ពិតជារឿងដ៏គួរឱ្យភ្ញាក់ផ្អើលខ្លាំងណាស់ ព្រោះស្ងាត់ៗគេស្រាប់តែប្រទះឃើញ លោក ណុប ដាណេ ដែលគ្រប់គ្នាស្គាល់ថាជាម្ចាស់សម្អាងការ ណុប ដាណេ ចូលរួមប្រកួតប្រជែងក្នុងកម្មវិធីប្រឡងសមត្ថភាពទេពកោសល្យលំដាប់ពិភពលោក Cambodia’s Got Talent រដូវកាលទី 3 កាលពីពេលថ្មីៗនេះ។

រឹតតែអស្ចារ្យជាងនេះទៀតនោះ ណុប ដាណេ បាននាំអប្សរា ២១ អង្គ ឡើងរាំពត់ពែនយ៉ាងល្វត់ល្វន់លើឆាក Cambodia’s got Talent អមជាមួយការបកស្រាយបទចម្រៀងដ៏ពីរោះគ្រលួច គួចចិត្តតែម្តង រហូតអ្នកចូលរួមនាំគ្នាហើបពីកៅអី ដើម្បីស្រែកហ៊ោចំពោះការសម្តែងដ៏អស្ចារ្យនេះ។ មិនតែប៉ុណ្ណោះ សូម្បីគណកម្មការទាំង ៤ ក្នុងវគ្គ Judge Audition សប្តាហ៍ទី៦ ក៏នាំគ្នាសរសើរការសម្តែងនេះមិនដាច់ពីមាត់ ពិសេសគឺអង្គអប្សរាទាំង ២១ ដែលបានឡើងរាំពន់ពែនយ៉ាងទន់ល្វតល្វៃ បង្កប់ដោយភាពស្រស់ស្អាត សុភាពរាបសារ បង្ហាញឱ្យឃើញពិវប្បធម៌-អរិយធម៌ដ៏ស្រស់ផូរផង់របស់ខ្មែរយើង ប្រៀបដូចសុភាសិតខ្មែរបានលើកឡើងថា «វប្បធម៌រលត់ ជាតិរលាយ វប្បធម៌ពណ្ណរាយ ជាតិថ្កើងថ្កាន»។






ផ្ទាំងទស្សនីយភាព អប្សរា ២១ អង្គ ដែល ណុប ដាណេ បានបង្ហាញលើឆាក Cambodia’s got Talent ធ្វើឱ្យ Judge រំជួលចិត្តជាខ្លាំង ព្រោះមិននឹកស្មានថា បេក្ខភាពនឹងលើកយកសិល្បៈបុរាណដ៏អស្ចារ្យនេះមកបង្ហាញនោះឡើយ ដូច្នេះ Judge សម្រេចផ្តល់ពាក្យថា «YES» ឱ្យបេក្ខភាពរូបនេះជាប់បន្តដំណើរឆ្ពោះទៅវគ្គបន្ទាប់ទៀត។
គ្រាន់តែទទួលបានពាក្យ «YES» ពី Judge ភ្លាម ម្ចាស់សម្អាងការ ណុប ដាណេ ដែលនិយមអភិរក្សទម្រង់សិល្បៈបុរាណ បានបង្ហោះសារខ្លីមួយ អានហើយរំជួលចិត្តតែម្តង។ ណុប ដាណេ បង្ហោះថា «ជាដំបូងខ្ញុំបាទសូមគោរពអរគុណ លោកគ្រូអ្នកគ្រូដែលអនុញ្ញាត្តឲ្យដាណេ បានយកផ្ទាំងទស្សនីយភាពមួយនេះទៅកាន់ឆាក Cambodia’s got talent អរគុណសម្រាប់ក្កីស្រលាញ់មួយនេះដែលមានមកកាន់ស្រីណេ (ពុក ម៉ែ បងប្អូន មិត្តភក្តិ និង ប្រជាជនកម្ពុជាទាំងអស់Love and respect to my beloved people»។
ក្នុងនោះផងដែរ គេឃើញមានអ្នកប្រើប្រាស់បណ្តាញសង្គមហ្វេសប៊ុក រួមទាំងសិល្បករ-សិល្បការិនីជាច្រើន នាំគ្នាចូលរួមអបអរសាទរដែលម្ចាស់សម្អាងការរូបនេះបានជាប់ទៅវគ្គបន្តទៀត។ ក្រៅពីពាក្យពេជន៍អបអរហើយនោះ គ្រប់គ្នាក៏ទន្ទឹងរង់ចាំមើលការសម្តែងបន្ទាប់របស់លោកផងដែរ៕























Account
Security
Favourite Content