តារាចម្រៀងរូបស្រស់ ROSÉ បានឆ្លើយតបលើកដំបូងចំពោះព័ត៌មានលេចឮថានាងធ្លាប់មានស្នេហាជាមួយតារាអាមេរិក Jaden Smith បន្ទាប់ពីមានការសង្ស័យថានាងបាននិពន្ធបទចម្រៀងពីតារាប្រុសរូបនេះក្នុងបទ Toxic Till The End ។

គួរបញ្ជាក់ថា បន្ទាប់ពី សមាជិក BLACKPINK រូបនេះបានចេញអាល់ប៊ុមទោលដំបូងមានចំណងជើងថា Rosie (រ៉ូស៊ី) កាលពីដើមខែធ្នូឆ្នាំមុន ជាមួយបទចម្រៀងល្បីៗដូចជា APT., Number One Girl និង Toxic Till The End ក៏មានពាក្យចចាមអារ៉ាមថានាងសាច់រឿងដែលនាងយកមកសរសេរក្នុងបទចម្រៀងចុងក្រោយនេះគឺនិយាយអំពីទំនាក់ទំនងរបស់នាងជាមួយ Jaden Smith។
ក្នុងបទចម្រៀង “Toxic Till The End” ROSÉ បាននិយាយពីទំនាក់ទំនងបែប Toxic ដែលនាងត្រូវបានគ្រប់គ្រងដោយដៃគូស្នេហាពូកែប្រច័ណ្ឌហួសហេតុ ខណៈក្នុងវីដេអូចម្រៀង តួប្រុសគឺសម្តែងដោយតារាអាមេរិក Evan Mock ដែលមានរូបរាងស្គមស្ដើងនិងលេងពណ៌សក់ពណ៌ផ្កាឈូកស្រាល។ ដោយសារ Jaden Smith ធ្លាប់មានម៉ូដសក់បែបនេះដែរ ពាក្យចចាមអារ៉ាមអំពីទំនាក់ទំនងស្នេហារវាង ROSÉ និង Jaden Smith ក៏បានផ្ទុះឡើងម្តងទៀត ដោយសារអ្នកទាំងពីរធ្លាប់ត្រូវបានគេប្រទះឃើញដើរលេងជាមួយគ្នាកាលពីឆ្នាំ ២០២១ ហើយ Jaden Smith ក៏ធ្លាប់បានចុច Follow ROSÉ នៅលើបណ្តាញសង្គម មុនចុច unfollow វិញនៅពេលក្រោយ។

ក្រោយទុកឱ្យហ្វេនៗសង្ស័យជាយូរ ថ្មីៗនេះ ROSÉ ក៏បានចេញមកបកស្រាយពីព័ត៌មានខាងលើក្នុងកម្មវិធីរបស់ទស្សនាវដ្ដី Vanity Fair។ នៅពេលសួរថាតើនាងបានសរសេរបទចម្រៀង “Toxic Till the End” អំពី Jaden Smith មែនទេ នាងបានឆ្លើយថា ទេ និងបញ្ជាក់ថា Jaden Smith ជាមិត្តល្អម្នាក់ប៉ុណ្ណោះ។ ឆ្លើយតបសំណួរថាតើនាងធ្លាប់ Date ជាមួយ Jaden Smith ដូចពាក្យចចាមអារ៉ាមដែរឬអត់ ROSÉ បានឆ្លើយភ្លាមៗថា ទេ ដូចគ្នា។ ក្នុងកម្មវិធីនេះ ROSÉ ក៏បានឆ្លើយសំណួរជាច្រើនផងដែរ ពាក់ព័ន្ធមិត្តរួមក្រុម BLACKPINK រួមទាំងមិត្តភាពដ៏រីករាយរបស់នាងជាមួយ Bruno Mars។ ទស្សនាវីដេអូពេញខាងក្រោមនេះ៖























Account
Security
Favourite Content