ទឹកមុខស្រស់ស្រាយពីសំណាក់តារាកំប្លែងជើងចាស់ ជួង ជី ហៅ នាយកុយ ក្រោយទទួលជោគជ័យលើការវះកាត់បានធ្វើឱ្យលេចឡើងនូវស្នាមញញឹមដ៏ស្រស់ប្រិមប្រិយពី នាយ ក្រឹម ជាមិត្តសម្លាញ់ដែលបានទៅសួរសុខទុក្ខលោកដោយផ្ទាល់នៅឯគេហដ្ឋាន ក្រោយចេញពីមន្ទីរពេទ្យ។



កាលពីថ្ងៃ៧ កុម្ភៈ កន្លងទៅតារាកំប្លែងជើងចាស់ នាយ កុយ ត្រូវបញ្ជូនទៅកាន់មន្ទីរពេទ្យភ្លាមៗ និងតម្រូវត្រូវវះកាត់ដោយសារតែរកឃើញថាមានដុំសាច់នៅក្នុងក្រពះ។ ក្រោយទទួលបញ្ហាសុខភាពភ្លាមៗបែបនេះតារាកំប្លែងភ្នែកតូចរូបនេះបានបង្ហោះដំណឹងឱ្យសាធារណជនបានជ្រាបដំណឹងអំពីស្ថានភាពសុខភាពរបស់លោក ព្រមទាំងសុំផ្អាករាល់សកម្មភាពការងារទាំងអស់ដើម្បីទទួលការព្យាបាល។
ក្រោយទទួលបានការព្យាបាល និងមើលថែយ៉ាងដិតដល់ពីសំណាក់ក្រុមគ្រូពេទ្យ នាយ កុយ ក៏បានធូរស្បើយឡើងវិញ។ គ្រាន់ទទួលបានដំណឹងប្រសើរឡើងរបស់តារាកំប្លែងជើងចាស់រូបនេះមហាជនក៏ដូចជាអ្នកគាំទ្របាននាំចូលខមិនបានជូនពរឱ្យនាយ កុយ ឆាប់ជាសះស្បើយ និងត្រឡប់មកដូចដើមវិញ។
ម្សិលមិញនេះលោក អ៊ូ ប៉ុណ្ណារ៉ាត់ ហៅនាយ ក្រឹម ដែលជាមិត្តសម្លាញ់ និងជាមិត្តរួមអាជីពផងនោះក៏បានឆ្លៀតពេលពីការងារទៅសួរសុខទុក្ខ នាយ កុយ ដោយផ្ទាល់នៅឯគេហដ្ឋាន។ តារាកំប្លែងមាឌល្អិតរូបនេះបានបង្ហាញស្នាមញញឹម និងភាពរីករាយក្រោយបានឃើញ នាយ កុយ បានជាសះស្បើយ និងស្ទើរតែត្រឡប់មកដូចដើម ១០០ ភាគរយបែបនេះ។










គួរឱ្យដឹងដែរថា ទាំងលោក ជួង ជី ហៅ នាយកុយ និងលោក អ៊ូ ប៉ុណ្ណារ៉ាត់ ហៅនាយក្រឹម សុទ្ធសឹងតែជាតារាកំប្លែងជើងចាស់ហូរហៀរទៅដោយទេពកោសល្យតែងធ្វើឱ្យអ្នកទស្សនាសើចសប្បាយតាមរយៈការសម្ដែងរបស់អ្នកទាំងពីរ។ មកទល់ពេលបច្ចុប្បន្ន ទោះបីជាអ្នកទាំងពីរមានការងារ និងភាពមមាញឹកក៏ពិតមែន ប៉ុន្តែទំនាក់ទំនងនិងមិត្តភាពនៅតែបន្តយ៉ាងល្អនិងរឹងមាំសមនឹងទទួលបានការសរសើរពីក្មេងជំនាន់ក្រោយ៕
ចុចលីងដើម្បីទស្សនាវីដេអូ ៖ https://www.facebook.com/ChiefKrem/videos/1375981717116050
ប្រភពរូបភាព ៖ នាយក្រឹម កំប្លែង-អ៊ូ ប៉ុណ្ណារ៉ាត់























Account
Security
Favourite Content