ថ្មីៗនេះមហាជនកំពុងផ្ទុះការកោតសរសើរដល់អ្នកផលិតមាតិកាវ័យក្មេង ឃុន វ៉ាន់លីង ដែលបាននាំយកក្បិនខ្មែរ ហោះឆ្លងប្រទេសទៅបង្ហាញនៅកោះតៃវ៉ាន់តាមរយៈដំណើរកម្សាន្តរបស់ខ្លួនយ៉ាងស្រស់ស្អាត។

វីដេអូរបស់អ្នកផលិតមាតិកាខ្មែរ ឃុន វ៉ាន់លីង ស្លៀកក្បិនដើរកម្សាន្តនៅក្នុងតៃវ៉ាន់កំពុងត្រូវបានមហាជនចាប់អារម្មណ៍ និងកោតសរសើរខ្លាំង សម្រាប់ការនាំយកសម្លៀកបំពាក់ជាវប្បធម៌ខ្មែរទៅស្លៀកបង្ហាញនៅឯក្រៅប្រទេស ដែលជាការបង្ហាញអត្តសញ្ញាណខ្មែរផងដែរ។
អ្នកផលិតមាតិកាវ័យក្មេងដែលត្រូវបានគេស្គាល់ថាជាកូនអ្នកសៀមរាបរូបនេះមិនត្រឹមតែនាំយកក្បិនខ្មែរឆ្លងប្រទេសទៅតៃវ៉ាន់ប៉ុណ្ណោះទេ ស្រីស្រស់រូបនេះថែមទាំងអាចស្លៀកក្បិនបុរាណដោយខ្លួនឯងផងដែរ ខណៈមុនចេញដំណើរកម្សាន្ត វ៉ាន់លីង បានទៅរៀនស្លៀកពីអ្នកជំនាញខាងសម្លៀកបំពាក់ខ្មែរ។ ជាលទ្ធផល អ្នកផលិតមាតិកាក្នុងស្រុកម្នាក់នេះ ធ្វើបានថែមទាំងអាចស្លៀកបង្ហាញក្បិនខ្មែរនៅតំបន់ជាច្រើននៅកោះតៃវ៉ាន់ក្នុងដំណើរកម្សាន្តរបស់ខ្លួនផងដែរ។



វ៉ាន់លីង ត្រូវបានមហាជនអ្នកប្រើប្រាស់បណ្ដាញសង្គមហ្វេសបុក និងតិកតុកស្គាល់ថាជាអ្នកផលិតមាតិកាស្រករក្រោយដែលមានទាំងសមត្ថភាព ព្រមទាំងចំណេះដឹង រួមទាំងរូបសម្រស់ស្រស់ស្អាតផងដែរ ជាធម្មតាមាតិកាដែលស្រីស្រស់រូបនេះធ្វើជាប្រចាំភាគច្រើនផ្ដោតលើចំណេះដឹង ដំណើរកម្សាន្ត និងសកម្មភាពប្រចាំថ្ងៃរបស់ខ្លួន។ ក្រៅពី វ៉ាន់លីង តារាសម្ដែងស្រី សាន្ត កុសមៈ បានស្លៀកក្បិន និងពាក់អាវណយ ដើរលេងនៅប្រទេសចិនផងដែរ៕
សូមទស្សនាវីដេអូ ៖ https://www.facebook.com/100069381930061/videos/1054697209990106























Account
Security
Favourite Content