តារាចម្រៀង អ៊ួន បឋម ហៅ សាយ ជាតារាចម្រៀងឯករាជ្យម្នាក់ដែលមានសំឡេងស្រទន់ ថ្នម ចិត្តអ្នកស្ដាប់ ដោយលោកត្រូវបានគេស្គាល់ច្បាស់តាមរយៈបទ «ងប់ងុល» ដែលសំឡេងដ៏ស្រទន់របស់លោកបានបំពេអារម្មណ៍យុវវ័យ។

មិនត្រឹមតែយុវវ័យប៉ុណ្ណោះទេ ប្រជាជនកម្ពុជាទូទាំងប្រទេសបានស្គាល់ សាយ តាមកម្មវិធីសប្បុរសធម៌ និងការរត់ជុំវិញប្រទេសកម្ពុជា ដើម្បីរៃអង្គាសថវិកាជួយមន្ទីរពេទ្យគន្ធបុប្ផាអង្គរសៀមរាប។ ក្រោយចប់បេសកម្មនេះ សាយ នៅតែបន្តលេចមុខធ្វើកម្មវិធីសប្បុរសធម៌ផ្សេងៗគ្រប់ទម្រង់ដែលអាចធ្វើបាន តែដោយសារកត្តាសុខភាពលោក មិនអាចរត់រយៈចម្ងាយឆ្ងាយដូចលើកមុនទៀតនោះឡើយ។
ក្រោយផ្អាកផលិតចម្រៀងមួយរយៈ ដើម្បីកម្មវិធីសប្បុរសធម៌ សាយ បានត្រឡប់ផលិតបទថ្មីៗវិញបណ្តើរៗ ហើយមុននេះបន្តិចទំព័រហ្វេសប៊ុកផ្លូវការ សាយ បានប្រកាសត្រៀមចេញ Music Video ថ្មីមួយ ចំណងជើង «ខ្មែរ ជួយ ខ្មែរ» នៅម៉ោង ៧យប់ ថ្ងៃទី៧ ខែកក្កដា ឆ្នាំ២០២៣ ដែលនេះជាបំណងធំមួយរបស់លោក និងក្រុមការងារ។
ម្ចាស់បទ «ងប់ងុល» ដ៏ល្បីល្បាញ បានរៀបរាប់ថា «13 ឆ្នាំមុន ខ្ញុំបាទ និងក្រុមការងារបានចាប់ផ្តើមធ្វើបទចម្រៀងនេះឡើងមក ហើយយើងក៏សង្ឃឹមថា នឹងអាចមានឱកាសយកបទចម្រៀងមួយនេះមកធ្វើជា Music Video នៅថ្ងៃណាមួយ។ អ្វីៗទាំងអស់ គឺកើតចេញពីការស្រលាញ់ និងការតាំងចិត្ត រហូតយើងទទួលសមិទ្ធផលថ្ងៃនេះ។ [ ខ្មែរ ជួយ ខ្មែរ] យើងជាកូនខ្មែរត្រូវការពារ អ្វីដែលសម្បត្តិជាតិយើង…»។

នេះជាដំណឹងល្អសម្រាប់ហ្វេនៗដែលជាអ្នកលើកទឹកចិត្តតារាចម្រៀង សាយ ដែលរង់ចាំមើលស្នាដៃបទថ្មីរបស់លោក ដូច្នេះកុំភ្លេចរង់ចាំតាមដានស្នាដៃបទ ខ្មែរ ជួយ ខ្មែរ ទាំងអស់គ្នា!

























Account
Security
Favourite Content