បកត្រឡប់ទៅកាលពីចុងឆ្នាំ ២០២៣ តារាប្រុស Lee HongKi ដែលជាសមាជិកក្រុមចម្រៀងខេប៉ុបជំនាន់ទី ២ F.T. Island បានទម្លាយពីជំងឺប្រចាំកាយ ដែលធ្វើឲ្យលោកពិបាកក្នុងការរស់នៅខ្លាំង។ ដំណឹងនេះ ក៏បានធ្វើឲ្យអ្នកគាំទ្រ និងមហាជនជាច្រើនភ្ញាក់ផ្អើល ព្រោះលោកមើលទៅសុខភាពរឹងមាំ និងតែងតែបង្ហាញស្នាមញញឹម។
តារាប្រុស Lee HongKi បានទម្លាយថា រូបលោកបានកើតជំងឺសើស្បែកម៉្យាងមានឈ្មោះ pyogenic granuloma។ លោកមានជំងឺនេះចាប់តាំងពីរៀនវិទ្យាល័យ វាជាជំងឺតំណពូជ និងមានដុំពកតូចៗលើដងខ្លួន ពេលខ្លះវាមានឈាមក្រហមព្រមទាំងខ្ទុះនៅក្នុងនោះ។ ជំងឺមួយនេះដែរ ពិតជាប៉ះពាល់យ៉ាងខ្លាំងដល់ការរស់នៅប្រចាំថ្ងៃរបស់ខ្លួន ពេលខ្លះលោកត្រូវឈប់សម្ដែង ឬឈប់ច្រៀងភ្លាមៗ ដោយសារការឈឺចាប់។ ពេលខ្លះលោកមិនអាចសូម្បីតែកម្រើក។



ថ្មីៗ នេះ លោកក៏បានទម្លាយបន្ថែមពីស្ថានភាពជំងឺរបស់លោកទៀត ដែលកាន់តែធ្វើឲ្យអ្នកគាំទ្រ និងមហាជន មានការអាណិតអាសូរលោកយ៉ាងខ្លាំង។ លោកបានលើកឡើងថា៖ ចាប់តាំងពីមានជំងឺនេះមក លោកបានទទួលការវះកាត់ជាច្រើនដង និងមានសល់ស្លាកស្នាមជាច្រើនលើដងខ្លួន។ ជំងឺនេះនឹងកាន់តែធ្ងន់ធ្ងរ នៅពេលដែលអ័រម៉ូន Testosterone ក្នុងខ្លួនរបស់លោកធ្លាក់ចុះខ្លាំង។


លោកបានបន្ដទៀតថា៖ ជំងឺនេះ តម្រូវឲ្យលោក ដាក់ខោក្នុងបន្ថែមជាប់ខ្លួនជាប្រចាំ ព្រោះលោកត្រូវផ្លាស់ប្ដូរវាឲ្យបានទៀងទាត់ ជៀសវាងឆ្លងមេរោគ និងប្រតិកម្មទៀត។ វាពិតជាមានភាពខ្មាសអៀនខ្លាំងដែលត្រូវនិយាយរឿងបែបនេះជាសាធារណៈ តែលោកសង្ឃឹម ការចែករំលែករបស់លោក អាចធ្វើឲ្យអ្នកមានជំងឺដូចលោកមានភាពក្លាហាន និងឆ្លងពេលវេលាដ៏លំបាកមួយនេះដូចគ្នា។
គួរបញ្ជាក់ថា តារាប្រុស Lee Hongki បានចេញប្រឡូកក្នុងវិថីសិល្បៈក្នុងឆ្នាំ ២០០២ ជាតារាសម្ដែង និងក្នុងឆ្នាំ ២០០៧ លោកបានចេញធ្វើជាតារាចម្រៀងជាសមាជិកក្រុម F.T. IsIand។ ក្រុមចម្រៀងនេះទទួលបានការគាំទ្រខ្លាំងកំឡុងឆ្នាំ ២០០៩៕


























Account
Security
Favourite Content