កូនខ្មែរកាត់ថៃ ណា សាឌី បានជ្រើសយកភាពត្រឹមត្រូវដោយបើកកកាយភាពសាហាវព្រៃផ្សៃរបស់ថៃមកលើកម្ពុជា ដើម្បីឱ្យពិភពលោក និងអន្តរជាតិបានដឹងថាសង្គ្រាមឈ្លានពានទឹកដី គឺបង្កឡើងពីភាគីថៃសុទ្ធសាធ។

នៅក្នុងវីដេអូដែលមានរយៈពេលប្រមាណជា ៣ នាទី ពិធីការិនីរូបស្រស់ ណា សាឌី ដែលមានឪពុកជាជនជាតិថៃ និងម្ដាយជាជនជាតិខ្មែរ បានបរិយាយពីទង្វើដ៏សាហាវរបស់កងទ័ពសៀមមកលើប្រទេសកម្ពុជា និងប្រជាជនកម្ពុជាភ្ជាប់ជាមួយភស្តុតាង ដោយបានលើកឡើងថា ក្នុងនាមជាកូនកាត់ខ្មែរថៃ ដែលមានបេះដូងជាខ្មែរ នាងខ្ញុំ ណា សាឌី មានទំនួលខុសត្រូវនៅក្នុងការចែករំលែកព័ត៌មានអំពីស្ថានការណ៍បច្ចុប្បន្នរវាងកម្ពុជានិងថៃ។ ខ្ញុំចង់ប្រើប្រាស់អាខោនផ្លូវការរបស់ខ្ញុំក្នុងការបង្កើនការយល់ដឹងនិងការការយោគយល់នៅក្នុងអំឡុងពេលដ៏លំបាកមួយនេះ។ ក្នុងរយៈពេលប៉ុន្មានថ្ងៃនេះ មានរបាយការណ៍ជូនដំណឹងអំពីការរំលោភមកលើដែនអធិបតេយ្យភាពកម្ពុជាជាថ្មីម្ដងទៀតពីសំណាក់កងទ័ពសៀម ហើយលើកនេះពួកគេបានប្រើប្រាស់កាំភ្លើងធំបាញ់មកលើទីតាំងជាច្រើនក្នុងតំបន់ជាប់ព្រំដែនកម្ពុជា-ថៃ និងបានប្លោងគ្រាប់បែក ព្រមទាំងចលនាកងទ័ពជើងគោក។ កងទ័ពសៀមក៏បានបាញ់ផ្លោងមកលើប្រាសាទព្រះវិហារនិងប្រាសាទតាក្របីបណ្ដាលឱ្យខូចខាតយ៉ាងដំណំ និងបានបំផ្លាញហេដ្ឋារចនាសម្ព័ន្ធ ផ្លូវស្ពាន ថ្នល់ សាលារៀន វត្តអារាម ផ្ទះសម្បែងរបស់ពលរដ្ឋ។ ហេតុការណ៍នេះបានប៉ះពាល់ជាខ្លាំងដល់ប្រជាជនធ្វើឱ្យពួកគាត់បង្ខំចិត្តចាកចេញទៅរស់ក្នុងជំរំភៀសសឹកដើម្បីរក្សាសុវត្ថិភាព និងគេចពីគ្រោះថ្នាក់ដែលបង្កឡើងដោយកងទ័ពសៀម។









ជាមួយគ្នានេះ ពិធីការិនីប្រចាំទូរទស្សន៍បាយ័នរូបនេះបានបន្ថែមទៀតថា ចំពោះហេតុការណ៍បាញ់ប្រហារនាពេលនេះកម្ពុជាបានធ្វើការថ្កោលទោសយ៉ាងខ្លាំងចំពោះសកម្មភាពយ៉ាងកម្រោលរបស់ទាហានថៃ ដោយបន្តអនុវត្តលើកិច្ចព្រមព្រាងសន្តិភាពលើបទឈប់បាញ់ និងបន្តដោះស្រាយតាមរយៈមធ្យោបាយស្របច្បាប់និងការទូត។
កូនខ្មែរកាត់ថៃដែលមានបេះដូងជាខ្មែរ កើតលើទឹកដីខ្មែរ និងធំធាត់នៅទីនេះ បានបញ្ជាក់បន្ថែមថា ប្រជាជនកម្ពុជាមិនត្រូវការសង្គ្រាម ពួកគាត់ត្រូវការ សន្តិភាព ស្ថិរភាព សុវត្ថិភាព លទ្ធភាពរស់នៅដោយមិនមានការភ័យខ្លាចហើយគោលបំណងរបស់ខ្ញុំគឺចង់ឃើញប្រទេសមានសន្តិភាព ការយោគយល់ និងការការពារជីវិតប្រជាជនស្លូតត្រង់៕
ចុចទីនេះដើម្បីទស្សនាវីដេអូពេញ ៖ https://www.facebook.com/reel/1204636024938117/?s=single_unit
រូបភាព ៖ Na sady























Account
Security
Favourite Content