BABYMONSTER ជាក្រុមចម្រៀងនារីស្ថិតក្រោមផលិតកម្មយក្ស YG បើទោះជាមិនទាន់បញ្ចេញមុខជាផ្លូវការ ប៉ុន្ដែក្រុមចម្រៀងនារីមួយនេះបានទាក់ទាញយកចំណាប់អារម្មណ៍ពីបណ្ដាអ្នកគាំទ្រ និងមហាជនជាច្រើន។ ក្រុមចម្រៀងនារីមួយនេះមានសមាជិកចំនួន ៧ រូបរួមមាន Ahyeon, ASA, Haram, RORA, Ruka, Chiquita, និង Pharita។


ដើមឡើយក្រុមចម្រៀងនារីមួយនេះត្រូវបានរំពឹងទុកថានឹងបង្ហាញមុខជាផ្លូវការនៅខែ កញ្ញា ឆ្នាំ ២០២៣ ប៉ុន្ដែដោយសារបញ្ហាផ្ទៃក្នុង និងការលើកឡើងរបស់ YG ថា ចង់ចំណាយពេលបន្ថែមហ្វឹកហាត់ និងត្រៀមខ្លួនឲ្យបានល្អជាងនេះទើបត្រូវពន្យារពេល។
នៅថ្ងៃទី ១០ ខែ ១០ ឆ្នាំ ២០២៣ ផលិតកម្ម YG បានប្រកាសថា BABYMONSTER នឹងត្រៀមបញ្ចេញមុខជាផ្លូវការនៅខែ វិច្ឆិកា ឆ្នាំ ២០២៣ ខាងមុខនេះ។ សម្រាប់ការថតវីដេអូបទចម្រៀងនឹងចាប់ផ្ដើមនៅចុងខែ តុលា នេះតែម្ដង។


YG បានលើកឡើងថា៖ ពួកគេកំពុងខិតខំប្រឹងប្រែងធ្វើឲ្យល្អបំផុត និងជ្រើសរើសយកបទចម្រៀងដែលសមជាមួយក្រុមចម្រៀង BABYMONSTER។ ជាមួយគ្នា ក៏សុំឲ្យអ្នកគាំទ្រ និងមហាជន យល់ពីស្ថានភាពរបស់ក្រុមការងារដូចគ្នាចំពោះការពន្យារពេលដែលដើមឡើយ BABYMONSTER ត្រូវចេញនៅខែ កញ្ញា ឆ្នាំ ២០២៣។ ដូច្នេះកុំភ្លេចរង់ចាំទាំងអស់គ្នា ៕
























Account
Security
Favourite Content