ដំណើរថ្មើរជើងទៅកាន់ខេត្តសៀមរាបរបស់ កុយ អេនណា បានធ្វើឱ្យមហាជនទូទាំងប្រទេសរំភើបចិត្ត និងកោតសរសើរជាពន់ពេក។ ជាមួយគ្នានេះដែរ អតីតបវរកញ្ញាចក្កវាឡឆ្នាំ ២០២០ រ៉េត សារីតា បានកោតសរសើរ និងបង្ហាញក្ដីរំភើបរហូតមិនអាចរកពាក្យអ្វីមកបរិយាយឱ្យសក្ដិសមចំពោះការលះបង់មួយនេះ។


ភ្ជាប់ជាមួយក្ដីរំភើបដែលមិនអាចត្រឹមបង្ហាញក្នុងក្រអៅបេះដូង រ៉េត សារីតា ក៏បានសរសេរសំណេរមួយបង្ហោះនៅលើបណ្ដាញសង្គមដោយបានរៀបរាប់យ៉ាងដូច្នេះថា៖ «Status នេះសូមផ្ញើរជូនជាពិសេសដល់អូន Koy Anna ខ្ញុំបានតាមដានដំណើររបស់គាត់តាំងពីថ្ងៃដំបូង ខ្ញុំសូមសរសើរដោយស្មោះអស់ពីចិត្ត។ កុំថាឡើយដើរ ជិះម៉ូតូក៏ខ្ញុំធ្វើមិនរួចដែរ។ ខ្ញុំសូមអបអរនិងជូនពរពីចង្ងាយ។» តាមរយៈសំណេររបស់កញ្ញា រ៉េត សារីតា នេះដែរបានធ្វើឱ្យមហាជនអ្នកលេងនៅក្នុងបណ្ដាញសង្គមចូលខមិនអបអរ និងកោតសរសើរចំពោះការលះបង់របស់ កុយ អេនណា ដែលហ៊ានលះបង់ តស៊ូមិនខ្លាចក្ដៅ ឬមេឃភ្លៀងជម្នះឧបសគ្គ ដើម្បីសម្រេចគោលដៅរបស់ខ្លួន។




គួរឱ្យដឹងដែរថា ពេលនេះបវរកញ្ញាកម្ពុជាដែលមានដើមកំណើតចេញពីភូមិទៀមចាស់ ស្រុកកំពង់ស្វាយ ខេត្តកំពង់ធំរូបនេះ បានដើរដល់ស្រុកជីក្រែងទឹកដីនៃខេត្តសៀមរាបហើយ។ ដោយឡែក សម្រាប់ការ update ទីតាំងបន្តបន្ទាប់ និងសកម្មភាពផ្សេងសូមបន្តតាមដានលើផេកកញ្ញាដោយផ្ទាល់៕
រូបភាព ៖ Sarita Reth & Koy Anna

























Account
Security
Favourite Content