តារាល្បីៗទាំងនេះមានទាំងសមត្ថភាពនិងទេពកោសល្យ ព្រោះជាស្លឹកឈើជ្រុះមិនឆ្ងាយពីគល់

បច្ចុប្បន្ន​នេះ គេ​សង្កេត​ឃើញ​ថា​មាន​តារា​ល្បី​ៗ​ជាច្រើន​ដែល​ជា​ជំនាន់​កូន​នៃ​តារា​ល្បី​ៗ​ជំនាន់​មុន ដោយ​សមត្ថភាព និង​ទេពកោសល្យ​សិល្បៈ​ពួកគេ​ក៏​ខ្ពស់ និង​ច្បាម​បាន ប្រជាប្រិយភាព​មិន​ចាញ់​ជំនាន់​ឪពុក​ម្ដាយ​ឡើយ។ មក​មើល​តារា​វ័យ​ក្មេង​ទាំង​នេះ​ដែល​ពួកគេ​មាន​ទាំង​សមត្ថភាព និង​ទេពកោសល្យ ក៏​ព្រោះ​ជា​ស្លឹក​ឈើ​ជ្រុះ​មិន​ឆ្ងាយ​ពី​គល់។

១. កូន​ប្រុស​ទាំង ៣ របស់​តារា​ចម្រៀង ព្រាប សុវត្ថិ គឺ សុវត្ថិ មុនីវណ្ណ, សុវត្ថិ មុនីនាគ និង សុវត្ថិ សិរីវុឌ្ឍ៖ អ្នក​ទាំង ៣ សុទ្ធ​តែ​មាន​ដុង​សិល្បៈ​ផ្នែក​តន្ត្រី​ចម្រៀង​មិន​ខុស​ពី​ឪពុក​របស់​ពួកគេ​នោះ​ឡើយ ដោយ​បច្ចុប្បន្ន​អ្នក​ទាំង ៣ មាន​អាជីព​ជា​តារា​ចម្រៀង​អាច​រាំ និពន្ធ​ទំនុក​ច្រៀង និង​លេង​ឧបករណ៍​តន្ត្រី​សម័យ​បាន​យ៉ាង​ស្ទាត់​ជំនាញ។

២. កូនស្រី​អតីត​តារា​ចម្រៀង ឈិន កុសល គឺ កញ្ញា ឈិន មុន្នីនាថ៖ ស្រី​ស្រស់​សោភា​រូប​នេះ​កំពុង​សាង​ភាព​ល្បីល្បាញ​មិន​ចាញ់​ជំនាន់​ឪពុក​ឡើយ គ្រាន់តែ​នាង​ច្បាម​បាន​ភាព​ល្បីល្បាញ​ខ្លាំង​តាមរយៈ​ការ​សម្ដែង​ខ្លាំង​ជាង​ការ​ច្រៀង ប៉ុន្តែ ឈិន មុន្នីនាថ ក៏​មាន​សមត្ថភាព​ច្រៀង​បាន​យ៉ាង​ពីរោះ​រណ្តំ​មិន​ចាញ់​ឪពុក​នាង​ប៉ុន្មាន​ទេ។

៣. កូនស្រី​តារា​សម្ដែង សឿនផាន ផាភួង គឺ កញ្ញា អាង សុជាតា ហៅ ឈូឈូ៖ ពិត​មិន​ឱ្យ​ខុស​ពាក្យ​ថា ជា​កូន​ស្រី​អ្នក​សិល្បៈ​នោះ​ទេ សុជាតា កំពុង​តែ​សាង​ភាព​ល្បីល្បាញ​ជូន​អ្នក​ម្ដាយ​ទាំង​វ័យ​ក្មេង​តាមរយៈ​អាជីព​ជា​តារា​សម្ដែង​ដូច​ម្ដាយ​ដែរ។

៤. កូនស្រី​អតីត​តារា​សម្ដែង​ជើងចាស់ កែវ កល្យាណ គឺ​កញ្ញា កែវ ឡាវីញ៖ តារា​សម្ដែង​ពន្លក​ថ្មី​រូប​នេះ ក្តោប​បាន​ប្រជាប្រិយភាព​យ៉ាង​ខ្លាំងក្លា​មិន​ចាញ់​ម្ដាយ​នាង​កាល​ជំនាន់​មុន​ឡើយ​តាមរយៈ​ការ​សម្ដែង​រឿង​ស្រលាញ់​ភេទ​ដូចគ្នា។ បច្ចុប្បន្ន​នាង​ជា​តារា​សម្ដែង​ប្រចាំ​ឱ្យ Sastra film។

៥. កូនស្រី​តារា​កំប្លែង ស្រី អ៊ីត គឺ ង៉ាស្រីណាន ហៅ ណាន ណាន៖ ជាកូន​ស្រី​តារា​កំប្លែង​ក៏​ពិតមែន ប៉ុន្តែ​ស្រី​ស្រស់​សោភា​មុខ​មាត់​គួរ​ឱ្យ​ក្នាញ់​រូប​នេះ មាន​សមត្ថភាព​ច្រៀង និង​សម្ដែង​មិន​ចាញ់​ម្ដាយ​ឡើយ ថែម​ទាំង​ធ្លាប់​ចូល​ប្រកួត​កម្មវិធី X Factor Cambodia ថែម​ទៀត​ផង។

៦. កូន​ស្រី​តារា​កំប្លែង ស្រី លាភ គឺ គង់ ដារ៉ាទី ហៅទីទី៖ មិន​ឱ្យ​ចាញ់​ម្ដាយ​ដែល​មាន​អាជីព​ជា​តារា​កំប្លែង​នោះ​ទេ រ៉ាទី ក៏​មាន​ដុង​សិល្បៈ និង​ទេពកោសល្យ​លើ​សិល្បៈ​កំប្លែង​មិន​ចាញ់​​ម្ដាយ​ប៉ុន្មាន​ឡើយ ហើយ​កន្លង​ទៅ​រូប​នាង​ក៏​ធ្លាប់​បាន​ចូល​រួម​សម្ដែង​ក្នុង​រឿង​កំប្លែង​ខ្លី​ៗ​ជាមួយ​ក្រុម​នាយ​ក្រឹម និង​ធ្លាប់​លេច​មុខ​ក្នុង​ភាពយន្ត​ភាគ​ថ្មី​របស់​ទូរទស្សន៍​ដែរ​គឺ​រឿង «កូន​ពស់​កេង​កង» ផង​ដែរ។

៧. កូនស្រី​បង្កើត​តារា​សម្ដែង​អ្នកស្រី ច័ន្ទ សោភ័ណ្ឌ ហៅ Red Roseគឺ ដាវណ្ណ ជេន្នី៖ មិន​ឱ្យ​ចាញ់​ម្ដាយ​ជា​តារា​សម្ដែង​នោះ​ទេ ជេន្នី ក៏​មាន​ដុង​សម្ដែង​ខ្លាំង និង ធ្លាប់​ទទួល​បាន​ការ​គាំទ្រ​ច្រើន​ជាមួយ​នឹង​ស្នា​ដៃ​សម្ដែង​ដ៏​ប៉ិនប្រសប់​ជាច្រើន​បន្តបន្ទាប់។

៨. ចៅ​ស្រី​តារា​សម្ដែង​ជើង​ចាស់​លោកស្រី កែវ មន្ថា គឺ​កញ្ញា ស៊ូ ស៊ីរីកា៖ ដ្បិត​តែ​មិនមែន​ជា​តារា​ចម្រៀង​ល្បី​ឈ្មោះ​លំដាប់​ប្រទេស ប៉ុន្តែ ស៊ីរីកា ក៏​ក្ដោប​បាន​ប្រជាប្រិយភាព​ខ្ពស់​តាមរយៈ​បទចម្រៀង និង​ស្ទីល៍​តុបតែង​ខ្លួន​របស់​នាង។

៩. ចៅប្រុស​អ្នក​​និពន្ធ និង​ដឹក​នាំ​រឿង​លោកស្រី ពាន់ ភួងបុប្ផា គឺ​លោក ម៉ុង ម៉ានិត និង ម៉ុង ម៉ានុត៖ ចៅ​ប្រុស​ទាំង ២ របស់​អ្នក​ដឹកនាំ​រឿង​ជើង​ចាស់​នេះ មាន​សមត្ថភាព​ខ្ពស់​លើ​ការ​តែង​និពន្ធ មិន​តែ​ប៉ុណ្ណោះ​ពួកគេ​ក៏​ល្បីល្បាញ​ខ្លាំង​តាមរយៈ​ការ​ច្រៀង គ្រាន់តែ ម៉ុង មានិត ប្រឡូក​វិស័យ​សិល្បៈ​មុន ចំណែក ម៉ុង ម៉ានុត ទើប​បោះ​ជំហាន​ចូល​សិល្បៈ​ប៉ុន្មាន​ឆ្នាំ​ចុង​ក្រោយ​ប៉ុណ្ណោះ។

១០. កូនប្រុស​សិល្ប​ការិនី​អាយ៉ៃ យាយ​យ៉យ គឺ នាយ ព្រែក៖ ពិត​ជា​ស្លឹកឈើ​ជ្រុះ​មិន​ឆ្ងាយ​ពី​គល់​មែន នាយ​ព្រែក បាន​ដើរ​តាម​គន្លង​របស់​អ្នក​ម្ដាយ​តាំង​ពី​នៅ​កុមារភាព​មក​ម្ល៉េះ ហើយ​ពេល​នេះ​លោក​កំពុង​មាន​ភាព​ល្បីល្បាញ​ខ្លាំង​មិន​ចាញ់​ម្ដាយ​ឡើយ​លើ​អាជីព​ជា​ពិធី​ករ។



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង