ថ្មីៗនេះតារាចម្រៀងស្រីពន្លកថ្មីរបស់ផលិតកម្ម ថោន យ៉ាន់ សុជាតា បានចេញបទចម្រៀងថ្មីមួយបទដែលមានចំណងជើងថា «ម្នាក់ឯងអត់អីទេ» ដោយទទួលបានសន្ទុះនៃការគាំទ្រយ៉ាងពេញទំហឹងពីសំណាក់អ្នកស្ដាប់ដែលភាគច្រើនជាយុវវ័យ។


«ម្នាក់ឯងអត់អីទេ» គឺជាបទចម្រៀងបែបមនោសញ្ចេតនាលួងលោមអារម្មណ៍អ្នកស្ដាប់ ជាពិសេសអ្នក Single និងអ្នកបែកបាក់ស្នេហាឱ្យរឹងមាំ ហើយមិនងាយចុះចាញ់នឹងភាពឯកា។ មិនត្រឹមប៉ុណ្ណេះ បទ «ម្នាក់ឯងអត់អីទេ» ក៏មាន version ជាតារាប្រុសដែលច្រៀងដោយលោក សុគន្ធ ថេរ៉ាយុ ថែមទៀតផង ហើយបទចម្រៀងទាំងពីរនេះសុទ្ធតែមានអត្ថន័យលួងលោកអារម្មណ៍អ្នកគាំទ្រដូចគ្នា។


ក្រោយចេញមិនបានប៉ុន្មានថ្ងៃ បទចម្រៀងមួយបទនេះបានឡើង trend យ៉ាងខ្លាំងនៅលើយូធូបដោយបទរបស់ សុជាតា បានហក់ដល់ចំណាត់ថ្នាក់បទចម្រៀងលេខ ១០ នៅលើយូធូប ខណៈបទរបស់ ថេរ៉ាយុ បានឈានដល់ចំណាត់ថ្នាក់បទចម្រៀងលេខ ២៥ ។ ដោយសារអត្ថន័យនៃបទចម្រៀងបួករួមជាមួយចង្វាក់ភ្លេងដ៏ពីរោះរណ្ដំបានធ្វើឱ្យបទ «ម្នាក់ឯងអត់អីទេ» ផ្ទុះការគាំទ្រយ៉ាងសន្ធឹកសន្ធាប់ពីសំណាក់អ្នកលេងបណ្ដាញសង្គម Tiktok ផងដែរ។
លើសពីនេះ សូម្បីតែកំពូលតារាចម្រៀងស្រីប្រចាំប្រទេសគឺអ្នកនាង មាស សុខសោភា ក៏បានចាប់អារម្មណ៍លើបទចម្រៀងមួយបទនេះ ព្រមទាំងចុច follow គណនី Tiktok របស់ សុជាតា ថែមទៀតផង។

គួរបញ្ជាក់ផងដែរ បទចម្រៀងមនោសញ្ចេតនាដ៏រណ្ដំនេះត្រូវបាននិពន្ធទំនុកច្រៀង និងមេឡូឌីដោយលោក សៀង ហេង ដែលជាផលិតករវ័យក្មេង និងជាអ្នកគ្រប់គ្រងផ្ទាល់របស់ យ៉ាន់ សុជាតា តែម្ដង។ ទន្ទឹមនឹងនេះ តាមរយៈការសម្ភាសជាមួយ AMS លោកបានឱ្យដឹងថាអ្នកទាំងពីរនឹងចាប់ដៃគ្នាបកស្រាយបទចម្រៀង «ម្នាក់ឯងអត់អីទេ» ដោយធានាថានឹងកាន់តែពិរោះរណ្ដំប្លែកថែមមួយកម្រិតទៀត៕
@town_production ម្នាក់ឯងអត់អីទេ -យ៉ាន់ សុជាតា #townproduction #fyp ♬ original sound – Town Production
@town_production បទ ម្នាក់ឯងអត់អីទេ ច្រៀងដោយ សុគន្ធ ថេរ៉ាយុ Coming Soon #townproduction #typ #viral ♬ original sound – Town Production






















Account
Security
Favourite Content