មុនបន្តិច ម្ចាស់បទ «បើកទំព័រសាស្ត្រា» នេនទុំ បានចេញមុខមកបញ្ជាក់ច្បាស់ៗពីទំនាក់ទំនងការងាររវាងលោក និងផលិតកម្ម Galaxy Navatra បន្ទាប់ពីលុបចោលការបង្ហោះប្រកាសបញ្ចប់កុងត្រា កាលពីព្រឹកមិញនេះ។

តារាចម្រៀងសម្បុរខ្មែរអង្គររូបនេះរៀបរាប់លើទំព័រហ្វេសប៊ុកផ្លូវការថា «ថ្ងៃនេះសូមស្រាយចម្ងល់បងប្អូនបន្តិច ខ្ញុំបាទ នេនទុំ.ជាមួយក្រុមហ៊ុន Galaxy Navatra គ្រាន់តែ សហការការងារគ្នា ទៅតាមពេលវេលាដែលអាចធ្វើទៅបាន តែប៉ុណ្ណោះ ពុំមានកិច្ចក្រុងត្រាការងារអ្វីទាំងអស់ បញ្ជាក់: ខ្ញុំអាចទទួលធ្វើការផ្សេង ជូនក្រុមហ៊ុនផ្សេងបាន ចឹងសូមបងប្អូនមហាជនទទួលជ្រាបជាព៌តមាន ជួយShareឲ្យដឹងតគ្នាផងបងប្អូនយើង»។

សូមជម្រាបថា នៅព្រឹកថ្ងៃទី១២ ខែកុម្ភៈ ឆ្នាំ២០២៤ តារាចម្រៀង នេនទុំ បានបង្ហោះជាសាធារណៈថា លោកបានបញ្ចប់កិច្ចកុងត្រាជាមួយក្រុមហ៊ុន Galaxy ហើយ តែមិនបានបញ្ជាក់ប្រាប់ពីមូលេហតុពិតប្រាកដទេ តែបន្តិចក្រោយមកលោកបានលុបការបង្ហោះចោលបាត់ ធ្វើឱ្យមហាជនកើតជាចម្ងល់ថា តើលោកមានបញ្ហាអ្វីជាមួយ Galaxy ឬយ៉ាងណា? ដូច្នេះទើបពេលនេះលោកចេញមកបកស្រាយថា លោកជាមួយ Galaxy Navatra គ្រាន់តែសហការគ្នាតាមពេលវេលាតែមិនមានជាកុងត្រាអ្វីទេ ហើយលោកអាចទទួលការងារផ្សេងៗដូចធម្មតា៕























Account
Security
Favourite Content