១៤កុម្ភៈ Valentine’s Day ឬថ្ងៃបុណ្យនៃក្ដីស្រលាញ់គឺជាថ្ងៃដែលគ្រប់គ្នាបង្ហាញពីក្ដីស្រលាញ់ចំពោះគ្នាទៅវិញទៅមក ហើយក្រៅពីបាច់ផ្កា និងកាដូផ្សេងៗអ្វីដែលមិនអាចខ្វះបាននោះគឺពាក្យជូនពរល្អៗដើម្បីផ្ញើជូនមនុស្សដែលយើងស្រលាញ់។ ប៉ុន្តែសម្រាប់អ្នកមិនទាន់ដឹងថាគួរសរសេរសារយ៉ាងណាឱ្យ Sweet អាចជ្រើសរើសប្រយោគណាមួយក្នុងចំណោមប្រយោគខាងក្រោមនេះបាន៖
១. Happy Valentine’s Day អរគុណដែលនៅក្បែរគ្នាគ្រប់ពេល មិនថាពេលមានទុក្ខ ពេលសុខ ពេលហត់នឿយ ឱ្យតែបានជួបមុខអ្នក ខ្ញុំសប្បាយចិត្តណាស់ទៅហើយ។
២. Happy Valentine’s Day តាំងពីជួបគ្នាថ្ងៃដំបូង ខ្ញុំបានដឹងខ្លួនច្បាស់ទៅហើយថាស្រលាញ់អ្នកអស់ពីបេះដូង មិនថាថ្ងៃនេះ ឬថ្ងៃស្អែក សូមឱ្យអ្នកដឹងថា ស្នេហានេះនឹងគ្មានថ្ងៃប្រែប្រួលឡើយ។
៣. Happy Valentine’s Day អរគុណសម្រាប់ក្ដីស្រលាញ់ដែលបានផ្ដល់ឱ្យគ្នា មិនថាថ្ងៃនេះ ឬថ្ងៃស្អែក សូមឱ្យស្នេហារបស់យើងនៅតែស្ថិតស្ថិរជានិច្ចនិរន្តន៍។
៤. Happy Valentine’s Day តាំងពីមានអ្នកចូលមកក្នុងជីវិត បេះដូងខ្ញុំកក់ក្ដៅគ្រប់ពេល មានអ្នកនៅក្បែរ ខ្ញុំមានអារម្មណ៍ថាខ្ញុំមិនបានដើរតែម្នាក់ឯងទេ។
៥. Happy Valentine’s Day អរគុណសម្រាប់ក្ដីស្រលាញ់ និងក្ដីបារម្ភគ្រប់ពេលវេលា អរគុណសម្រាប់ក្ដីសុខដែលផ្ដល់ឱ្យគ្នាគ្រប់វិនាទី អរគុណសម្រាប់ស្នេហាដ៏ល្អ សូមឱ្យគ្រប់យ៉ាងនៅតែល្អបែបនេះរៀងរហូត។
៦. Happy Valentine’s Day អរគុណដែលចូលមកក្នុងជីវិត ធ្វើឱ្យខ្ញុំមានអារម្មណ៍ថាជីវិតនេះមានអ្វីពិសេសរាល់ថ្ងៃ មកដល់ពេលនេះខ្ញុំស្រមៃមិនចេញទេថា ជីវិតខ្ញុំនឹងទៅជាយ៉ាងណាបើគ្មានអ្នក។
៧. Happy Valentine’s Day អរគុណជោគជតាដែលបណ្ដាលឱ្យខ្ញុំបានជួបអ្នក មានអារម្មណ៍ថាខ្លួនឯងសំណាងជាងគេលើលោកដែលបានអ្នកមកធ្វើជាម្ចាស់បេះដូង។
៨. Happy Valentine’s Day ឆ្លងកាត់គ្រប់រឿងទាំងរឿងសុខទាំងរឿងទុក្ខ ធ្វើឱ្យខ្ញុំកាន់តែស្រលាញ់អ្នកខ្លាំងជាងមុន អរគុណដែលធ្វើឱ្យខ្ញុំបានស្គាល់ស្នេហាពិត។
៩. Happy Valentine’s Day ម្សិលមិញ ថ្ងៃនេះ ឬថ្ងៃស្អែក ខ្ញុំនៅតែស្រលាញ់អ្នក ទោះបីថ្ងៃក្រោយទៅជួបរឿងអ្វី ខ្ញុំក៏គ្មានថ្ងៃប្ដូរចិត្តពីអ្នកឡើយ នៅតែស្រលាញ់អ្នកជានិច្ច និងរៀងរហូត។
១០. Happy Valentine’s Day ចង់ប្រាប់ថា តាំងពីចាប់ផ្ដើមស្រលាញ់គ្នាដល់ថ្ងៃនេះ ក្ដីស្រលាញ់របស់ខ្ញុំចំពោះអ្នកមិនដែលថយចុះឡើយ តែមានតែស្រលាញ់ខ្លាំងឡើងៗទ្វេដង។
យ៉ាងណាដែរសម្រាប់ ពាក្យជូនពរក្នុងថ្ងៃ Valentine ខាងលើនេះ? បើប្រិយមិត្តចូលចិត្តពាក្យមួយឃ្លាណា កុំភ្លេចយកទៅផ្ញើ ឬបង្ហោះ Tag មនុស្សជាទីស្រលាញ់ ធានាថាគេនឹងស្រលាញ់អ្នកកាន់តែខ្លាំង។ ជូនពរគ្រប់គ្នាកាន់តែមានសុភមង្គលក្នុងជីវិតស្នេហាក្នុងថ្ងៃបុណ្យនៃក្ដីស្រលាញ់នេះ!