បុរសឯក លាវ វេងហួរ កំពុងមមាញឹកថតកុន ដើម្បីបញ្ចប់រឿងថ្មីឲ្យផលិតកម្ម Wonder Film របស់ផលិតករលោក សែម វិសាល។ សម្រាប់ចំណងជើងរឿងកុនថ្មីរបស់ Wonder Film គឺរឿង «សូម៉ា» ដែលជាប្រភេទរឿង action ចូលរួមសម្ដែងដោយតារាល្បីៗ។

ចំណែកសាច់រឿងវិញ វេងហួរ មិនបានបង្ហើបឲ្យដឹងច្រើនឡើយ ប្រាប់ត្រឹមថាជាប្រភេទរឿងវាយតប និងមានក្រុមម៉ាហ្វៀ ហើយកំលោះសង្ហារូបនេះ ដើរតួជាអ្នកមើលការខុសត្រូវសុវត្ថិភាពក្រុមហ៊ុន និងក្រុមគ្រួសារក្រុមម៉ាហ្វៀនោះ។ ត្បិតតែជាមនុស្សមានមនោសញ្ចេតនា តែតួនាទីត្រូវបង្ខំឲ្យតួអង្គលោកចិត្តដាច់ មួយគឺមួយ ពីរគឺពីរហើយ។
សង្សារសំណព្វចិត្ត រឿន ណាត បញ្ជាក់ថា លោកពិតជាចូលចិត្តចរិតតួអង្គដែលកំពុងសម្ដែងនោះខ្លាំង បើទោះខុសដាច់ពីចរិតពិតខ្លួនក៏ដោយ។ មួយវិញទៀតតួអង្គ វេងហួរ សម្ដែងក្នុងរឿង «សូម៉ា» ជាមនុស្សចេះក្បាច់ប្រយុទ្ធ និងឈុតឆាកវាយតប់ច្រើន ដែលធ្វើឲ្យលោករឹតតែពេញចិត្តស្ដូកតែម្ដង ជាពិសេសបានបញ្ចេញសមត្ថភាពផ្នែកក្បាច់គុន ក្រោយធ្លាប់ហាត់រៀនល្បុក្កតោដែរនោះ។

សម្រាប់រឿងនេះដែរបុរសសង្ហាសាច់ដុំកង់ៗ បានចូលរួមសម្ដែងតាំងពីជាប់តំណែងថ្មីៗមកម្ល៉េះ តែដោយសារផលិតកម្មថតមិនសូវជាសម្រុកខ្លាំង ទើបលោកមានពេលច្រើនអាចទៅថតរឿងបន្ទាប់ ព្រមទាំងចូលរួមកម្មវិធីផ្សេងៗដោយគ្មានបញ្ហា។ និយាយដល់កាយសម្បទា វេងហួរ ពិតជាស៊ីទៅនឹង Role ក្នុងរឿងដែលជាអង្គរក្សមានសាច់ដុំធំៗ ដំណើរ ទឹកមុខមាំម៉ឺងម៉ាត់ ស័ក្តិសមគ្មានចន្លោះ។
រឿង «សូម៉ា» របស់លោក សែម វិសាល មិនត្រឹមជ្រើសរើសតួក្នុងស្រុកល្បីៗឡើយ ថែមទាំងមានតួបរទេសទៀតផង។ នៅមានតួស្រីដ៏សំខាន់ម្នាក់ទៀត គឺ Khemma Métayer Top 5 Miss Universe Cambodia 2024 ជាកូនខ្មែរកាត់បារាំង។ ខេម៉ា បានផ្ដល់បទសម្ភាសន៍ដល់អ្នកសារព័ត៌មានថ្ងៃមុនថា «សូម៉ា» គឺជារឿងដែលនាងស្រលាញ់ខ្លាំង អ្វីដែលពិសេសបើទោះជាកញ្ញាមិនបានដើរជាតួឯក តែសាច់រឿងពិតជាត្រូវចិត្តខ្លាំង និងមានឈុតវ៉ៃតប់ ដែលខុសឆ្ងាយពីចរិតនាងទៀតផង។



គួរបញ្ជាក់ដែរថា កាលពីថ្ងៃ ១០ ខែកញ្ញាកន្លងទៅ Wonder Film បានថតឈុតធំបំផុតមួយក្នុងរឿង ដោយមានតួសម្ដែង ២០០ នាក់ចូលរួម ព្រមទាំងមានឈុតឆាកជិះសេះរបស់មេជនពាល ព្រមទាំងឡានស៊េរីទំនើបទៀតផង៕






























Account
Security
Favourite Content