CL ថាកាលនៅជុំ 2NE1 មិនធ្លាប់យំសោះ តែមកស្រក់ទឹកភ្នែកពេលសម្ដែងនៅ Coachella

ពិត​ណាស់​ការ​បង្ហាញ​ខ្លួន​ជុំ​គ្នា​ជា​ថ្មី​ម្ដង​ទៀត​របស់​សមាជិក​ក្រុម 2NE1 នៅ​ក្នុង​ការ​ប្រគំ​តន្ត្រី​ដ៏​ធំ​ប្រចាំ​ឆ្នាំ Coachella កាល​ពី​ខែ​មេសា កន្លង​ទៅ បាន​ធ្វើ​ឱ្យ​អ្នក​គាំទ្រ​ខេប៉ុប​ស្ទើរ​គ្រប់​ជំនាន់​រំភើប​ខ្លាំង​រក​អ្វី​និយាយ​មិន​ចង់​ចេញ។ អ្នក​គាំទ្រ​ជាច្រើន​បាន​បង្ហោះ​សារ​បញ្ចេញ​មតិ​រៀង​ៗ​ខ្លួន​ពាសពេញ​បណ្ដាញ​សង្គម និយាយ​ទាក់ទង​ក្រុម​នារី​មួយ​នេះ។

មែនទែន​ទៅ កុំ​ថា​ឡើយ​តែ​អ្នក​គាំទ្រ សូម្បី​តែ​សាមី​ខ្លួន​ផ្ទាល់​គឺ 2NE1 ក៏​ហាក់​រំភើប​ចិត្ត​មិន​ធម្មតា ថែម​ទាំង​សម្រក់​ទឹកភ្នែក​ទៀត​ផង។ ជាក់ស្ដែង អ្នក​ដែល​នៅ​ទី​នោះ​បាន​លើក​ឡើង​ថា​តារា​ស្រី CL គឺ​យំ​ខ្លាំង​ជាង​គេ យំ​រហូត​ទាល់​តែ​អ្នក​ក្បែរ​ខ្លួន​ចង់​ភ័យ​តែ​ម្ដង។

កាលពី​ថ្ងៃ​ទី ២៥ ខែ​ឧសភា កន្លង​ទៅ CL បាន​ចូល​រួម​ជា​ភ្ញៀវ​កិត្ដិយស​ក្នុង​កម្មវិធី​របស់​ទូរទស្សន៍ tvN។ ក្នុង​ឱកាស​នោះ​រូប​នាង​ក៏​បាន​រៀបរាប់​ពី​អារម្មណ៍​របស់​ខ្លួន​នា​ថ្ងៃ​ដែល​ឡើង​សម្ដែង​លើ​ឆាក​តន្ត្រី Coachella ដោយ​នាង​និយាយ​ទាំង​អារម្មណ៍​មិន​ទាន់​អស់​អាល័យ​ពី​ពេល​វេលា​ដ៏​អស្ចារ្យ​មួយ​នោះ។

ម្ចាស់​បទ «HELLO BITCHES» បាន​លើក​ឡើង​ថា៖ “វា​ជា​លើក​ដំបូង​ដែល​ពួក​យើង​ទាំង​បួន​បាន​ឡើង​សម្ដែង​រួម​គ្នា​សា​ជា​ថ្មី​ម្ដង​ទៀត​លើ​ឆាក​តន្ត្រី ក្រោយ​ខកខាន​អស់​រយៈ​ប្រាំ ៧ ឆ្នាំ​មក​ហើយ”។ នាង​ពិត​ជា​មាន​អារម្មណ៍​រំភើប​ខ្លាំង​រហូត​ដល់​យំ​មិន​ឈប់​តែម្ដង ដែល​នោះ​វា​ខុស​ប្លែក​ពី​ចរិត​នាង​រាល់​ដង។

នាង​បាន​បន្ត​ថា នេះ​ជា​លើក​ទី​មួយ​ហើយ​ដែល​នាង​សម្រក់​ទឹក​ភ្នែក​នៅ​ចំពោះ​មុខ Sandara Park, Minzy និង Bom។ តាំង​តែ​ពី​ហ្វឹកហាត់​ជាមួយ​គ្នា​ដល់​ចេញ​ច្រៀង និង​រស់នៅ​ជុំ​គ្នា​រយៈពេល​យូរ​ក៏​នាង​មិន​ធ្លាប់​បង្ហាញ​ភាព​ទន់​ខ្សោយ​របស់​ខ្លួន ឬ​យំ​ឱ្យ​សមាជិក​ឃើញ​ឡើយ តែ​នៅ Coachella នាង​ពិត​ជា​ទ្រាំ​មិន​បាន​នោះ​ទេ​ក៏​យំ​យក​តែម្ដង។

CL បន្ថែម​ថា៖ មូលហេតុ​ដែល​នាង​យំ​គឺ​ដោយសារ​នាង​មាន​អារម្មណ៍​ថា​នឹង​ឯកា​នៅ​ពេល​ដែល​កម្មវិធី​នេះ​ចប់។ សមាជិក​ផ្សេង​នឹង​ត្រលប់​ទៅ​វិញ ហើយ​ឱកាស​​ដែល​មក​ជួបជុំ​គ្នា​បែប​នេះ អាច​មាន​ទៀត​ទេ​នៅ​ថ្ងៃ​ខាង​មុខ​នោះ គិត​ទៅ​ពិត​ជា​ពិបាក​ចិត្ត​ណាស់។

Sandara Park ដែល​ត្រូវ​ជា​ភ្ញៀវ​កិត្តិយស​ម្នាក់​ទៀត​ក្នុង​កម្មវិធី​​ដដែល​នេះ​ក៏​បាន​លើកឡើង​ដូចគ្នា​ថា​នាង​មិន​នឹក​ស្មាន​ថា​បាន​ឃើញ CL យំ​នោះ​ទេ។ នៅ​ថ្ងៃ​នោះ នាង​យំ​ខ្លាំង​មែនទែន ហើយ​នាង​កាន់ដៃ​របស់​ពួក​យើង​យ៉ាង​ជាប់ ជា​ធម្មតា CL ជា​មនុស្ស​រឹងមាំ​ខ្លាំង​គ្មាន​អ្វី​ធ្វើ​ឱ្យ​នាង​ស្រក់​ទឹកភ្នែក​ដោយ​ងាយ​ៗ​បាន​ឡើយ។

រំលឹក​ដែរ​ថា ក្រុម​ចម្រៀង 2NE1 មាន​ភាព​ល្បីល្បាញ​ខ្លាំង​កាល​ពី​ជំនាន់​ចេញ Debut ឆ្នាំ ២០០៩ តែ​ដោយសារ​មាន​បញ្ហា​ជាច្រើន ក៏​លែង​សូវ​មាន​សកម្មភាព។ ខណៈ​ក្នុង​ឆ្នាំ ២០១៦ ក៏​ប្រកាស​រំសាយ​ក្រុម​ចោល។ ប៉ុន្តែ​សមាជិក​ម្នាក់​ៗ នៅ​តែ​បន្ត​រាប់អាន​គ្នា ខណៈ​ភាព​ល្បីល្បាញ​ក៏​មិន​សាបសូន្យ​នៅ​តែ​មាន​អ្នក​គាំទ្រ​យ៉ាង​ច្រើន គ្រាន់​តែ 2NE1 លែង​បន្ត​សកម្មភាព​ជា​ក្រុម ហើយ​សមាជិក​ម្នាក់​ៗ ចេញ​ច្រៀង និង​មាន​ការងារ​ធ្វើ​រៀង​ៗ​ខ្លួន៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង