នាឱកាសចូលឆ្នាំខាងមុខនេះ បើប្រិយមិត្តមិនទាន់មានគម្រោង ឬមិនដឹងថាទៅលេងកន្លែងណា AMS សូមណែនាំ ៤ កន្លែងនៅព្រែកទាល់ដែលកម្មវិធីវនយាត្រាបានទៅដល់ និងកត់សម្គាល់ឃើញថា ទីនោះមានទេសភាពស្រស់ស្អាតប្លែក អាចជួយឲ្យអារម្មណ៍ស្រស់ស្រាយ សប្បាយរីករាយឡើងវិញ ភ្លេចអស់ទុក្ខកង្វល់។
បើបានទៅលេងនៅព្រែកទាល់ កុំភ្លេចចូលទៅកន្លែងសំខាន់ៗដែលអាចឲ្យយើងស្វែងយល់ពីការរស់នៅ ជីវភាពរបស់ប្រជាជននៅលើផ្ទៃទឹកជាពិសេសការទៅរៀនសូត្ររបស់កូនអ្នកស្រុក។ អ្វីដែលសំខាន់មួយទៀតនោះ គឺការប្រើប្រាស់ទឹកស្អាត ដែលជួយដល់បរិស្ថាន។
ក្នុងកម្មវិធីបានបង្ហាញពីតួអង្គទាំង ២ នៃ វនយាត្រា បានបន្សាំខ្លួនជាមួយអ្នកភូមិនៅទីនោះដោយចេញទៅរកត្រី ព្រមទាំងបានណែនាំសិប្បកម្មដែលផលិត ផលិតផលពីកំប្លោក។ មិនតែប៉ុណ្ណោះបើប្រិយមិត្តមានបំណងទៅកម្សាន្តនៅទីនោះនាឱកាសចូលឆ្នាំអាចមានជម្រើសស្ទាក់នៅជាមួយផ្ទះអ្នកស្រុក ឬអាចជួលដាច់តែម្ដងក៏បាន។ មួយវិញទៀតលោកអ្នកនឹងដឹងពីការទុកដាក់សំរាម ដោយយកទៅប្ដូរជាមួយទឹកស្អាត៕