោក្របីដែលលោកធ្លាប់បានធ្វើពីមុនមក។

ដោយលាក់ខ្លួននៅលើភ្នំក្នុងតំបន់ប្រាសាទកោះកេរ អតីតទាហានកុមារខ្មែរក្រហមរូបនេះបានស្គាល់ពីប្រាសាទច្បាស់។ ដំបូងឡើយ លោកចាប់ផ្ដើមការលួចវត្ថុបុរាណនេះតែម្នាក់ឯងប៉ុណ្ណោះ មុននឹងចាប់ផ្ដើមប្រមែប្រមូលគ្នីគ្នាបន្ថែមនៅអំឡុងទសវត្សរ៍ឆ្នាំ ១៩៩០ ដើម្បីរត់ពន្ធវត្ថុបុរាណទៅឱ្យភ្នាក់ងារនៅឯព្រំដែនប្រទេសថៃ។

ដ្បិតការងារនេះលំបាក និងមានគ្រោះថ្នាក់ រួមមានហានិភ័យពីគ្រាប់មីនផង តែការងារនេះបានក្លាយជាប្រភពចំណូលមួយដែលអាចឱ្យលោកចិញ្ចឹមជីវិតបាន។ លោកបានប្រាប់កាសែត New York Times កាលពីឆ្នាំ ២០២១ ថា លោកមិនដែលរកបានប្រាក់លើសពី ២ ទៅ ៣០០ ដុល្លារទេ សម្រាប់វត្ថុបុរាណនីមួយៗ។ ប៉ុន្តែប្រាក់ប៉ុណ្ណោះ គឺជាប្រាក់យ៉ាងច្រើនសម្រាប់ប្រជាជនកម្ពុជានៅពេលនោះ។

លោក Lion ប្រាប់ថា លោកមិនដឹងច្បាស់ទេថាវត្ថុបុរាណដែលពួកគាត់លួចចេញពីប្រាសាទបុរាណខ្មែរនោះ នឹងទៅដល់ណាបន្ទាប់ពីចាកចេញពីប្រទេសកម្ពុជា។ ប៉ុន្តែលោកដឹងត្រឹមថា តម្រូវការនេះគឺបានមកពីអ្នកទិញនៅទីក្រុងបាងកក ដែលគេស្គាល់ក្នុងឈ្មោះថា Sia Ford ឬ Douglas Latchford នេះឯង។

តាមរយៈការសម្ភាសន៍ និងដើរទស្សនាប្រាសាទជាច្រើនម៉ោង អតីតចោរលួចវត្ថុបុរាណរូបនេះបានរៀបរាប់សកម្មភាពរបស់ខ្លួនយ៉ាងលម្អិតប្រាប់លោក Bradley Gordon។ ខណៈនៅពេលដែលលោក Bradley Gordon បានឱ្យលោក Lion មើលកាតាឡុកវត្ថុបុរាណរបស់ Douglas Latchford ជនដៃដល់រូបនេះចំណាំវត្ថុបុរាណជាច្រើន ដែលលោកបានលួចចេញពីជញ្ជាំងប្រាសាទ ឬពីជើងទម្រដោយផ្ទាល់ដៃ។

ដោយយល់ពីកំហុសដែលខ្លួនធ្លាប់ប្រព្រឹត្តក្នុងគ្រាអតីតកាល លោក Lion ជឿថា “ខ្លួនមានកម្មពៀរច្រើនណាស់” ហើយគួរតែបង្ហាញការពិតដែលខ្លួនបានដឹង ដើម្បីកែប្រែស្ថានភាពឱ្យប្រសើរឡើង។ លោក Bradley Gordon បាននិយាយថា៖ “គាត់បានធ្វើរឿងដ៏អស្ចារ្យនៅចុងបញ្ចប់នៃជីវិតរបស់គាត់។ តែបើសួរថា តើយើងអាចអភ័យទោសឱ្យគាត់ចំពោះបទឧក្រិដ្ឋនេះបានទេ? ចម្លើយគឺ ទេ! ប៉ុន្តែយើងអាចព្យាយាមយល់ពីមូលហេតុដែលរឿងខ្លះបានកើតឡើង”។

ទន្ទឹមគ្នានេះដែរ លោក Matthew Campbell បានចែករំលែកមតិជុំវិញរឿងរបស់លោក Lion ដោយព្យាយាមស្វែងយល់ពីស្ថានភាពរបស់ប្រទេសកម្ពុជាក្នុងគ្រាលំបាកថា៖ “បើសិនគាត់មិនធ្វើ ក៏គង់តែមានអ្នកផ្សេងទៀតធ្វើដែរ។ ខ្ញុំមិនគិតថា មាននរណាម្នាក់អាចនិយាយដោយជឿជាក់ទេថា គួរធ្វើ ឬមិនគួរធ្វើអ្វីក្នុងកាលៈទេសៈបែបនោះ”។

លោក Lion បានបង្ហាញការស្ដាយក្រោយប្រាប់កាសែត New York Times និងប្រាប់ពីគោលបំណងរបស់ខ្លួនថា៖ “ខ្ញុំចង់ឱ្យរូបសំណាក់ទាំងនោះត្រឡប់មកមាតុភូមិវិញ”។

តាមរយៈការផ្ដល់ចម្លើយរបស់បុរសដែលមានរហស្សនាមថា Lion លោក Bradley Gordon បានធ្វើការជាមួយនឹងបុរាណវិទូដើម្បីផ្គូផ្គងរូបចម្លាក់បុរាណទៅនឹងទីតាំងជាក់លាក់ និងធ្វើផែនទីបណ្ដាញដែលអតីតចោររូបនេះធ្លាប់ធ្វើសកម្មភាព។ ការស្រាវជ្រាវនេះបានជួយអ្នកស៊ើបអង្កេតអាមេរិកកសាងសំណុំរឿងប្រឆាំងនឹង Douglas Latchford។

ស្វែងយល់បន្ថែមពីការបាត់បង់ និងការជួញដូរវត្ថុបុរាណរបស់ខ្មែរដោយខុសច្បាប់ តាមរយៈខ្សែភាពយន្តឯកសារ “LOOT” ដែលនឹងចាប់ផ្ដើមបញ្ចាំងជាសាធារណៈនៅគ្រប់រោងភាពយន្តក្នុងប្រទេសកម្ពុជាចាប់ពីថ្ងៃទី១៦ ខែតុលា ខាងមុខនេះ។ សូមកុំភ្លេចចូលរួមទស្សនាទាំងអស់គ្នាដើម្បីស្វែងយល់បន្ថែមអំពីប្រវត្តិសាស្ត្រពិត ការតស៊ូផ្លូវច្បាប់ និងកិច្ចខិតខំប្រឹងប្រែងនាំយកសម្បត្តិវប្បធម៌ខ្មែរត្រឡប់មកមាតុភូមិវិញ!



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង