គ្រាន់តែបញ្ចប់ងារជាព្រះសង្ឃភ្លាមស្វាមីរូបសង្ហារបស់តារាស្រី ដួង ម៉ានិច បានប្រាប់ទៅកាន់ភរិយាបណ្ដូលចិត្តថា ការបួសពិតជាល្អហើយ ប្រសិនបើមានពេលវេលាគ្រប់គ្រាន់លោកសុំបួសឱ្យបានយូរជាងនេះ។

ដូចដែលមហាជនបានដឹងរួចមកហើយថា ក្រោយរៀបការអ្នកនាង ដួង ម៉ានិច និងស្វាមីបានផ្លាស់ប្ដូរការរស់នៅមកប្រើជីវិតតាមជនបទយ៉ាងមានក្ដីសុខ។ ត្បិតថាគូស្វាមីភរិយាទាំងពីរបានរស់នៅជួបជុំយ៉ាងសុខដុមក៏ពិតមែន ប៉ុន្តែចិត្តជ្រះថ្លានៅក្នុងព្រះពុទ្ធសាសនាបានជំរុញឱ្យស្វាមីតារាស្រីខាងលើសម្រេចចិត្តបួសក្នុងរយៈពេលដ៏ខ្លី ដើម្បីបំពេញបុណ្យកុសលដោយបានចាប់ផ្ដើម តាំងពីថ្ង ២០ ខែធ្នូ ឆ្នាំ ២០២៤ រហូតមកទល់ថ្ងៃ ៣១ ខែធ្នូ ឆ្នាំ ២០២៤ នេះបើតាមការបង្ហោះនៅលើអាខោនផ្លូវការរបស់អ្នកនាង ដួង ម៉ានិច ។









យ៉ាងណាមិញ ក្រោយលាចាកសិក្ខាបទ ស្វាមីអ្នកនាង ដួង ម៉ានិច បានប្រាប់ទៅកាន់ភរិយារបស់លោកថា «ការបួសពិតជាល្អខ្លាំងណាស់ មិនថារយៈពេលវែងឬខ្លីនោះទេ» មិនតែប៉ុណ្ណោះ លោកក៏បានស្នើទៅកាន់ភរិយាថា ប្រសិនមានពេលវេលាគ្រប់គ្រាន់មិនសូវរវល់ខ្លាំងលោកសុំបួសឱ្យបានយូរជាងនេះ។ ចំណែកអ្នកជាភរិយាក្រោយបានលឺស្វាមីពោលបែបនេះក៏យល់ព្រមឱ្យតែជាបំណងរបស់ស្វាមី៕
ប្រភពរូបភាព ៖ ហ្វេសបុក ដួង ម៉ានិច

























Account
Security
Favourite Content