បវរកញ្ញារូបស្រស់ ជីលី ទេវី ឬគ្រប់គ្នាស្គាល់ថា លីវ ជីលី ស្រាប់តែទម្លាយពាក្យក្នុងចិត្តរបស់នាងចេញមកតាមបណ្តាញសង្គមឱ្យគ្រប់គ្នាបានដឹងដោយមិនលាក់លៀម ដែលការរៀបរាប់របស់នាងហាក់បង្កប់រឿងអ្វីម៉្យាង ដែលគេសង្ស័យថាអាចនឹងមានរឿងអ្វីប៉ះទង្គិចចិត្តនាងទើបដាច់ចិត្តនិយាយពាក្យទាំងនេះចេញមក។

Miss Supranational Cambodia 2023 រៀបរាប់លើទំព័រហ្វេសប៊ុកផ្លូវការនាងថា «ខ្ញុំខិតខំក្នុងវិស័យបរវកញ្ញាមួយនេះជាលើកចុងក្រោយហើយ ចំណាយទៅលើពេលវេលា ថវិកា ការតស៊ូ អត់ធ្មត់ ប្រឹងប្រែង រឹងមាំក្លាហាន ជំនះគ្រប់ឧបសគ្គ គឺដើម្បីប្រជាជនកម្ពុជា និងប្រទេសកម្ពុជា គោលដៅរបស់ខ្ញុំគឺចង់អោយប្រទេសខ្ញុំរីកចម្រើនគ្រប់វិស័យ នេះជាផ្នត់គំនិត និងមហិច្ឆតារបស់នាងខ្ញុំ តែសូមសំណូមពរដល់បងប្អូនយើងនៅក្នុងសិល្បៈជំនាន់ក្រោយ ត្រូវចេះស្រលាញ់គ្នា រៀនបើកចិត្ត កុំរឹកពារ ខ្មឺតមានតែឯង ត្រូវចេះស្រលាញ់គ្នា យោគយល់គ្នា រួមរួមគ្នា ចែករំលែកបទពិសោធន៍ជូនគ្នាទៅវិញទៅមក យើងត្រូវតែព្យាយាមធ្វើជាទឹកកន្លះកែវ ដូចពាក្យសុភាសិតមួយតែងពោលថា(ងើយស្កក ឱនដាក់គ្រាប់) ទោះថ្ងៃនេះយើងមិនជោគជ័យ នៅមានថ្ងៃក្រោយ ពេលដែលយើងតស៊ូយើងនឹងទទួលបានជោគជ័យជាមិនខានបំណងល្អពីនាងខ្ញុំChily Tevy ជីលី ទេវី»។
រំពេចនោះ ទំព័រហ្វេសប៊ុកផ្លូវការ Miss Supranational Cambodia បានចែករំលែកការបង្ហោះនោះ ដោយភ្ជាប់ពាក្យថា «ការចេញទៅប្រកួតប្រទេសឆ្ងាយគឺហត់ណាស់ការចំណាយច្រើនណាស់ Do your best for our country. !» ដែលនេះហាក់ស្របគ្នានិងការបង្ហោះរបស់ ជីលី កាលថ្ងៃទី១០ ខែឧសភា ឆ្នាំ២០២៣ ដែលនាងបានត្អួញត្អែលរឿងខ្ទង់ចំណាយច្រើនលើឈុតសម្លៀកបំពាក់ចំនួន ៤០ឈុត ដែលនាងត្រៀមយកទៅប្រកួតកម្មវិធី Miss Supranational 2023 នៅប្រទេសហូឡង់ នាប៉ុន្មានខែខាងមុខនេះ។



គេនៅមិនទាន់ដឹងថា ការបង្ហោះដ៏វែងអន្លាយខ្លាងលើរបស់ Miss Supranational Cambodia2023 កញ្ញា លីវ ជីលី គឺដោយសារនាងស្មុគស្មាញរឿងការចំណាយច្រើនលើការប្រកួត ឬនាងមានរឿងប៉ះទង្គិចចិត្តអ្វីទេ តែបេក្ខភាពត្រៀមតំណាងជាតិកម្ពុជាហាក់មានទំនុកចិត្តខ្លាំងលើខ្លួនឯងក្នុងការប្រកួតដែលកំពុងខិតជិតមកដល់៕



























Account
Security
Favourite Content