មានរឿងភ្ញាក់ផ្អើលមួយបានកើតឡើងក្នុងវស័យ Beauty pageant នៅកម្ពុជា បន្ទាប់ពីគ្រប់គ្នាបានឃើញសារដ៏វែងអន្លាយរបស់ កញ្ញា សារី សុវត្តី Miss World Cambodia 2021ដែលនាងបានប្រកាសថា នាងនឹងបញ្ចប់កុងត្រាជាមួយក្រុមហ៊ុន BKA នៅថ្ងៃទី៣០ ខែកញ្ញា ឆ្នាំ២០២៣ នេះហើយ។

មិនត្រឹមតែប្រកាសចប់កុងត្រាជាមួយក្រុមហ៊ុនប៉ុណ្ណោះទេ សារី សុវត្តី ថែមទាំងប្រកាសឱ្យហ្វេនៗអ្នកគាំទ្រវិស័យបវរកញ្ញាបានដឹងថា ពេលនេះនាងបរាជ័យក្នុងការតំណាងកម្ពុជាទៅប្រកួតលើកឆាកអន្តរជាតិ ដែលនេះបានន័យថា នាងគ្មានឱកាសចេញទៅប្រកួតលើវេទិកាអន្តរជាតិ តាមការគ្រោងទុករយៈពេលជាង ២ ឆ្នាំមកនេះ។
ក្នុងសារដ៏វែងអន្លាយនោះ Miss World Cambodia 2021 បានរៀបរាប់ពីដំណើរដើមចមនៃរឿងហេតុដែលបានកើតឡើងចំពោះនាង និងការឆ្លើយតបរបស់ក្រុមហ៊ុន BKA ពេលដែលនាងសួរនាំទាក់ទងពីការប្រកួតអន្តរជាតិនោះផងដែរ។ រឿងរ៉ាវ ចម្រូងចម្រាស់ដែលបានកើតឡើងត្រូវ វត្តី រៀបរាប់ក្នុងសារនេះយ៉ាងលម្អិត ហើយនាងក៏ពោលឡើងយ៉ាងអស់សង្ឃឹមទៅកាន់អ្នកគាំទ្រថា នាងព្យាយាមអស់លទ្ធភាពហើយ ទើបសម្រេចចិត្តប្រកាសចប់កុងត្រា និងបោះបង់ឱកាសតំណាងជាតិកម្ពុជាចេញទៅប្រកួតលើឆាកអន្តរជាតិ ដែលនេះជាក្តីស្រមៃដ៏ធំក្នុងជីវិតរបស់នាង។


ពេលទទួលដំណឹងនេះភ្លាម ហ្វេនៗ និងអ្នកស្នេហាវិស័យ Beauty pageant នៅកម្ពុជា បានចេញមកសម្តែងការសោកស្តាយចំពោះ Miss World Cambodia 2021 គ្រប់ៗគ្នា ព្រោះពួកគេដឹងថា វត្តី បានខិតខំប្រឹងប្រែង និងព្យាយាមពង្រឹងសមត្ថភាពខ្លួនឯងត្រៀមសម្រាប់ការប្រកួតអន្តរជាតិខ្លាំងណាស់។ សូម្បី ពេលផ្តល់កិច្ចសម្ភាសន៍ជាមួយអ្នកសារព័ត៌មានសិល្បៈក្នុងស្រុកក៏នាងតែងតែបង្ហាញពីជំនឿចិត្ត ឆន្ទៈដ៏មុតមាំ និងការប្តេជ្ញាចិត្តក្នុងការប្រកួតប្រជែងនេះ ទោះបីនាងត្រូវរង់ចាំអស់រយៈដ៏យូរ ក៏ចិត្តនាងមិនចុះចាញ់ឡើយ។ ដូច្នេះហើយទើបហ្វេនៗសោកស្តាយជាពន់ពេក ពេលដឹងថា នាងមិនបានចេញទៅប្រកួតលើវេទិកាអន្តរជាតិ។
សូមអានសំណេរដ៏វែងអន្លាយរបស់ កញ្ញា សារី សុវត្តី Miss World Cambodia 2021 ដែលបង្ហោះលើគណនីហ្វេសប៊ុកផ្លូវការ នៅរសៀលថ្ងៃទី២៧ ខែកញ្ញា ឆ្នាំ២០២៣ អំពីការប្រកាសចប់កុងត្រាជាមួយ BKA និងរឿងចម្រូងចម្រាស់ដែលបានកើតឡើង៖

























Account
Security
Favourite Content