បន្ទាប់ពីរៀបមង្គលការយ៉ាងមានក្ដីសុខហើយ ណារ៉ូ បានចែករំលែកក្ដីសុខក្នុងគ្រួសារឲ្យអ្នកគាំទ្រ ក៏ដូចជាមិត្តភ័ក្តិបានដឹង គឺដំណឹងល្អនៃការមកដល់របស់កូនស្រីរបស់លោក និងភរិយាគួរឲ្យស្រលាញ់ លីនដា។ ចំណែកឈ្មោះវិញ ពិតជាមិនសរសើរម៉ាក់ប៉ាវ័យក្មេងគូនេះមិនបានឡើយ ដោយទារិកាមានឈ្មោះថា ទេពមុន្នី លីនឌីដាយអាណា។


អ្នកគាំទ្រចាប់អារម្មណ៍លើឈ្មោះរបស់កូនស្រី លីនដា និង ណារ៉ូ ព្រោះពីរោះហើយ មានបញ្ចូលគ្នារវាងឈ្មោះឪពុកម្ដាយថែមទៀតផង។ ដោយ Linda Vee មានឈ្មោះពិតថា វ៉ាន់ ម៉ៅហ្សូលីនដា និងឈ្មោះពេញរបស់ Naro Vee គឺ ទេព មុន្នីឌីណារ៉ូ។
ដំណឹងល្អរបស់ លីនដា និង ណារ៉ូ ទទួលបានការសាទរ និងជូនពរឲ្យម្ដាយ និងទារកសុខភាពល្អព្រមគ្នាតែម្ដង។ ណារ៉ូ ដែលជាស្វាមី និងឪពុកបានចែករំលែកពីភរិយា និងកូនស្រីដែលទើបឃើញព្រះអាទិត្យនៅថ្ងៃនេះថា “ជំរាបសួរបងៗពូមីងយាយតា អូនឈ្មោះ ningning ឈ្មោះពេញ ( ទេពមុន្នី លីនឌីដាយអាណា ) អូនកើតថ្ងៃ ទី១២ ខែ០៥ ឆ្នាំ២០២៥ អូនសម្រាលដោយធម្មជាតិចា៎ ៤០ សប្ដាហ៍គត់តែម្តង គីឡូ ២.៨៦ គីឡូ”។
ងាកទៅមើល លីនដា បើទោះជាទើបសម្រាលកូន តែទឹកមុខនៅតែស្រស់ស្អាត និងមានស្នាមញញឹមពេលបានជួបកូនស្រីជាទីស្រលាញ់ ដែលខំរង់ចាំអស់រយៈពេល ៤០ សប្ដាហ៍ពេញតែម្ដង។ ទឹកមុខឪពុកថ្មោងថ្មី ណារ៉ូ វិញពិតជារំភើបដែលឃើញភរិយា និងកូនស្រីសុខសុវត្ថិភាពទាំង ២ នាក់៕
រូបភាព៖ Naro_Vee























Account
Security
Favourite Content