ម្ចាស់បទ «នឹក» KWAN កំពុងត្រៀមទម្លាក់អាល់ប៊ុមចម្រៀងឈ្មោះថា «SONMALAI» នៅល្ងាចថ្ងៃទី ២៦ ខែមករា ឆ្នាំ ២០២៤ ដែលក្នុងអាល់ប៊ុកថ្មីសន្លាងនេះមានចម្រៀងសរុប ១០ បទ។ គួរឱ្យភ្ញាក់ផ្អើលខ្លាំងមែនទែន ១ ក្នុងចំណោម ១០ បទនោះ ក៏មានបទដែល KWAN ft វណ្ណដា ផងដែរ ចំណងជើងថា «មេឃបើកថ្ងៃ» ត្រៀមទម្លាក់ Official Visualizer លើទីផ្សារនៅល្ងាចថ្ងៃនេះតែម្តង។


មុនទម្លាក់ Official Visualizer ជាផ្លូវការ តារាចម្រៀង KWAN បានទម្លាក់ audio បទ «មេឃបើកថ្ងៃ» លើឆានែល YouTube ផ្ទាល់ខ្លួនឱ្យប្រិយមិត្ត និងហ្វេនៗបានស្តាប់កម្សាន្ត។ ពិតជាមិនធម្មតាមែន គ្រាន់តែ audio ប៉ុណ្ណោះ បទ «មេឃបើកថ្ងៃ» មានអ្នកចុចចូលទស្សនាជាង 70K បាត់ទៅហើយ (តួលេខនេះគិតត្រឹមម៉ោង ២ រសៀលថ្ងៃទី ២៦ ខែមករា ឆ្នាំ ២០២៤)។
ហ្វេនៗនាំគ្នាស្រែក វ៉ាវ ពេលបានឮសាច់ភ្លេង ប៉ារ៉ូពីមួយឃ្លាទៅមួយឃ្លាមានសាច់រឿងភ្ជាប់គ្នាមិនដាច់ ពិសេសសំឡេង KWAN និង វណ្ណដា ក្នុងបទ «មេឃបើកថ្ងៃ» តែម្ដង។ គ្រប់គ្នាលើកសរសើរថា KWAN ពិតជាអស្ចារ្យណាស់ ហើយរឹតតែអស្ចារ្យជាងនេះគឺការច្រៀង ft ជាមួយកំពូល rapper វណ្ណដា ធ្វើឱ្យបទនេះរឹតតែមានរសជាតិ ឆ្ងាញ់ ផ្អែម មុត ហើយបើប៉ារ៉ូវិញ ស្តាប់ទៅស្រួចទម្លុះបេះដូងរបស់ហ្វេនតែម្តង។ គ្រាន់តែបានស្តាប់ audio បទ «មេឃបើកថ្ងៃ» ហ្វេនៗទទូចចង់ឃើញ Official Visualizer ភ្លាមៗតែម្តង។
ហ្វេនចាត់ទុកតារាប្រុសវ័យ ២៧ ឆ្នាំ និង KWAN គឺជាធនធានមនុស្សដ៏កម្រ ហើយបើមានការ សហការលើកក្រោយៗទៀតកាន់តែល្អ។ អ្នកគាំទ្រខ្លះក៏បានសរសើរ KWAN មានសំឡេងផ្អែមច្រៀងមានចុងចួនទាំងខ្មែរ និងអង់គ្លេស មកប៉ះ វណ្ណដា កំពូលអ្នកលេង Lyric រ៉េបច្បាស់ៗ មានអត្ថន័យគ្រប់ឃ្លា ពិតជារឿងដ៏អស្ចារ្យណាស់។
សូមជម្រាបថា នេះជាលើកដំបូងបង្អស់ ដែលតារារ៉េបវ័យក្មេងកំពុងល្បីល្បាញនៅកម្ពុជា វណ្ណដា ចាប់ដៃផលិតបទចម្រៀងជាមួយ KWAN។ ក្រៅពីបទ ft ជាមួយ វណ្ណដា KWAN មានបទចម្រៀងទោលជាច្រើនបទ រួមទាំងបទដែល ft ជាមួយតារារ៉េបផ្សេងទៀត ដូចជា Vito , All3rgy ជាដើម៕
ទស្សនាបទ audio បទ «មេឃបើកថ្ងៃ» ខាងក្រោមនេះ៖























Account
Security
Favourite Content