ស៊ីន យូប៊ីន សំខាន់ខ្លាំង ទោះបាក់ជើងសុំផ្អាកមិនចូលរួមសម្ពោធប្រេន CK តែម្ចាស់កម្មវិធីនៅទទូចធ្វើបែបនេះ

តាម​ការ​ពិត​បញ្ហា​ជើង​ចស៊ីន យូប៊ីន ដែល​​ហ្វេន​​ៗ​ឃើញ​ថា​មាន​បញ្ហា ហើយ​ត្រូវ​ដើរ​កាន់​ជើង​ច្រត់​រហូត​នោះ គឺ​ជួប​គ្រោះថ្នាក់​អំឡុង​ពេល​ថត​រឿង​ថ្មី រហូត​បណ្ដាល​ឲ្យ​​បាក់​។ ក្រោយ​ជួប​ហេតុការណ៍​​អាក្រក់​នោះ​ភ្លាម តួឯក​ស្រី​ក្នុង​រឿង “លួច​ស្នេហ៍​គូ​ដណ្ដឹង” ត្រូវ​បញ្ជូន​តាម​យន្តហោះ​ទៅ​​វះកាត់​នៅ​ប្រទេស​ថៃ​​។ នេះ​បើ​តាម​ការ​​ឲ្យ​ដឹង​ពី​អ្នក​នាង ទូច បុប្ផា ប្រធាន​ផ្នែក​គ្រប់គ្រង​ការ​ចាក់​ផ្សាយ​​រឿង​ភាគ​ខ្មែរ​នៅ PNN។ ​​

បញ្ហា​ជើង​របស់​តារា​ស្រី​កំពូល​​របស់​​កម្ពុជា ដែល​ទើប​តែ​បញ្ចប់​ភារកិច្ច​ដើរ​លើ​កម្រាល​ព្រំ​ក្រហម Cannes Film Festival 2023 នៅ​បារាំង​កាលពី​ចុង​ខែ​ឧសភា​កន្លង​ទៅ ត្រូវ​អ្នក​គាំទ្រ​តាម​ជជីក​សួរ​មិន​ឈប់ តាំងពី​នាង​បង្ហាញ​វត្តមាន​ក្នុង​កម្មវិធី​សម្ពោធ​​សម្លៀកបំពាក់ Calvin Klein ដែល​ជា​ collection ថ្មី​របស់ Jennie សហការ​ជាមួយ Calvin Klein។

ក្នុង​នាម​ជា​អ្នក​ដឹក​នាំ​​ម្នាក់​នៅ PNN ថ្មី​ៗ​នេះ​ ទូច បុប្ផា បាន​​​ឆ្លើយ​តប​សំណួរ​ជាច្រើន​ទាក់ទង​បញ្ហា​ជើង​មាន​របួស​របស់ ស៊ីន យូប៊ីន។ ក្នុង​នោះ​អ្នកនាង​បាន​ឲ្យ​ដឹង​ថា កាល​ពី​ខែ​មុន យូប៊ីន ជួប​គ្រោះថ្នាក់​ក្នុង​ពេល​ថត​រឿង​ថ្មី បណ្ដាល​ឲ្យ​បាក់ឆ្អឹង និង​ហូរ​ឈាម​មិន​ឈប់ និង​​ត្រូវ​ដឹក​តាម​យន្តហោះ ទៅ​ព្យាបាល​​នៅ​ប្រទេស​ថៃ ដោយ​ចំណាយ​ពេល​ជាង ៧ ម៉ោង​ក្នុង​ការ​វះកាត់។

ក្រោយ​របួស​ជើង​រួច យូប៊ីន បាន​​ផ្អាក​ការងារ​ទាំងអស់ រួម​ទាំង​សុំ​ផ្អាក​ចូលរួម​កម្មវិធី​ប្រេន CK នៅ​ប្រទេស​កូរ៉េ។ ទោះ​ជា​សុំ​មិន​ចូលរួម​​សម្ពោធ ​collection របស់ Calvin Klein តែ​ម្ចាស់​កម្មវិធី​​ នៅ​ទទូច​ចង់​ឲ្យ​តារា​ស្រី​ខ្មែរ​រូប​នោះ​បង្ហាញ​ខ្លួន ក៏​បាន​សួរ​វិញ​ ដោយ​ឲ្យ​ជម្រើស​​អាច​ជិះ​រទេះ​រុញ​ចូលរួម​បាន ឲ្យតែ​សាមី​ខ្លួន​ព្រម ហើយ​​ខាង CK ស្វាគមន៍ និង​ជួយ support ពេញ​ទំហឹងតែ​​ម្ដង។ ក្រោយ​ទទួល​បាន​ការ​អនុគ្រោះ​បែបនេះ តារា​ស្រី​វ័យ ២៦​ ឆ្នាំ​រូប ​ក៏បាន​ចូលរួម​​​ដូច​ការ​គ្រោង​ទុក។

នៅ​ពី​ក្រោយ​រូបភាព​​ដ៏​ស្រស់​ស្អាត​របស់​​សង្សារ​សំណព្វ​ចិត្ត វ៉ៃហាំង នៅ​ទីក្រុងកាន គឺ​នាង​ទើប​តែ​វះ​កាត់​បាន ២ សប្ដាហ៍​ប៉ុណ្ណោះ។ ចំណែក​ការ​ចូលរួម​ជា​ភ្ញៀវ​កិត្តិយស​ក្នុង​កម្មវិធី​របស់ Jennie ក្រុម BlackPink ជាមួយ CK គឺ​នាង​ទើប​វះកាត់​ថ្មីថ្មោង​អាច​ថា មួយ​សប្ដាហ៍​​ប៉ុណ្ណោះ​ពោល​ចូល​​រួម​​ប្រេន Calvin Klein យប់​ថ្ងៃ ១០ ខែ​ឧសភា ឆ្នាំ ២០២៣ ហើយ​ថ្ងៃ​ ១៧ ខែ​ឧសភា ឆ្នាំ ២០២៣ នាង​ក៏​លេច​មុខ​លើ​កម្រាល​ព្រំ​ក្រហម Cannes Film Festival តែម្ដង។

ក្នុង​សំណេរ​ដែល​អ្នកនាង ទូច បុប្ផា បាន​បង្ហោះ​នោះ​បាន​បន្ថែម​ទៀត​ថា ការ​ដែល​ទទួល​បាន​ការ​ផ្ដល់​ឱកាស ការ​យោគយល់​​នោះ​ហើយ​ជា​កម្លាំង​ចិត្ត​មួយ​សម្រាប់ យូប៊ីន ជម្នះ​​ភាព​ឈឺចាប់​នៅ​លើ​ជើង​ដែល​កំពុង​មាន​របួស រហូត​បាន​បន្ត​ដំណើរ​សម្រេច​ក្ដី​ស្រមៃ​ក្នុង​នាម​ជា​តារា​ខ្មែរ​មួយ​រូប ឈរ​នៅ​លើ​កម្រាល​ព្រំ​មហោស្រព​ភាពយន្ត​លំដាប់​ពិភពលោក ហើយ​ត្រូវ​បាន​សារព័ត៌មាន​អន្តរជាតិ​ល្បី​ៗ​ដូចជា USA TOPNews.MEDIA, JUST JARED, ITALY 24, VNExpress, The Star, Daily Mails, Soho.com, Praew, Tatler Asia,Yahoo,Variety ទី​ភ្នាក់ងារ​ព័ត៌មាន​អន្តរជាតិ AFP និង Weibo ជាដើម បាន​ស្ងើចសរសើរ​ពី​ការ​តាំងចិត្ត និង​តស៊ូ​តារា​ខ្មែរ​ម្នាក់​នោះ។

ចំណែក​ការdesign ឈើច្រត់​អម​ដោយគ្រាប់ពេជ្រ គឺ​សម្រេច​ធ្វើ​ឡើង​នៅ​នាទី​ចុង​ក្រោយ​មែនទែន ដែល​នោះ​ជា​មធ្យោបាយ​មួយ អាច​ជួយ​សម្រួល​ការ​លំបាកខ្លះ​​របស់ យូប៊ីន។

គួរ​បញ្ជាក់​ផង​ដែរ គ្រា​ដែល​តារា​ខ្មែរ​រូប​នោះ​សម្រេច​មិន​ស្លៀក​ឈុត​ដែល​ម្ចាស់​ sponsor រៀបចំ​ឲ្យ​ កាល​នៅ Cannes Film Festival 2023 ហើយ​បែរ​ជា​ស្លៀក​​រ៉ូប​​នាគរាជ​​ពណ៌​​ស​ តំណាង​ឲ្យ​ដើម​កំណើត​ជនជាតិ​ខ្មែរ ត្រូវ​ជួប​បញ្ហា​ជាច្រើន ក្នុង​នោះ​រឿង​ធំ​បំផុត​ ពេល​ដែល​នាង​ស្លៀក​ឈុត​នាគរាជ​មាន​ស្បៃ​រំលេច​​ទង់​ជាតិ​​កម្ពុជា ត្រូវ​​អ្នក​ដែល​ចាំ​ជួយ​សម្រួល​ការ​ដើរ​​លើ carpet សុំ​ដក​ខ្លួន ព្រោះ​​យល់​ថា​ខ្មាស់​គេ ដោយសារ​ឈុត​ យូប៊ីន មើល​ទៅ​​ប្លែក​ខុស​​ពី concept ​កម្មវិធី ហើយ​នាង​ទើប​តែ​វះកាត់ ពេល​ដើរ​ពឹង​លើ​ឈើច្រត់ បើ​គ្មាន​អ្នក​ជួយ​លើក​រ៉ូប និង​យក​​ឈើច្រត់​ចេញ​ ពេល​ឈរ​ថត មិន​អាច​ដំណើរ​ការ​បាន​ទេ។

អំឡុង​ពេល​មាន​បញ្ហា​នៅ Cannes Film Festival យូប៊ីន ធ្លាប់​រៀបរាប់​ថា នាង​មិន​អាច​បន្ត​ការ​ដើរ ២ ថ្ងៃ​ដែល​នៅ​សល់​នៅ​ទី​នោះ​ឡើយ បើ​គ្មាន​អ្នក​ជួយ🥹 ហើយ​ហ៊ាន​តែ​​ប្រថុយ​ដើរ​ខ្លួនឯង ពិតជា​គ្រោះថ្នាក់​ ព្រោះ​គ្រូពេទ្យ​ផ្ដាំ​ថា ​ហាម​ដួល​នៅ​អំឡុង​ពេល​នេះ មិន​អ៊ីចឹង​ទេ លទ្ធផល​ចុង​ក្រោយ​គឺ​ពិបាក​ណាស់៕

​



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង