នាពេលនេះបណ្ដាបវរកញ្ញាមកពីស្ថាប័នផ្សេងគ្នាជាច្រើនរូបព្រមជាមួយអ្នកស្នេហាវិស័យសម្រស់បានខ្នះខ្នែងប្រមែប្រមូលថវិកាបោះឆ្នោតឱ្យកញ្ញាឯក សូរ ពេជ្រវលក្ខណ៍ ក្នុងកម្មវិធីប្រកួត Miss International ក្នុងប្រទេសជប៉ុន ដើម្បីកម្ពុជាបាន Top 20។

ដើម្បីកម្ពុជាបានបើកទំព័រប្រវត្តិសាស្ត្រក្នុងកម្មវិធីលំដាប់ពិភពលោក Miss International បវរកញ្ញាកម្ពុជាប៉ុន្មានរូបនេះបាននាំគ្នាចូលរួម Vote ដោយប្រើប្រាស់ថវិកាផ្ទាល់ខ្លួន ព្រមទាំងខ្នះខ្នែងសុំឱ្យមហាជនក្នុងស្រុកចូលរួមបោះឆ្នោតដើម្បីកម្ពុជាបានចូលទៅក្នុង Top ជ្រៅទៀតផង។
ក្នុងនោះ Miss Universe Cambodia 2020 រ៉េត សារីតា, សំណាង អេលីណា Miss Universe Cambodia 2019 និងជា Miss International Cambodia 2023 និង Miss World Cambodia 2026 ខន សូរិយា បានចេញថវិកាផ្ទាល់ Vote ឱ្យ សូរ ពេជ្រវលក្ខណ៍ រីឯ Miss Global Cambodia 2024 ខុន ស្រីខួច បានខ្នះខ្នែងចេញវីដេអូសុំឱ្យមានការចូលរួមឱ្យបានច្រើនពីមហាជនក្នុងស្រុកនៅក្នុងការ Vote។ ក្រៅអំពីបវរកញ្ញាទាំង ៤ រូបក៏ឃើញមានបណ្ដាអ្នកក្នុងវិស័យសម្រស់ក្នុងស្រុកមួយចំនួនបានចូលរួមផងដែរ។
យ៉ាងណាមិញ នេះជាថ្ងៃចុងក្រោយនៃការ Vote ដើម្បីឱ្យកម្ពុជាមានឱកាសឈរនៅក្នុង Top ជ្រៅនៃកម្មវិធី Miss International ដែលជាវេទិកាអន្តរជាតិ សង្ឃឹមថាមានការចូលរួមបន្ថែមពីសំណាក់មហាជនអ្នកគាំទ្រក្នុងស្រុកបន្ថែមទៀត៕




រូបភាព ៖ FB























Account
Security
Favourite Content