យោងតាមវីដេអូមួយបង្ហោះដោយទំព័រហ្វេសប៊ុក Family Beauty Pageant កញ្ញា ម៉ែន ណងនិត ជាម្ចាស់ជយលាភី 4th Runner Up Miss Grand Cambodia 2023 បានប្រកាសច្បាស់ៗថា នាងនឹងត្រឡប់មកប្រកួត Miss Grand Cambodia 2024 បន្ទាប់ពីអ្នកស្រី អ៊ឹម សុគន្ធា បើកឱកាសឱ្យបវរកញ្ញាដែលជាប់ Top 5 មានឱកាសដាក់ពាក្យប្រកួតឆ្នាំ ២០២៤ បាន។

ក្នុងវីដេអូដដែលនោះ ណងនិត បានឱ្យដឹងថា ការគ្រោងត្រឡប់មកវិញនេះ គឺមិនមែនដៃទទេនោះទេ ដោយនាងបានកំពុងត្រៀមចេញទៅហ្វឹកហាត់ការដើរនៅប្រទេសថៃ និងមានគម្រោងរៀនជំនាញផ្សេងៗជាច្រើនទៀត ដូចជា ការនិយាយ ការរៀបចំខ្លួន និងភាសាអង់គ្លេស ជាដើម។ ដើម្បីអភិវឌ្ឍន៍សមត្ថភាពខ្លួនឯងឱ្យកាន់តែល្អជាងឆ្នាំមុន។


គ្រាន់តែដឹងដំណឹងនេះភ្លាម ហ្វេននាំគ្នាចេញមកគាំទ្រ និងលើកទឹកចិត្តនាងគ្រប់ៗគ្នា ព្រោះ ម៉ែន ណងនិត ជាបេក្ខភាពជើងខ្លាំងម្នាក់ក្នុងការប្រកួត Miss Grand Cambodia 2023ដោយនាងឆក់បានតំណែងលំដាប់រងទី៤នៃការប្រកួតដ៏អស្ចារ្យនេះ។
តាមរយៈការប្រកាសនេះ ហ្វេនៗជឿជាក់ថា ស្រីស្អាតកូនអ្នកខេត្តព្រះសីហនុរូបនេះ នឹងធ្វើបានកាន់តែល្អសម្រាប់ការប្រកួតនៅឆ្នាំក្រោយ ដោយសារនាងមានគម្រោងចេញទៅពង្រឹងសមត្ថភាពបន្ថែមនៅប្រទេសថៃ បូករួមបទពិសោធន៍ប្រកួតចាស់ រឹតតែធ្វើឱ្យនាងកាន់តែមានសក្កានុពល។


សូមជម្រាបថា នៅក្នុងវីដេអូបង្ហោះខាងលើនោះ 4th Runner Up Miss Grand Cambodia 2023បានឱ្យដឹងថា នាងគ្រោងចេញទៅរៀនសូត្របន្ថែមនៅប្រទេសថៃ នៅថ្ងៃទី១៧ ខែកញ្ញា ខាងមុខនេះ បន្ទាប់ពីចប់ការដើរបង្ហាញម៉ូត នៃកម្មវិធីប្រគំតន្ត្រី NEW ERA THE CONCERT របស់តារាចម្រៀងយ៉េៗ ទេព បូព្រឹក្ស៕

























Account
Security
Favourite Content