ដូចប្រិយមិត្តបានជ្រាបហើយថា ប៉ុន្មានថ្ងៃមុននេះ តារារ៉េប វណ្ណដា បាននាំក្រុមគ្រួសារធ្វើដំណើរកម្សាន្តទៅប្រទេសជប៉ុន យ៉ាងសប្បាយរីករាយ ថែមទាំងផ្តាំប្រាប់អ្នកគាំទ្រថា «អត់បានបាត់ទៅណាទេ ទៅដើរលេង»។
ទើបបង្ហោះរូបដំណើរកម្សាន្តនៅជប៉ុន នៅថ្ងៃទី១ ខែមីនា ស្រាប់តែល្ងាចថ្ងៃទី២ ខែមីនា ឆ្នាំ ២០២៣ ម្ចាស់បទ “បូកគីឡូ” ស្រាប់តែបង្ហាញខ្លួនយ៉ាងភ្ញាក់ផ្អើលក្នុងពិធីអបអរសាទរទិវាវប្បធម៌ជាតិ ៣ មីនា លើកទី ២៥ និងពិសាអាហារសាមគ្គីជាមួយសិល្បករសិល្បការិនី នៅមជ្ឈមណ្ឌលកោះពេជ្រ ក្រោមអធិបតីភាពដ៏ខ្ពស់ខ្ពស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសិល្បករ-សិល្បការនីប្រមាណជាង៤០០០ពាន់នាក់។
វត្តមានរបស់តារាចម្រៀងរ៉េបវ័យក្មេងកំពុងល្បីល្បាញក្នុងនិងក្រៅប្រទេសរូបនេះ សបញ្ជាក់ឱ្យឃើញថា ទោះរវល់ប៉ុណ្ណាក៏លោកមិនចោលកម្មវិធីធំៗរបស់ជាតិនោះឡើយ ដូចជា អបអរសាទរទិវាវប្បធម៌ជាតិ ៣មីនា លើកទី២៥ និងពិសាអាហារសាមគ្គីជាមួយសិល្បករសិល្បការិនី ជាដើម ក៏លោកឆ្លៀតពេលមកឱ្យទាន់ថ្ងៃព្រឹត្តិការណ៍នេះដែរ។ ក្នុងនោះ វណ្ណដា និងក្រុមការងារផលិតកម្ម បារមី តុបតែងខ្លួនយ៉ាងសមសួនចូលរួមអបអរសាទរទិវាវប្បធម៌ជាតិ ៣មីនា លើកទី២៥។

សូមជម្រាបថា ទិវាវប្បធម៌ជាតិ គឺជាទិវាដ៏មានសារៈសំខាន់មួយរបស់់ប្រជាជាតិកម្ពុជា ដើម្បីរំលឹកដល់គុណូបការៈបុព្វបុរសខ្មែរគ្រប់ជំនាន់ ដែលបានពលីទាំងកម្លាំងកាយ កម្លាំងចិត្ត កម្លាំងបញ្ញា និងអាយុជីវិត ក្នុងការបង្កើត ថែរក្សា និងការពារសម្បត្តិវប្បធម៌ដ៏សម្បូរបែប និងមានតម្លៃមិនអាចកាត់ថ្លៃបាន បន្សល់ទុកមកដល់កូនចៅជំនាន់ក្រោយ។ ទន្ទឹមគ្នានេះដែរ ទិវាវប្បធម៌ជាតិក៏ជាឱកាសដ៏មានតម្លៃមួយ ដើម្បីបំផុសនូវស្មារតីស្រលាញ់ជាតិ វប្បធម៌ ទំនៀមទម្លាប់ ប្រពៃណី និងអត្តសញ្ញាណជាតិ ក្នុងចំណោមប្រជាជនខ្មែរគ្រប់រូប ក្នុងគោលបំណងធានាឱ្យបាននូវការអភិវឌ្ឍប្រកបដោយចីរភាពនិងបរិយាប័ន្ន ស្របតាមគោលនយោបាយជាតិស្តីពីវិស័យវប្បធម៌ និងកម្មវីធីនយោបាយរបស់រាជរដ្ឋាភិបាលកម្ពុជា៕
























Account
Security
Favourite Content