ក្រុមចម្រៀងនារីថ្មីរបស់ផលិតកម្ម YG គឺ BABYMONSTER កំពុងទទួលបានការចាប់អារម្មណ៍ខ្លាំងពីមហាជនជាច្រើន។ សមាជិកដែលមានទេពកោសល្យ និងសម្រស់ស្រស់ស្អាត បានធ្វើឲ្យមហាជនជឿជាក់ថាក្រុមចម្រៀងមួយនេះនឹងវាយឡុកទីផ្សារចម្រៀងខេប៉ុបនាពេលអនាគត។

BABYMONSTER បានបញ្ចេញវីដេអូចម្រៀងដំបូងរបស់ខ្លួន Batter Up កាលពីខែ វិច្ឆិកា ឆ្នាំ ២០២៣ កន្លងទៅ និងទទួលបានការគាំទ្រយ៉ាងខ្លាំងពីសំណាក់អ្នកគាំទ្រជុំវិញពិភពលោក។ តែយ៉ាងណាក្ដីអវត្ដមានរបស់សមាជិកម្នាក់របស់ BABYMONSTER នៅតែជាប្រធានបទត្រូវបានគេលើកយកមកពិភាក្សាក្នុងបណ្ដាញសង្គម។
BABYMONSTER ដើមឡើយគឺមានសមាជិកចំនួន ៧ នាក់រួមមាន Ruka, ASA. Ahyeon, Pharita, Rora, Rami និង Chiquita។ ប៉ុន្ដែដោយសារបញ្ហាមួយចំនួនធ្វើឲ្យក្រុមចម្រៀងមួយនេះត្រូវបញ្ចេញជាផ្លូវការជាមួយសមាជិកតែ ៦ នាក់ ខណៈ Ahyeon ត្រូវបានរាយការណ៍ថា មានបញ្ហាសុខភាពទើបមិនអាចចេញច្រៀងជាមួយសមាជិកដទៃ។

ថ្មីៗ នេះ លោក Yang HyunSuk ស្ថាបនិក YG បានទម្លាយពីស្ថានភាពរបស់ Ahyeon ឲ្យមហាជនបានដឹង និងនិយាយពីគម្រោងអនាគតរបស់ក្រុមចម្រៀង BABYMONSTER ផងដែរ ដោយលោកបានឲ្យដឹងថា៖ Ahyeon បានបញ្ឈប់ការហ្វឹកហាត់អស់រយៈពេលប៉ុន្មានខែ ដោយសារបញ្ហាសុខភាព។ ការបញ្ចេញក្រុមចម្រៀង BABYMONSTER ត្រូវពន្យារ។ មែនទែនទៅ មិនទាន់មានពេលវេលាជាក់លាក់ណាមួយដែល Ahyeon អាចចូលរួមជាមួយក្រុមបានឡើយ។ លោកនឹងប្រកាសប្រាប់ជាសាធារណៈនៅពេលដែលរូបនាងអាចចូលរួមបាន។

Yang HyunSuk ក៏បានបញ្ជាក់ប្រាប់ពីដំណឹងល្អថា BABYMONSTER នឹងបញ្ចេញចម្រៀងថ្មីមួយក្នុងខែ កុម្ភៈ ឆ្នាំ ២០២៤។ បទចម្រៀងនោះមានចំណងជើងថា “Stuck In The Middle”។ នៅខែ មេសា ឆ្នាំ ២០២៤ នឹងបញ្ចេញចម្រៀងម្ដងទៀត។
បន្ថែមពីនេះ Yang HyunSuk ក៏បានបង្ហាញពីបំណងចង់គាំទ្រ និងក្ដីរបស់ខ្លួនចំពោះ BABYMONSTER គឺដូចជាកូនស្រីរបស់លោក។ BABYMONSTER មិនត្រឹមតែជាតារាចម្រៀងក្នុងផលិតកម្មទេ ប៉ុន្ដែពួកគេប្រៀបដូចជាកូនស្រីរបស់លោកអ៊ីចឹង ៕
























Account
Security
Favourite Content