នៅក្នុងខែសីហាឆ្នាំនេះ កុងត្រាផ្តាច់មុខរបស់ BLACKPINK ជាមួយផលិតកម្ម YG Entertainment នឹងឈានដល់ទីបញ្ចប់។ សំណួរដែលគ្រប់គ្នាចង់ដឹងបំផុតពេលនេះគឺ តើ BLACKPINK នឹងបន្តកុងត្រាថ្មីជាមួយ YG Entertainment ទេ?

កាលពីថ្ងៃទី ១៩ ខែមករា NH Investment & Securities បានព្យាករណ៍ថា BLACKPINK អាចនឹងបន្តកិច្ចសន្យាជាមួយ YG ដដែល។ ប៉ុន្តែបើតាមការចុះផ្សាយរបស់សារព័ត៌មាន Munhwa Ilbo នៅថ្ងៃទី២៣ ខែមករានេះ វានឹងមិនងាយស្រួលប៉ុន្មានទេសម្រាប់ YG Entertainment ព្រោះថាសមាជិកម្នាក់ៗត្រូវបានផ្តល់តម្លៃខ្ពស់ជាងនៅកន្លែងផ្សេង។ យោងតាមប្រភពផ្ទៃក្នុងមួយបានឱ្យដឹងថា Lisa កំពុងត្រូវបានផ្តល់សំណើ ១០០ ពាន់លានវ៉ុន ឬស្មើនឹង ៨១លានដុល្លារ ដើម្បីប្តូរផលិតកម្មដែលស្ទើរតែហួសសមត្ថភាពសម្រាប់ YG Entertainment ទៅហើយ។
ជាការពិតណាស់ សមាជិកក្រុម BLACKPINK នឹងមិនផ្លាស់ប្ដូរទ្រនំដើម្បីតែលុយនោះទេ ប្រសិនបើពួកគេចង់បន្តប្រើប្រាស់ឈ្មោះក្រុម ‘BLACKPINK’។ ប៉ុន្តែប្រភពផ្ទៃក្នុងនៅតែជឿជាក់ថា YG Entertainment នឹងត្រូវផ្តល់យ៉ាងហោចណាស់ ២០ ពាន់លានវ៉ុន (១៦លានដុល្លារ) សម្រាប់សមាជិកម្នាក់ៗដើម្បីបន្តកុងត្រា។ ប្រភពខ្លះជឿថា YG Entertainment ចាប់ផ្ដើមបង្ហាញក្រុមចម្រៀងថ្មី Baby Monster គឺដើម្បីកាត់បន្ថយការបរាជ័យដែលអាចកើតមានដោយសារការបញ្ចប់បន្តជាមួយ BLACKPINK ។
ខណៈពេលនេះ BLACKPINK កំពុងបន្តការប្រគំតន្ត្រីទេសចរណ៍ពិភពលោករបស់ខ្លួនដែលនឹងបញ្ចប់ក្នុងខែមិថុនានេះ ពោលគឺរយៈពេល២ខែមុនកិច្ចសន្យាចាស់ផុតសុពលភាព ៕























Account
Security
Favourite Content