ឱកាសសម្រាប់អ្នកចូលចិត្តការតែងនិពន្ធនិងសរសេររឿងខ្លី អាចចូលរួមដាក់ពាក្យប្រឡងពានរង្វាន់ព្រះនាងឥន្ទ្រទេវី ឆ្នាំ ២០២៦ ដែលរៀបចំឡើងដោយក្រសួងវប្បធម៌ និងវិចិត្រសិល្បៈ បានចាប់ពីថ្ងៃជូនដំណឹងនេះតទៅ។

ក្រសួងវប្បធម៌ និងវិចិត្រសិល្បៈ បានធ្វើការជម្រាបជូនដល់កវីនិពន្ធ អ្នកនិពន្ធ និងសាធារណជនទាំងអស់ឱ្យបានជ្រាបថា ក្រសួងនឹងរៀបចំការប្រឡងស្នាដៃតែងនិពន្ធប្រលោមលោកខ្លី និងកំណាព្យរឿង ពានរង្វាន់ «ព្រះនាងឥន្ទ្រទេវី» ឆ្នាំ ២០២៦។ ការរៀបចំនេះធ្វើឡើងក្នុងគោលបំណងថែរក្សា លើកតម្កើង និងជំរុញវិស័យអក្សរសិល្ប៍ អក្សរសាស្ត្រជាតិឱ្យកាន់តែប្រសើរឡើងថែមទៀត។
ខាងក្រោមនេះជាគោលការណ៍ និងវិធាននៃការប្រកួតប្រជែង៖
១. ប្រធានបទ «សេរី»៖ ផ្ទៃរឿងទាំងមូលត្រូវមានលក្ខណៈសមស្រប ដោយមានរួមបញ្ចូល
(ក) អត្ថន័យ ៣ ចំណុច៖ សច្ចធម៌ សីលធម៌ និងគុណធម៌
(ខ) អត្ថរូប ៣ ចំណុច៖ វិធីតែង រចនាបថ និងសិល្ប៍សោភណ្ឌ
(គ) អត្ថរស ៣ ចំណុច៖ បង្ហាញឱ្យឃើញពីការអប់រំ ការអភិវឌ្ឍ និងការរក្សាតម្លៃអត្តសញ្ញាណជាតិ
២. លក្ខខណ្ឌសំណេរ
- ស្នាដៃថ្មី មិនចម្លងអ្នកដទៃ មិនធ្លាប់ទទួលជយលាភី ឬ មិនធ្លាប់បោះពុម្ពផ្សាយ
- ខ្នាតក្រដាស៖ A4 (ចាប់ពី ១៥ ទៅ ៣០ ទំព័រ)
- អក្សរ៖ កុំព្យូទ័រ (Font យូនីកូត Khmer OD Siemreapç ទំហំ ១២)
- អក្ខរាវិរុទ្ធ ៖ យកតាមវចនានុក្រមខ្មែរ (សម្ដេចព្រះសង្ឃរាជ ជួន ណាត ជោតញ្ញាណោ) និងសេចក្ដីសម្រេចរបស់ក្រុមប្រឹក្សាជាតិភាសាខ្មែរ
ក្រសួងនឹងធ្វើការជ្រើសស្នាដៃនិពន្ធដែលជាប់ជយលាភី និងរង្វាន់កិត្តិយសដូចខាងក្រោម៖
- ជយលាភីលេខ ១-៣៖ ប្រលោមលោកខ្នាតខ្លី ៣ រូប និងកំណាព្យរឿង ៣ រូប ទទួលបានពានម្នាក់ ១ អមដោយទឹកប្រាក់។
- រង្វាន់កិត្តិយសលេខ ៤-៥៖ ប្រលោមលោកខ្នាតខ្លី ២ រូប និងកំណាព្យរឿង ២ រូប ទទួលបានប័ណ្ណកិត្តិយស ១ អមដោយទឹកប្រាក់។
សម្រាប់កវីនិពន្ធ និងសាធារជនដែលមានចំណាប់អារម្មណ៍ក្នុងការតែងនិពន្ធ ហើយមានបំណងចូលរួម អាចធ្វើការបញ្ជូនស្នាដៃចាប់ពីថ្ងៃជូនដំណឹងដល់ថ្ងៃទី ៣០ ខែ មិថុនា ឆ្នាំ ២០២៦ ម៉ោង ៥ ល្ងាច។ ការដាក់ពាក្យអាចធ្វើនៅទីតាំងផ្ទាល់ (រាល់ម៉ោងធ្វការ) ឬផ្ញើតាមតេឡេក្រាម៕


រូបភាព ៖ ក្រសួងវប្បធម៌ និងវិចិត្រសិល្បៈ

























Account
Security
Favourite Content