ថ្មីៗនេះសារព័ត៌មាន QQ បានរាយការណ៍អំពីស្ថានភាពហិរញ្ញវត្ថុរបស់តារា Youtube ចិន Li Ziqi បន្ទាប់ពីផ្អាកចេញវីដេអូអស់រយៈពេលជាង ២ ឆ្នាំ ដោយទោះបីជាលែងចេញវីដេអូថ្មីៗក៏ដោយ ក៏នាងនៅតែរកលុយបានច្រើនជារៀងរាល់ខែ។

យោងតាម QQ ចុះផ្សាយកាលពីថ្ងៃទី៥ ខែមេសា ប្រាក់ចំណូល Ziqi ភាគច្រើនបានមកពី YouTube ដោយឆាណែលមាតិកាស្រុកស្រែដែលមានអ្នកតាមដាន ១៧ លាននាក់ និងអ្នកមើល ២,៩ ពាន់ ជួយឱ្យនាងនៅតែអាចទទួលចំណូលជាមធ្យម ១១៤ ០០០ ដុល្លារក្នុងមួយខែ។ ចំនួននេះត្រូវបានគណនាដោយផ្អែកលើការទស្សនាវីដេអូចាស់ៗចំនួន ១២៨ ដែលនាងបានបង្ហោះ។
សារព័ត៌មាន iFeng និយាយថា Li Ziqi គឺជាអ្នកបង្កើតមាតិកាដែលមានជាងគេបំផុតរបស់ប្រទេសចិន។ ជំនាន់នៅសកម្ម នាងអាចរកចំណូលបានពី ២១ម៉ឺន ទៅ ៣៨ម៉ឺនដុល្លារ សម្រាប់វីដេអូមួយ។ តាមរយៈការផលិតវីដេអូ និងការលក់ផលិតផលធ្វើម្ហូប Li Ziqi អាចរកប្រាក់ចំណូលប្រចាំឆ្នាំជាមធ្យមបានចន្លោះពី ៧ ទៅ ៨ លានដុល្លារ ។
នៅពេលដែលអាជីពកំពុងមានសន្ទុះ Li Ziqi ក៏មានជម្លោះក្ដីក្ដាំជាមួយក្រុមហ៊ុន Weinian ដែលជាដៃគូ។ នៅខែសីហាឆ្នាំ ២០២១ នាងបានប្រកាសថានាងនឹងឈប់ផលិតវីដេអូ។ រហូតដល់ចុងឆ្នាំ ២០២២ Li Ziqi និងក្រុមហ៊ុន Weinian បានផ្សះផ្សាគ្នា ហើយបន្តសហប្រតិបត្តិការ។
ក្រោយដោះស្រាយរឿងក្ដីរួច Li Ziqi មិនទាន់វិលមកប្រឡូកក្នុងវិស័យផលិតវីដេអូវិញទេ។ នាងបានចែករំលែកថានាងត្រូវការពេលវេលាដើម្បីវាយតម្លៃឡើងវិញនូវគោលដៅរបស់នាង ហើយតម្រង់ខ្លួនឯងទៅកាន់ផ្លូវថ្មីមួយ។
កើតក្នុងឆ្នាំ ១៩៩០ Li Ziqi បានចាប់ផ្ដើមល្បីនៅឆ្នាំ២០១៦ តាមរយៈការថតវីដេអូជីវិតជនបទក្នុងខេត្ត Sichuan (ប្រទេសចិន) និងត្រូវបានគេចាត់ទុកថាជា “បុគ្គលមានឥទ្ធិពលបំផុតនៅលើបណ្តាញសង្គម” ។ តាមរយៈការព្យាយាមផ្សព្វផ្សាយវប្បធម៌ចិនទៅកាន់អន្តរជាតិ Li Ziqi ត្រូវបានទូរទស្សន៍រដ្ឋចិន CCTV ទទួលស្គាល់នាងជាទូតផ្សព្វផ្សាយវប្បធម៌នៅឆ្នាំ ២០២០ ៕





























Account
Security
Favourite Content