Tao និង Luhan ជាអតីតសមាជិកក្រុមចម្រៀង EXO បន្ទាប់ពីចាកចេញពីក្រុមអ្នកទាំងពីរបន្ដដើរតាមក្ដីស្រមៃរបស់ខ្លួន និងសាងកេរ្ដិ៍ឈ្មោះរីកសុសសាយនៅក្នុងប្រទេសចិន។ បច្ចុប្បន្ន តារាប្រុសទាំងពីរត្រូវបានគេចាត់ទុកថា ជាតារាប្រុសចិនដ៏ជោគជ័យ និងមានទ្រព្យសម្បត្ដិរាប់លានដុល្លារអាមេរិកក្នុងដៃ។ អ្នកទាំងពីរ ក៏ជាសមាជិកជនជាតិចិនដែលមានភាពជិតស្និទ្ធគ្នាខ្លាំង បើទោះជាមិនសូវបង្ហាញមុខរួមគ្នាជាសាធារណៈក៏ដោយបន្ទាប់ពីចេញពីក្រុម។

ថ្មីៗ នេះ Luhan បានប្រគំតន្ដ្រីទេសចរណ៍របស់ខ្លួននៅតាមតំបន់មួយចំនួនក្នុងប្រទេសចិន និងការប្រគំតន្ដ្រីចុងក្រោយគេដែលបានធ្វើគឺនៅទីក្រុងប៉េកាំង ប្រទេសចិន។ អ្វីដែលធ្វើឱ្យអ្នកគាំទ្រតារាប្រុសទាំងពីររូបនេះហាក់មានអារម្មណ៍រីករាយ និងរំភើបចិត្តខ្លាំង Tao បានមកគាំទ្រ Luhan ដល់កន្លែងប្រគំតន្ដ្រី។


កាន់តែពិសេស បើតាមសម្ដីរបស់ Tao ផ្ទាល់ លោកបានរំសាយចោលការងាររបស់ខ្លួន និងហោះមកកន្លែងប្រគំតន្ដ្រីភ្លាមដើម្បីគាំទ្រមិត្ដសម្លាញ់របស់ខ្លួន។ Tao ក៏បានបញ្ជាក់ថែមទៀតថា Luhan ជាមនុស្សមិត្តតែម្នាក់ដែលអាចធ្វើឱ្យលោករំសាយចោលការងារ និងហោះមករកភ្លាមៗ បែបនេះ។




បើតាមដំណឹងផ្ទៃក្នុង អ្នកទាំងពីរបានកំពុងរៀបចំធ្វើការរួមគ្នាលើបទចម្រៀងថ្មីថែមទៀត។ អ្នកគាំទ្រជាច្រើនបានបញ្ចេញអារម្មណ៍សប្បាយរីករាយ ព្រមទាំងរំភើបចិត្តនៅពេលឃើញតារាប្រុសទាំងពីរនៅតែមានភាពជិតស្និទ្ធ និងគាំទ្រគ្នាទៅវិញទៅមកបែបនេះ។ អ្នកគាំទ្រក្រុមចម្រៀង EXO មួយចំនួនក៏បានលើកឡើងថា សង្ឃឹមមានថ្ងៃណាមួយសមាជិកទាំងអស់អាចមកជួបជុំគ្នាម្ដងទៀត និងបញ្ចេញចម្រៀងរួមគ្នា៕





























Account
Security
Favourite Content