ពិតជានឹកស្មានមិនដល់សោះ បទចម្រៀងដ៏សែន Cute នៅក្នុងរឿង «កុមារី២៥ឆ្នាំ» ដែលជាភាពយន្តភាគដ៏ល្បីល្បាញមូយ កាលពីជាង ១០ឆ្នាំ ម្ចាស់បទ ជាលោក ម៉ុង ម៉ានុត បច្ចុប្បន្នជាតារាចម្រៀងរូបសង្ហាម្នាក់ និងមានប្រជាប្រិយភាពគួរសមក្នុងស្រទាប់យុវវ័យ។


កំលោះសង្ហា ម៉ានុត ទើបដាច់ចិត្ត និងបង្កើតភាពក្លាហានរបស់ខ្លួន ទៅមើលវីដេអូចាស់ឡើងវិញ កាលពីជាង ១០ឆ្នាំមុន ដោយលោកបានតែងខ្លួនជាក្មេងស្រីដ៏គួរឱ្យស្រលាញ់ ស្លៀករ៉ូប និងពាក់សក់សេះ ហើយច្រៀងបទ «លោកពូ» ក្នុងកម្មវិធីប្រគុំតន្ត្រីមួយរបស់ស្ថានីយទូរទស្សន៍ CTN ។ អ្វីដែលធ្វើឱ្យមហាជនភ្ញាក់ផ្អើលនោះ គឺគ្មាននរណាម្នាក់ដឹងទេថា ក្មេងស្រី ម្នាក់នោះ ជាម៉ានុត ព្រោះទាំងសំឡេង និងកាយវិការច្រៀងរាំយ៉ាងខ្ជូត ស្ទើរតែដូចក្មេងស្រីពិតៗ ១០០%។

ម៉ានុត បានយកវីដេអូរបស់ខ្លួនមកមើលឡើងវិញ ហើយបង្ហោះនៅលើបណ្ដាញសង្គម ធ្វើឱ្យមានការភ្ញាក់ផ្អើលជាខ្លាំង ដោយសារគ្រប់គ្នាទើបតែដឹងនៅពេលនេះឯងថា អ្នកច្រៀងបទ «លោកពូ» ក្នុងរឿង កុមារី ២៥ឆ្នាំ ជាម៉ានុត បុរសសង្ហាសម្បូរមន្តស្នេហ៍រូបនេះសោះ។


ភ្ជាប់ជាមួយវីដេអូ Reaction នោះ ម៉ានុត បានសរសេររៀបរាប់ថា៖
“រីករាយគម្រប់ខួប ១០ឆ្នាំនៃបទលោកពូ សម្រាប់រឿងកុមារី២៥ឆ្នាំ”
“ប៉ុន្មានថ្ងៃនេះដែរ វិឌីអូខ្ញុំសម្ដែងកាលពីក្មេងបានបង្ហោះនៅលើ tiktok ហើយបានទទួលការចាប់អារម្មណ៍ច្រើនមែនទែន។ love how I always ល្បីនឹងរឿងអត់ធម្មតារហូត ។ បទមួយនេះសរសេរឡើងដោយបងម៉ានិត។ កាលនោះខ្ញុំទើបតែអាយុ១១ ឬ១២ឆ្នាំប៉ុណ្ណោះនៅពេលថតបទនេះ។ ខ្ញុំមិនធ្លាប់គិតទេថាបទមួយនេះមានប្រជាប្រិយភាពខ្លាំង ទោះបីជា១០ឆ្នាំហើយក៏នៅតែមានអ្នកស្ដាប់នោះទេ។ ខ្ញុំកើតមកក្នុងជីវិតមួយនេះពិជាមានសំណាងណាស់ ដែលមានគ្រួសារគាំទ្រគ្រប់យ៉ាងដែខ្ញុំធ្វើ មានមិត្តភកិ្ដរួមសុខរួមទុក្ខជាមួយ និងមានអ្នកគាំទ្រដែលបើកចិត្តទទួលយកគ្រប់យ៉ាងពីខ្ញុំបែបនេះ។ បើនិយាយត្រង់ ខ្ញុំមិនហ៊ានមើលវីឌីអូនេះទេ តាំងពីខ្ញុំធំមក។ វារំលឹករឿងអាក្រក់ជាច្រើនដែលខ្ញុំបានទទួលរងពីក្មេងៗកាលវ័យកុមារ ហើយខ្ញុំក៏មានការភ័យខ្លាចនៅពេលដែលអ្នកទាំងអស់គ្នារកឃើញវិឌីអូនេះនឹងអាចប៉ះពាល់ដល់ការងារខ្ញុំបច្ចុប្បន្ន តែពេលនេះខ្ញុំដឹងហើយ ថាខ្ញុំគិតច្រើនតែឯង។ ហាហា។ ខ្ញុំគ្មានអ្វីទេក្រៅពីអរគុណមិត្តទាំងអស់នូវក្ដីស្រលាញ់ អរគុណបងនិតដែរសរសេរបទនេះឡើង និងអរគុណលោកយាយដែលបើកឱកាសឲ្យខ្ញុំក្នុងការច្រៀងបទនេះ”៕























Account
Security
Favourite Content