បេក្ខភាពទាំង ២៨ នាក់ ដែលជាប់វគ្គជម្រុះជុំទី១ តាមរយៈជម្រុះការដាក់ពាក្យអនឡាញត្រូវទំព័រហ្វេសប៊ុកផ្លូវការ Miss Grand Cambodia បង្ហោះជាសាធារណៈហើយកាលពីថ្ងៃទី៦ ខែមេសា ឆ្នាំ២០២៣ ត្រៀមវគ្គសម្ភាសន៍ ជាមួយគណៈគ្រប់គ្រងកម្មវិធី ក្នុងថ្ងៃទី៨ ខែ មេសា ឆ្នាំ ២០២៣ ខាងមុខនេះ ដើម្បីជម្រុះយក ២៥ នាក់ តំណាងឱ្យ ២៥ រាជធានី-ខេត្ត/ក្រុង។
គេសង្គេតឃើញថា បេក្ខភាពដាក់ពាក្យប្រកួតឆ្នាំនេះ ពោរពេញដោយថាមពលក្នុងការប្រកួតប្រជែង រហូតអ្នកគាំទ្រវិស័យប្រកួតប្រជែងសម្រស់ពិបាកទស្សន៍ទាយម្ចាស់ជយលាភីឆ្នាំនេះ។

ក្នុងចំណោមបេក្ខភាពជាប់វគ្គជម្រុះជុំទី១ ក៏មានវត្តមាន កញ្ញា កុយ អេនណា ផងដែរ ហើយនាងថែមទាំងជាបេក្ខភាពលេចធ្លោក្នុងការប្រកួតទៀតផង។ តួយ៉ាង ខណៈការប្រកួតកាន់តែខិតជិតមកដល់ អេនណា បានចំណាយពេលហោះទៅរៀនដើររម៉ូតជាមួយគ្រូបង្រៀនដ៏ល្បីនៅឯប្រទេសថៃ ដែលធ្លាប់បង្ហាត់បង្រៀនការដើរម៉ូតឱ្យ កញ្ញា ពេជ្រ វត្តីសារ៉ាវឌ្ឍី 5th Runner up Miss Grand International 2022 កាលពីឆ្នាំមុន។
ការចេញទៅរៀនដើរម៉ូដនៅប្រទេសថៃរបស់ អេនណា ធ្វើឱ្យអ្នកស្នេហាវិស័យ Beauty Pageant និងម្ចាស់ហ្វេនផេកធំៗ ចោលក្រសែភ្នែកទៅនាងគ្រប់ៗគ្នា ថែមទាំងមានក្តីសង្ឃឹមខ្ពស់លើនាងទៀតផង។

យ៉ាងណាមិញ នៅពេលឃើញម្ចាស់ហ្វេនផេកបង្ហោះបែបនេះ បេក្ខភាពត្រៀមប្រកួតកម្មវិធី Miss Grand Cambodia 2023 កុយ អេនណា ស្រាប់តែចេញមកទម្លាយការពិតមួយពីក្រោយការរត់ទៅរៀនដើរម៉ូតនៅប្រទេសថៃ។ អេនណា បង្ហោះលើគណនីហ្វេសប៊ុកផ្លូវការថា «ការពិតទៅខ្ញុំនៅមិនទាន់ត្រៀមរួចរាល់ទេ ដូចច្នេះហើយពេលនេះកំពុងតែខិតខំប្រឹងប្រែង ពង្រឹងសមត្ថភាពខ្លួនឯងបន្ថែម ទោះពេលនេះមិនទាន់ល្អ តែនឹងតស៊ូរព្យាយាមអោយអស់ពីកម្លាំងកាយចិត្ដ …នឹងអរគុណបងៗដែរបានគាំទ្ររូបនាងខ្ញុំ»។

បន្ទាប់ពីឃើញ រូបសម្រស់ កម្ពស់ ចំណេះដឹង និងការខិតខំប្រឹងប្រែងយ៉ាងខ្លាំងក្លារបស់ កុយ អេនណា ហៅ Oun Anna អ្នកគាំទ្រកាន់តែមានជំនឿចិត្តខ្លាំងនាង ថែមទាំងរំពឹងថានាងអាចដណ្តើមបានមកុដថ្មីតម្លៃ ២៧ម៉ឺនដុល្លារ របស់ Miss Grand Cambodia 2023 ទៀតផង៕





























Account
Security
Favourite Content