បវរកញ្ញាវ័យក្មេងរបស់កម្ពុជា ជូរី ល្អហួស បានទៅចូលរួមជាមួយព្រះនាង នរោត្តម ជេនណា ក្នុងការចុះទៅចែករំលែកស្បៀងអាហារ និងសម្ភារចាំបាច់មួយចំនួនទៀត។ ព្រះនាង និងក្រុមការងារជាច្រើនបាននាំយករបស់ចាំបាច់ ទៅជូនដល់ដៃជនរងគ្រោះពិតប្រាកដ ហើយក៏ទទួលបានការគោរពស្រលាញ់លើសលប់ផងដែរ។


ព្រះនាង បានបង្ហោះវីដេអូ លើបណ្ដាញសង្គម និងភ្ជាប់ដោយសំណេរមកថា “ខ្ញុំបានចូលរួម ជាមួយអ្នកឧកញ៉ា Nito H Lim ព្រមទាំងបង Laor Hours ល្អហួស រួមគ្នានាំយកស្បៀងអាហារ និងសម្ភារៈចាំបាច់មួយចំនួន ទៅជូនពុកម៉ែបងប្អូនជនភៀសសឹក និងវីរកងទ័ពដោយផ្ទាល់។ ទិដ្ឋភាពទាំងនោះ ពិតជាខ្លោចផ្សារទប់ទឹកភ្នែកពុំជាប់ ឃើញប្រជាជនរបស់ខ្ញុំ អូនតូចៗ និងមនុស្សចាស់ជរាជាច្រើនគ្រួសារ ត្រូវបង្ខំចិត្តចាកចោលផ្ទះសម្បែង ដើម្បីតែរួចរស់ជីវិត“។
សែរាជវង្សដែលប្រឡូកក្នុងវិស័យសិល្បៈរូបនេះបានបន្តទៀតថា “ខ្ញុំសង្ឃឹមថា ការបង្ហាញពីសម្លេងនៃការឈឺចាប់ និងភាពអយុត្តិធម៌ ដែលយើងកំពុងជួបប្រទះពីទង្វើឈ្លានពាននេះនឹងទៅដល់សហគមន៍អន្តរជាតិបានឃើញ ហើយជួយនាំយកសុខសន្តិភាព ត្រឡប់មកឱ្យកម្ពុជាវិញ“។


ទាំងព្រះនាង ជេនណា និង ល្អហួស បានខិតខំអំពាវនាវឲ្យបានការបរិច្ចាគផ្សេងៗ ដើម្បីយកជូនកងទ័ពខ្មែរដែលកំពុងឈរជើងនៅសមរភូមិ និងប្រជនភៀសសឹក។ មិនតែប៉ុណ្ណោះក៏បានរៀបចំជំនួយដោយផ្ទាល់ដៃ មិនថាយប់ថ្ងៃ ដើម្បីសម្រួលការលំបាកប្រជាជនជាច្រើន។
គួរបញ្ជាក់ផងដែរថា ទាំងព្រះនាងខ្មែរអង្គនេះ និងMiss Teen Cambodia 2025 ជូរី ល្អហួស បានបញ្ចេញវីដេអូ ព្រមទាំងរូបភាពដែលប្រជាជនខ្មែររងទុក្ខខ្លោចផ្សាដោយស្នាដៃទាហានសៀមឈ្លានពានមកលើដែនអធិបតេយ្យភាព និងបូរណភាពដែនដីកម្ពុជា៕



រូបភាព៖ Jennna Norodom























Account
Security
Favourite Content