កម្របានឃើញណាស់ លើកទី១ហើយដែលបវរកញ្ញា Challenge ខ្លួនឯងឡើងភ្នំបែបនេះ។ មាននាមជាបវរកញ្ញាពិតមែនតែ កុយ អេនណា លត់ដំខ្លួនបានសម្រេចដោយឡើងទៅដល់កំពូលភ្នំឱរ៉ាល់ដែលមានកម្ពស់រហូតដល់ទៅ ១៨១៣ ម៉ែត្រ។

នេះជាលើកដំបូងដែលបវរកញ្ញាសម្បុរទឹកឃ្មុំរូបនេះបានឡើងដល់កំពូលភ្នំដែលខ្ពស់ជាងគេនៅកម្ពុជា។ សមិទ្ធផលមួយនេះបានកើតឡើងកាលពីពេលថ្មីៗនេះឯងដោយ កុយ អេនណា បានចំណាយរយៈពេល ២យប់៣ថ្ងៃ នៅលើភ្នំឱរ៉ាល់។
ទោះបីជាការឡើងភ្នំលើកនេះដំបូងសម្រាប់ កុយ អេនណា តែនាងនៅតែអាចធ្វើបានដោយចំណាយពេល៧ម៉ោងដើម្បីអាចឡើងដល់កំពូលភ្នំ។ អេនណា បានយកឈ្នះការលំបាកជាច្រើនដែលខ្លួនពុំដែលធ្លាប់បានជួបប្រទះពីមុនមកដូចជាអាកាសធាតុ ស្ថានភាពផ្លូវ ចំណីអាហារនិងការហូបចុកដែលទាំងនេះទាមទារឱ្យមានភាពបត់បែននិងការអត់ធ្មត់ខ្ពស់បំផុត។ ទីបំផុត កុយ អេនណា ក៏អាចឆ្លងផុតដំណាក់កាលលំបាកទាំងនោះបានថែមទាំងលើកទឹកចិត្តដល់បងប្អូននារីហោចណាស់សាកល្បងឡើងភ្នំឱ្យបានម្ដងក្នុង១ឆាកជីវិត។
កុយ អេនណា បានចែករំលែកឱ្យដឹងទៀតថានេះជាបទពិសោធន៍ល្អបំផុតក្នុងជីវិតរបស់នាង។ បទពិសោធន៍លើកនេះបានធ្វើឱ្យបវរកញ្ញារូបនេះអាចលត់ដំខ្លួនឯង ស្វែងរកអ្វីដែលថ្មីនិងអាចរៀនរស់នៅជាមួយធម្មជាតិបានថែមទៀតផង៕










រូបភាព៖Koy Anna

























Account
Security
Favourite Content