មិនត្រឹមតែមានរូបសម្បត្តិស្រស់សង្ហា ពិធីករកម្ពុជាទាំងនេះ សុទ្ធតែមានទេពកោសល្យ ស្ទាត់ជំនាញក្នុងការប្រើប្រាស់វោហារស័ព្ទនៅលើវេទិកា និងកម្មវិធីតូចធំជាច្រើននៅក្នុងស្រុក ថែមទាំងជាពិធីករដែលអាចប្រើប្រាស់ភាសាបរទេសបានយ៉ាងល្អថែមទៀតផង។ មកស្គាល់ពិធីករផ្នែកបុរសដែលអាចនិយាយភាសាអង់គ្លេសបានយ៉ាងស្ទាត់ជំនាញទាំង ៦ ខាងក្រោម៖
១. ជា វិបុល

ជាពិធីករ Grade A ដែលតែងលេចវត្តមាននៅតាមបណ្ដាកម្មវិធីមង្គលការ ជប់លៀងតាមក្រុមហ៊ុនផ្សេងៗ និងកម្មវិធីថ្នាក់ជាតិមួយចំនួនទៀតផង។ ពិធីករសម្បូរវោហាររូបនេះមិនត្រឹមតែរៀបចំពាក្យពេចន៍បានយ៉ាងល្អ ថែមទាំងអាចនិយាយភាសាអង់គ្លេសបានល្អនៅលើវេទិកាធំៗទៀតផង។
២. ជា វណ្ណារិទ្ធ

ពិធីករប្រចាំស្ថានីយទូរទស្សន៍បាយ័នរូបនេះ ត្រូវបានមហាជនអ្នកគាំទ្រស្គាល់ថាជាពិធីករដែលពូកែកំប្លុកកំប្លែង វោហារចាក់ទឹកមិនលិច។ រូបលោកតែងមានវត្តមានក្នុងកម្មវិធីធំៗ លំដាប់ជាតិជាក់ស្ដែងក្នុងកម្មវិធី ស៊ីហ្កេម ដែលកម្ពុជាជាម្ចាស់ផ្ទះ លោកត្រូវបានអញ្ជើញជាពិធីករសម្របសម្រួលជាភាសាខ្មែរ និងបកប្រែជាភាសាអង់គ្លេសបានយ៉ាងល្អថែមទៀតផង។
៣. តា ប៊ុយ


មិនត្រឹមជាពិធីករល្បីឈ្មោះ តាប៊ុយ ថែមទាំងជាអតីតអ្នកគ្រប់គ្រងកម្មវិធីដ៏លេចធ្លោម្នាក់នៅស្ថានីយទូរទស្សន៍ MYTV។ ពិធីករសង្ហារូបនេះមានទេពកោសល្យ និងនិយាយភាសាអង់គ្លេសបានយ៉ាងល្អ ថែមទាំងមានសមត្ថភាពខ្ពស់ក្នុងការសម្របសម្រួលកម្មវិធីទូរទស្សន៍ផងដែរ។
៤. វី យ៉ារ៉ូ


សិល្បករពេញដោយសមត្ថភាព ហើយ យារ៉ូ ក៏ជាពិធីករពេញដោយវោហារចាក់ទឹកមិនលិចមួយរូបផងដែរ។ អតីតនិស្សិតរបស់សាកលវិទ្យាល័យភូមិន្ទភ្នំពេញរូបនេះ មានសមត្ថភាពគួរឱ្យសរសើរទាំងផ្នែកសិល្បៈ និងការសិក្សា។ ជានិស្សិតផ្នែកអក្សរសាស្ត្រ ថែមទាំងទើបបញ្ចប់ការសិក្សាសញ្ញាបត្រអនុបណ្ឌិតផ្នែក Professional Master in Cooperate Communication Management ទើបធ្វើឱ្យរូបលោកមានសមត្ថភាពពេញលេញក្នុងការប្រើប្រាស់ភាសាអង់គ្លេសបានយ៉ាងល្អនៅក្នុងអាជីពជាអ្នកសម្របសម្រួលកម្មវិធីលោកកាន់។
៥. ទ្រីវ ថនដេវីដ

ពិធីករវ័យក្មេង ដេវីដ ដែលគ្រប់គ្នាតែងឃើញវត្តមានលោកតាមកម្មវិធីកម្សាន្ត សប្បាយៗ តាមរយៈការលេងសើច គួបផ្សំជាមួយទេពកោសល្យផងនោះបានជំរុញឱ្យពិធីករវ័យក្មេងរូបនេះមានភាពល្បីល្បាញឡើងមួយកម្រិតបន្ថែមទៀត។ ដេវីដ មិនត្រឹមតែពូកែសម្ដី ងាកមកការនិយាយ និងប្រើប្រាស់ភាសាអង់គ្លេសវិញក៏មិនចាញ់ពិធីករប៉ុន្មានរូបខាងលើដែរ។
៦. Cham Nou Jimmy


Jimmy ដែលជាគូស្នេហ៍ពិធីការិនីរូបស្រស់ ម៉េង ជីមមី ត្រូវបានមហាជនស្គាល់ និងសរសើរពីសមត្ថភាពនៃការនិយាយភាសាអង់គ្លេសក្នុងអាជីពជាពិធីករមួយរូប។ ធំធាត់ និងរស់នៅអាមេរិក ដូចនេះប្រាកដណាស់ថាលោកនិយាយភាសាអន្តរជាតិមួយនោះយ៉ាងស្ទាត់ជំនាញ បូករួមជានិស្សិតបញ្ចប់ការសិក្សានៅរដ្ឋ Cal ទីក្រុងឡុងប៊ិក។ ដូច្នេះហើយជាមូលហេតុធ្វើឲ្យពិធីកររូបង្ហាម្នាក់នេះ អាចប្រើប្រាស់ និងនិយាយភាសាអង់គ្លេសបានយ៉ាងរលូន៕























Account
Security
Favourite Content