ការពិតពិសេសៗ ៥យ៉ាងពី Yang Yang ពីក្មេងប្រុសធម្មតាក្លាយជា Superstar ជួរមុខក្នុងប្រទេសចិន

បើនិយាយពីតួឯកប្រុសក្នុងរឿងចិនដែលល្បីបំផុតនៅជំនាន់នេះគឺប្រាកជា​មិន​អាចរំលងកំលោះសង្ហាពោរពេញដោយសមត្ថភាព Yang Yang នោះឡើយ ដោយមិនថាចាប់ដៃគូជាមួយតារាស្រីរូបណាក៏ទទួលបានការពេញនិយម Rating ខ្ពស់ៗកប់ពពក។ ជាពិសេសថ្មីៗនេះភាពយន្តភាគ “Fireworks of My Heart” ដែលរូបគេបានសម្ដែងជាមួយតារាស្រី Wang Churan ក៏បានទទួលការពេញនិយមរហូតជាប់ចំណាត់ថ្នាក់លេខ១លើ IQIYI តាំងពីភាគដំបូងតែម្ដង។ ដូច្នេះហើយថ្ងៃនេះ AMS នឹងនាំប្រិយមិត្តមកស្គាល់ពី Yang Yang ឱ្យបានកាន់តែច្បាស់ ថារូបគេមិនមែនមានតែរូបរាងសង្ហានិងពូកែសម្ដែងរឿងប៉ុណ្ណោះទេ ប៉ុន្តែក៏មានលក្ខណៈពិសេសផ្សេងៗជាច្រើនទៀត ដែលអាចឱ្យអ្នកគាំទ្រដឹងហើយកាន់តែលង់ស្នេហ៍ទ្វេដង។

១. ចំណុចចាប់ផ្ដើមនៃអាជីពសិល្បៈ

និយាយពីការចាប់ផ្តើមអាជីពសិល្បៈ តាំង​ពី​ក្មេង​មក Yang Yang មិន​ដែល​មាន​គំនិត​ចង់​ក្លាយ​ជា​តារា​សម្ដែង​ឡើយ ប៉ុន្តែរូបគេ​មាន​សុបិន​ចង់​ក្លាយ​ជា​ទាហាន ដូច្នេះហើយក៏បាន​ចូល​រៀន​នៅមហាវិទ្យាល័យ​សិល្បៈ​របស់កងទ័ព​ចិន ហើយមានឱកាសបានរៀនទាំងផ្នែកសិល្បៈ រៀនច្រៀង ជាពិសេសផ្នែករបាំបាឡេ ដែលរូបគេបានលះបង់យ៉ាងខ្លាំងក្នុងការហាត់សមរហូតក្លាយជាតំណាងចេញប្រកួត ហើយក៏ត្រូវបានអ្នកដឹកនាំរឿង “The Dream of Red Mansions” ប្រទះឃើញ​ និងបាន​អញ្ជើញ​គេ​ឲ្យចូល​សម្ដែង​ជា​តួឯក​ក្នុង​រឿង​នេះតែម្ដង។ ស្នាដៃដំបូងនេះ​បានទទួលការគាំទ្រយ៉ាងខ្លាំងនិងធ្វើឱ្យគេទទួលបានពានរង្វាន់តារាសម្ដែងថ្មីឆ្នើមថែមទៀត។

យ៉ាងណាក្ដី វិថីនៃអាជីពសម្ដែងរបស់ Yang Yang មិនរលើបរលូនរហូតនោះឡើយ ដោយសារតែដំបូងឡើយៗ រូបគេតែងតែត្រូវបានវាយប្រហារចំពោះសមត្ថភាពសម្ដែង ប៉ុន្តែតារាវ័យ ៣១ឆ្នាំរូបនេះក៏មិនដែលបាក់ទឹកចិត្តឡើយ ហើយតែងតែអភិវឌ្ឍខ្លួនឯងជានិច្ចរហូតបានក្លាយជាតួឯកប្រុសលំដាប់ជួរមុខក្នុងឧស្សាហកម្មភាពយន្តចិន ជាមួយនឹងរឿងភាគជោគជ័យជាច្រើនដូចជា “The King’s Avatar”, “You Are My Glory” ដែលចាប់ដៃគូជាមួយតួឯកស្រីល្បី Dilraba, “Who Rules The World” ជាមួយ Zhao Lusi និងរឿងចុងក្រោយគឺ “Firework of My Heart”។

ភាពជោគជ័យក្នុងឋានៈ​ជា Superstar ជួរមុខ​របស់ Yang Yang មិន​ឈប់​ត្រឹមប៉ុណ្ណឹង​នោះ​ទេ ដោយរូបគេត្រូវបានជ្រើសរើសជា Brand Ambassador របស់ក្រុមហ៊ុនល្បីៗដូចជា Bulgari និង Valentino ផងដែរ។

២. អត្តចរិត

ទស្សនិកជន​ជា​ច្រើន​អាចនឹងស្គាល់ Yang Yang ថា​ជា​សុភាពបុរស តាមរយៈអត្តចរិតតួអង្គក្នុងរឿងភាគដែលគេសម្ដែង និងស្ទីលស្លៀកពាក់ពេលចូលរួមកម្មវិធី ប៉ុន្តែ​តាម​ពិត​ទៅ Yang Yang ​គឺជាមនុស្សចូលចិត្តលេងសើច តែក៏ពូកែ​អៀនដែរ និងមិន​ដែល​ប្រកាន់ខ្លួនឡើយ ហើយតែងតែស្តាប់យោបល់អ្នកដទៃ ដែលចំណុចនេះហើយធ្វើឱ្យអ្នកដែលបានធ្វើការជាមួយគេគ្រប់គ្នាចង់ត្រលប់មកធ្វើការជាមួយគេម្តងទៀត។

៣. ចំណង់ចំណូលចិត្ត

ក្រៅពីការងារ អ្វីដែល Yang Yang ចូលចិត្តធ្វើនៅពេលទំនេរគឺការដើរកម្សាន្តទៅទីកន្លែងផ្សេងៗជាមួយគ្រួសារ និងមិត្តភ័ក្ដិ ទាំងក្នុងនិងក្រៅប្រទេស ដូចជាទៅហុងកុង អ៊ីតាលី តួកគី និង ប្រទេសថៃជាដើម។ លោកចូលចិត្ត​ចេញក្រៅផ្ទះ ​​ដោយសារតែ​វា​ធ្វើឱ្យលោកមាន​អារម្មណ៍​ស្រស់ស្រាយនិងដូចជាការសាកថ្មជីវិតដែរ​។

៤. ការងារសប្បុរសធម៌

បន្ថែមពីលើបុគ្គលិកលក្ខណៈដ៏កក់ក្តៅ Yang Yang ក៏បានដំណើរការមូលនិធិមួយឈ្មោះថា Sunshine Special Fund ដែលផ្តោតលើការជួយកុមារកំព្រា និងកុមារនៅតាមជនបទឱ្យទទួលបានការអប់រំថ្នាក់មូលដ្ឋាន និងជួយគាំទ្រដល់សុខុមាលភាពពួកគេផងដែរ ដោយលោកសង្ឃឹមថាការបង្កើតមូលនិធិនេះអាចជួយឱ្យក្មេងៗធំឡើងដោយមានក្ដីសុខបាន។ ឃើញ​បែប​នេះហើយ​មិនបាច់​ឆ្ងល់​ទេ​ថា​ហេតុអ្វី​បាន​ជា Yang Yang តែង​តែ​ទទួល​បាន​ការ​ស្រលាញ់​ពី​សំណាក់​អ្នក​គាំទ្រ។

៥.​ បណ្ដាញសង្គម

សម្រាប់អ្នក​ដែល​ចាប់​អារម្មណ៍​ចង់​តាម​ដានសកម្មភាព​របស់កំលោះសង្ហាម្នាក់​នេះ អាច​តាមដាន​លើ Instagram ឈ្មោះ yang_0099 ដែលមានអ្នកតាមដានបច្ចុប្បន្ន ២លាននាក់ ឬតាមគណនី Weibo ​ឈ្មោះ 杨洋 (Yang Yang) ដែលមានអ្នកតាមដាន ៥៧លាននាក់ ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង