តារាសម្ដែងកូរ៉េខាងត្បូង Lee Young Ae ឬមហាជនជាច្រើនស្គាល់ថា ចាំង គីម តែងត្រូវទទួលបានពាក្យកោតសរសើរពីសម្រស់មិនចេះចាស់របស់នាង។ បើទោះជាបច្ចុប្បន្ន នាងមានវ័យ ៥៣ ឆ្នាំ ទៅហើយក្ដី ប៉ុន្ដែនាងមើលទៅនៅតែរឺងមាំ និងស្រស់ស្អាតខ្លាំង។
តារាសម្ដែងស្រី Lee Young Ae មានកូនតូចដល់ទៅ ២ នាក់ទៅហើយ ដែលពួកគេមានអាយុ ១៣ ឆ្នាំហើយ។ សម្រស់របស់តារាស្រីរូបនេះ នៅក្មេងល្ហក់ខ្លាំង និងសឹងតែមិនជឿថា នាងមានគ្រួសារ និងកូនៗ រួចនោះទេ។



ថ្មីៗ នេះ តារាស្រី Lee Young Ae បានបង្ហាញខ្លួនក្នុងកម្មវិធី Talk Show របស់តារាស្រី Carol Cheng និងបាននិយាយពិភាក្សាពីរឿងផ្សេងៗ ទាក់ទិនអាជីពសិល្បៈ ព្រមទាំងការថែរក្សាសម្រស់ផងដែរ។
រូបនាងត្រូវបានគេចោទសួរពីរូបមន្ដថែរក្សាសម្រស់ ធ្វើយ៉ាងណាឲ្យក្មេងជាងវ័យ?


ជាការឆ្លើយតប៖ រូបនាងបានលើកឡើង ចំណុចដែលសំខាន់បំផុតគឺការយកចិត្ដទុកដាក់ចំពោះខ្លួនឯង។ ចំណុចដំបូង ត្រូវស្វែងរកអាហារដែលមានអត្ថប្រយោជន៍ និងល្អចំពោះសុខភាព ចំណុចដែលមិនអាចខ្វះបានគឺការហាត់ប្រាណបញ្ចេញជាតិពុលពីរាងកាយ។ ការជ្រើសរើសផលិតផលថែរក្សាសម្រស់ក៏ជារឿងសំខាន់ អ្នកចាំបាច់ត្រូវប្រើប្រាស់វា។ មួយវិញទៀត គឺការចេះរំសាយអារម្មណ៍ មិនធ្វើឲ្យខ្លួនឯងស្រ្ដេស ឬជាប់គាំងពេក។ ការស្ដ្រេសពេក នឹងធ្វើឲ្យឆាប់ចាស់ និងស្មុគស្មាញខ្លាំងប៉ះពាល់ដល់រាងកាយទាំងមូល។
មូលហេតុទាំងអស់នេះ ទើបធ្វើឲ្យតារាស្រី Lee Young Ae អាចថែរក្សាសម្រស់របស់ខ្លួនបានយ៉ាងល្អ និងមើលទៅមិនចេះចាស់ទាស់តែសោះ៕


























Account
Security
Favourite Content