ភាពចាស់ជ្រីវជ្រួញភាគច្រើនបណ្ដាលមកពីភាពតានតឹង ស្រ្តេសបូករួមជាមួយរបបអាហារដែលមានបន្លែផ្លែឈើតិច ការផឹកគ្រឿងស្រវឹងជាប្រចាំ និងការចូលគេងយប់ជ្រៅផងដែរ។ លើសពីនេះ ការប៉ះពាល់ជាមួយកាំរស្មីព្រះអាទិត្យ ផ្សែងពុល ធូលីដី និងបរិយាកាសខាងក្រៅផ្សេងទៀតក៏ធ្វើឱ្យស្បែកឆាប់ចាស់ដែរ។ ដូច្នេះថ្ងៃនេះយើងនឹងចែករំលែកនូវម៉ាសធម្មជាតិ ៣ ប្រភេទនេះដែលកាន់តែប្រើ កាន់តែល្អ៖
១. ពងមាន់ និងតាសក់
ការប្រើប្រាស់ផ្លែតាសក់ និងពងមាន់ ស អាចជួយបង្រួមរន្ធញើស និងបន្តឹងស្បែកបានយ៉ាងល្អ។ ផ្លែតាសក់មានផ្ទុកវីតាមីន C និងអាស៊ីកាហ្វេអ៊ីកអាចជួយកាត់បន្ថយការឡើងហើម និងរលាកស្បែក ខណៈពងមាន់ ស មានគុណសម្បត្តិជួយបន្តឹងឱ្យស្បែកតឹងណែន។
សម្រាប់វិធីងាយៗធ្វើម៉ាសមួយប្រភេទនេះដោយគ្រាន់លាយតាសក់មួយផ្លែ និងស៊ុតសមួយស្លាបព្រាបាយ រួចលាបលើមុខទុក ១៥ នាទីហើយលាងជាមួយទឹកក្ដៅឧណ្ហៗជាការស្រេច។ ជំហានបន្ទាប់គឺត្រូវប្រើក្រែមផ្ដល់សំណើមដើម្បីជួយឱ្យស្បែកកាន់តែរឹងមាំ និងភ្លឺថ្លា។
២. កាហ្វេ និងក្រូចឆ្មារ
ការផ្សំកាហ្វេជាមួយទឹកក្រូចឆ្មារអាចជួយកាត់បន្ថយស្នាមជាំ និងអុជខ្មៅនៅលើផ្ទៃមុខបានយ៉ាងមានប្រសិទ្ធភាព។ ដោយសារកាហ្វេមានសារធាតុប្រឆាំងអុកស៊ីតកម្ម ស្របពេលទឹកក្រូចឆ្មាអាចជួយបំបាត់ស្នាមអុជខ្មៅ។
យើងគ្រាន់តែត្រូវការម្សៅកាហ្វេ និងទឹកក្រូចឆ្មារមកលាយក្នុងបរិមាណសមល្មមជាមួយផ្ទៃមុខ បន្ទាប់មកលាបលើមុខហើយប្រហែល ១៥ នាទីរួចលាងសម្អាតចេញ។ ចុងក្រោយត្រូវប្រើផលិតផលផ្ដល់សំណើមដើម្បីកុំឱ្យស្បែកស្ងួតពេក។ យ៉ាងណាវិធីមិនគួរប្រើញឹកញាប់ពេកនោះទេព្រោះក្រូចឆ្មារមានជាតិកាត់។
៣. ផ្លែទទឹម និងទឹកឃ្មុំ
សារធាតុប្រឆាំងអុកស៊ីតដ៏សម្បូរបែបនៅក្នុងផ្លែទទឹមអាចជួយផ្ដល់សំណើមដល់ស្បែកបានយូរ និងធ្វើឱ្យស្បែកមុខភ្លឺថ្លាទៀតផង។ បូករួមជាមួយទឹកឃ្មុំដែលមានលក្ខណៈសម្បត្តិក្នុងផ្ដល់សំណើមបានជ្រៅ ប្រឆាំងភាពចាស់ ជម្រុះកោសិកា កម្ចាត់ស្លាកស្នាម ការពារការរលាកពីកាំរស្មីព្រះអាទិត្យ និងទប់ស្កាត់ការឡើងមុនទៀតផង។
ដំបូងយើងយកផ្លែទទឹម និងទឹកឃ្មុំកិនបញ្វូលគ្នាឱ្យសព្វ បន្ទាប់មកលាបល្បាយនេះលើមុខហើយទុក ១៥ នាទីដើម្បីឱ្យសារធាតុចិញ្ចឹមជ្រាបចូលស្បែកមុខ រួចលាងជាមួយទឹកក្ដៅឧណ្ហៗ។ អនុវត្តបែបនេះ ២ ទៅ ៣ ដងក្នុងមួយសប្ដាហ៍នឹងមានអារម្មណ៍ថាស្បែកមុខចាប់ផ្ដើមខុសប្លែក៕

















































Account
Security
Favourite Content